#عشگ-سمره
الجزء 17
بقلم ازهار ذابله.
بقيت بالانتظار.
تقريباً ربع ساعه واشوف الباب انفتح وطلع منو هذا منو مسحت عيوني اريد
استوعب الموقف.
عصام!! !!
لك هذا شجابه اهنا?
وشيسوي بمكتب بابا معقوله يشتغل وياه?
اشو هذا من شافني رفع حاجبه وابتسم
واجه يمشي بطء بتجاهي.
ولابس ملابسه الانيقه ربطة العنق وقميص ابيض وستره نيلي وهل المره مغير لابس جينز ويه هاي الاناقه.
من اتقرب اكثر اني وكفت بس مرتبكه.
وممتوقعه منه يكون اهنا.
يعني انصدمت بوجوده.
وكف قريب عليه وانحنى قرب ع اذني
وهمس بكلامات خلاني افقد توازني.
عصام - اتعرفين الغيوم من اتحاول تحجب القمر او تمر من خلاله شيصير بالقمر.
يشع ويزيد اشراق وبهجه.
مثلج بالضبط ........
وتركني صافنه ما كدرت انطق حرف.
وفات من كدامي وطلع بطريقه غريبه وهو يبتسم.
مااعرف شنو يقصد ليش هيج يكول ...
معقوله يحبني ...
معقوله اني العمري بس سبعة عشر سنه.
ويمكن اكون اصغر من عمري حتى.
شلون يحبني ....?
هذا الشخصيه الناجح مهندس وتاجر.
وكل الصفات الجيده عنده.
معقوله اووووووه لا تحلمين.
وين راح بابا هذا عصام وخلص شغل.
اريد ارجع للبيت وين خلاني.
لو باقيه بالسياره ولا سامعه هذا الكلام
هذا شنو يقصد ......
هاااا نونو حبي اسف اتاخرت عليج.
لا بابا عادي يله انروح خلصت?
اي بابا خلصت يله هسه نرجع للبيت.
صعدنه بالسياره واني اريد اسال بابا.
ومتردده وحرت اساله لو لا?
اخر شي اتشجعت وسالته.
بابا عصام شيسوي عندك بالمكتب?
ماعنده شي بس هو جايبلي مشاريع.
ومخططات اني طلبتهم منه.
يعني يشتغل وياك.?
لا بس هو مهندس واني احتاجيت مساعدته والولد ماقصر.
هااا يعني .......
كملي بابا يعني شنو?
لا بس هيج حبيت اسال يعني هو يشتغل بس ويه ابوه لو عنده شغل ثاني?
لا هو يشتغل ويه ابوه بس وقت فراغه هو بالاصل مستقل عن ابوه.
ليش?
لان صارت مشاكل بينهم واتعرفين ابو عصام مو وحده بالشركه اخوانه عدهم اسهم بيها ’بس همه معتمدين عليه
يعني محد يشتغل وياه و ولدهم بس يصرفون وعصام اكثر من مره يعترض.
بس ابوه ميقبل لذلك ترك شركة ابوه
وهسه هو يشتغل مشاريع اصغيره
وهم ياخذ مقاولات ....
اي زين شغله اني قبل ماادري اكول هذول منيلهم هاي البيوت والسيارات.
اي نونو هاي عالم متعرفين الهم مصدر
مال ثروه بعد اني هذا الي اعرفه.
وصلنا البيت وجانة الساعه تسعه مساءً .
وماما منتظرتنه.
اول ما دخلت البيت.
ماما وحمودي انصدموا! !
اني استغربت نظرتهم كلت شبيهم?
ونسيت نفسي اول مره يشوفوني لابسه حجاب .........
حمودي : لج نونو صايره بنيه!
ام نور: يمه فدووووه شكد حلوو عليج الحجاب.
ابو نور : لا تحسدون بنتي عيونكم حاره.
نور: خجلتوني هههههههه.
صعدت واني فرحانه والابتسامه مزروعه ع وجهي .
واني احمل بيدي اكياس الي اشتريتهم
وقررت اجربهم كلهم ..
شفت نفسي بالمرايه معرفتني.
صدك صايره بنيه شابه.
واني شكد مستهانه بروحي ...
بس صفنت بوجهي اتخيلت عصام
واخر كلمات حجاهم وياي ......
مااعرف اصدك نظرت عيونه الي اتكلي احبج?
لو اصدك الفرق البينه وانسه كل شي .
بس هاي المره مااكدر انسه عصام.
واني اجرب كل انواع الشالات.
اتخيل عصام يحجي وياي .
اشوف وجهه كدامي.
ضربت راسي وبخت روحي ع هذا التصرف الجنوني .
كلت لازم ابقي نفسي بعيده عنه.
رجعت اراجع دروسي .
واعرف الامتحانات حتكون صعبه ...
فاتت ساعات وصار يوم الامتحان .
وجهزت وبابا ينتظر يوصلني.
وصلني ومثل كل مره انتظره من اخلص امتحان .
بابا الامتحان بس ساعتين مو تتاخر عليه .
ان شاء الله بابا ......
دخلت صديقاتي اول مره معرفني .
وبعدين يله ركزن وياي واكو منهم معجبتهن.
وحده اتكول مكبره نفسج.
والثانيه لا هيج احلا.
وكل وحده تحجي شكل واني بس اتذكر كلام عصام ..
اهم شي هو كال حلوو مااعرف هو كال غيوم قمر يمكن شي زين .
يله عيني نور وين صافنه جاي يدخلون للقاعات...
اي اني وياكم هسه ادخل.
خلص اول امتحان وطلعت انتظر بابا .
وطلعت روى .
هااا نور جاوبتي ?
الحمد لله جاوبت وانتي .
اي جاوبت اكلج شمسويه بروحج هههههه.
ليش اتضحكين شنو اني شمسويه ?!!
لج انتي بنت مدينه عود و اترجعين لهذا
التخلف ...
عفوو شنو التخلف بالموضوع !!
لج منو تلبس حجاب غير متخلفه وفلاحه.
هههههه والله اشفق ع تفكيرج
التخلف الحقيقي هو الي جاي تحجينه
ومنو كلج الفلاح او الفلاحه متخلفين.
اتعرفين اني بس حبيت انصحج .
شكرااا حبي احتفظي بنصائحج لنفسج.
زركه ولابسه حجاب هههه لج جان شعرج
مهون بشاعتج .
الحمد لله اهم شي عندي انسانيه واحترم الاخرين.
يله زروك اني اروح ﭼاوووووو.
اووووي انوب ﭼاووووووو.
بقيت انتظر .
وشفت اوس يمشي من بعيد كلت لازم
اختل حتـ لا يشوفني.
يتبع ....
