#عشگ-سمره
الجزء 23
بقلم ازهار ذابله.
كل العاده اكعد من نومي ع اصياح ودوشه
وفز عصام هم مرعوب .
يسالني شنو صاير واني هم مااعرف شنو صار بس اسمعهم يصيحون .
نزل عصام بسرعه واني ظليت حايره
خفت انزل لان اسمع صوت ناس اهوايه
رجع عصام بدل وسالته شنو صاير ....
الشرطه تارسه بيتنا .. .
ليش شكوو...!
مااعرف بس خلي ابدل واشوف شنو السالفه ..
واني ابقه اهنا وحدي اخاف ...
لعد شسويلج ....?
نزلني وياك.
لا وين نازله اكلج البيت متروس شرطه.
اي لعد اتعوفني اهنا ....
يلا البسي خل ننزل ..
بسرعه لبست وخليت شال ع راسي
ونزلت خاتله وره عصام ..
وهو ضايج ويسحب بيدي.
نزلني وكفت وراه واسمع المحقق يحجي ويه عمو.
جايتهم اخبار ع وجود عصابه
بالبستان الي اهل عصام يملكونه
اني اتذكرت اي هذا البستان المرعب
حبيبي هو اكو واحد يلزم عصابه الصبح?
اكيد هسه العصابه نايمين هههه.
لج نور اسكتي لا يسمعونج.
وفعلا المحقق سمعني ...
وسال عصام من دا يحجي خلفك
بس عصام غير الموضوع وبقه المحقق يلح عصام صيح عليه كال فوتي جوه.
اشرلي ع المطبخ ..
رحت ركض وخفت منه شلون صيح بوجهي ...
لكيت بالمطبخ عمتي و روى ..
عصام مو من حقك تسال عن احد انت جاي بس اتفتش ما عندك امر اتحقق ويه احد من العائله ..
بس هي عدها معلومات ع العصابه هذا الشي واضح.
ماعدها شي هي مجرد طفله اصغيره وبس متأثره بالقصص والافلام البوليسيا.
هااا يمكن.
لا اكيد وخلص شغلكم بالبيت اتكدرون اتفتشون البستان.
نعتذر ع الازعاج ...
لا هذا شغلكم اخذ راحتك ..
اسمعهم يطلعون وعمو راح وياهم ومخله عصام يرافقهم لان عريس.
هو يا عرس صار كارثة ..
القريه كلها انترست بالشرطه وسيارتهم من الصبح.
اكيد عمتي كالت هذا فال مو زين.
بس شفنه وجهج مشفنا الخير ونزلت دك حجي عليه بدون سبب.
رجع عصام كال اطلعوا خلص راحوا.
واني بعدني خايفه لا عصام يتذكر.
وفعلا طلع ما ناسي ...
طلعن عمتي و روى" واني اريد اطلع
سحبني من ايدي ..
بعد لا تحجين اذا اكو رجال بالمكان افتهمتي ..
لا شنو اني شكلت هو اصلا محقق فاشل
يعني اتعاندين ...?
لا مو اعناد بس اذا عندي وجهة نظر احجيها كدام اي شخص ..
واني اكلج اذا سمعت صوتج واكو رجال بالمكان اتشوفين شي ميعجبج.
ليش هيج تحجي وياي ....?
انتي متعرفين عاداتنه واني من واجبي اعلمج وانتي بس اتنفذين بس حضرتج اتعاندين.
ماكو هيج شي اني ما اعاند.
خلص اني اسف بس بعد لا تخليني اصيح عليج مااحب اشوفج خايفه مني.
ومنو كلك اني اخاف .....?
ههههه ادري الله مقصرج ومطول السانج شبليت روحي اني انتي كارثه.
شكراا بعدني عروس وانت اترزل وتقلد عليه وصرت كارثه.
حبي عجبتج وكفت المطبخ تعالي نروح لغرفتنه ..
صعدنا للغرفه ولكيت ثلاثين مكالمه من ماما ومسجات خابصه الدنيا ...
رجعت خابرتها وسالت عن الشرطه.
طمنتها وكتلها ماكو شي.
هي جانت اتريد تجيني بس مكادره تطلع من الهوسه والناس ملتمه.
خلصت المكالمه واشوف عصام اخذ الفون مالته و طلع يحجي بالممر ..
اسمعه ايكول الواحد دير بالك ترجع للقريه
ابقه وين ماانت تره خابصين المنطقه يدورون عليك ...
اهلا هذا شنو ليش يتستر عليه ....?
وشلون يعرف هم يردونه هو بالذات ...?
ومنو هذا الي عصام يستر عليه ...?
سويت نفسي مسمعت شي ورجعت كعدت بمكاني ..
دخلت الخدامه محظره الريوك خلته وطلعت
واني صافنه ع الاكل وبالي يم عصام
هااا العروسه شبيها صافنه ..
مصافنه بس منتظرتك حته نتريك.
امممم احنه انكول فطور " يعني بعد لا تكولين ريوك.
يعني لازم احجي نفسكم .....!
لا مو لازم بس حته تتاقلمين ومتسمعين كلمه او نقد.
خلص مثل متحب فطور اتفضل .
بس حزت بنفسي وزعلت بدون ما ابين
هذا من الصبح نازل عليه ادروس ...
اذا هيج ليش اتزوجني ..
صدك ضجت بس هو مو قصده شي يمكن هو هيج طبعه او يخاف من اهله يفشلوني اذا حجيت شي فيعلمني حته لا اتعرض للاحراج ...
بس ما نسيت مكالمته ومنو هذا الي يحجي وياه ...?
كلت خلي اساله واشوف ..
حبي اكدر اسالك فد شي سؤال هلكده.
هههههه والله مااكدر ع هذا كله حبي "
واسلوب حلووو لازم السؤال اخطر من اليورانيوم...
اممممم يعني شنو ما احجي ...
يله كولي لو شنو تردين اني اجاوبج ..
منو جنت اتخابر ....?
يعني سمعتي المكالمه ...!
لا ونبي مو قصدي اتسمع عليك بس بالصدفه ...
حبي هذا اوس امسوي كارثه واني اعرف بي من قبل شهرين تقريبا "ورحت لـ ابوه وحجيت وياه وماكو فايده وهسه وكعت المشكله براسنا ..
شمسوي .....?
شكلج والله سالفه اتفشل بس بعد انتي مو غريبه " هذا مرافك جماعه منحلين وعصابات ويطلع ويطب وياهم ومورطينه بشغل وصخ مثلهم " يسرقون سيارات "ويخطفون وشنو شغل وصخ يشتغلونه حتى مخدرات.
زين ليش انت تحمي وتستر عليه ..!
اخ يا نور لو تعرفين شلون عائلتنه وشلون مترابطه بطريقه معقده " بعدين اتعرفين
اذا انسجن هذا حنتأثر كلنا وشغلنا يتعطل.
يعني شغلكم واكف ع هيج شي ..
لا مو واكف ع احد بس احنه وعمامي املاكنا كلها سوه وماكو كل واحد وحصته واني اعرف اذا انسجن هذا العار احتمال بابا يبيع الشركه ويطلعه ....
ليش شنو واذا انسجن يستاهل اصلا لازم ينسجن .....
نور سدي هذا الموضوع .
ابراحتك اعتبرني مسمعت شي ..
اي عفيه مالي خلك والله تعبت بس من المشاكل ..
هههههه يا مشاكل هي بس هاي المشكله ...
اضحكي حقج متعرفين شي.
انت كول خلي اعرف ....!
ماكو شي حبي خابرتي امج طمنتيه ...
اي ..
رجع عمي من البستان وجان متعصب
وجمع كل اخوانه واسمعه يرزل بيهم
ويحجي ويكلهم اني ابتليت بيكم
شغل الشركه ومتحمله وهنا يمكم ولدكم
ومتشوفن شيسون وهاي مو اول كارثه
اسدها الهم ...
اسمعه يكل العصام طلعوا
مصايب من البستان
لاكين سيارات ومخدرات ومشروبات (كحول).
لك هذا مصخم وجهنا وبعد الله يعلم شمسوي.
اخوان ابو عصام طلعوا زعلانين ..
يتبع......
