عشك سمره

البارت التاسع عشر

#عشگ-سمره
الجزء 19
بقلم ازهار ذابله.

كعد الصبح ع صياح ماما
نزلت شفتها مغركه البيت
وتنظف واتعزل بالبيت
واتصيح ع حمودي مخليته يساعدها
صباحووو ماما.
صباح العسل.
شعدكم من الصبح اتنظفون وليش مكعدتيني اساعدج.
لا حبي انتي استوج خلصتي امتحانات
ارتاحي.
امممم ماعندي شي.
لعد حظري نفسج حتى نطلع ابوج
منتظرنه.
وين ....?
اووووه نسيتي مو كتلج نتسوك.
هااا اتذكرت بس خلي اتريك.
يله بسرعه ...
شنو اليوم اكو شي بس شنو مااعرف
شبيهم مخبوصين.
طلعنه اني وامي لسوك ودخلتني امي محل كله فساتين اتجنن.
ماما شسوي بيهم هذوله وين البسهم
انتي بس اختاري بدون نقاش.
ماما ما البس هيج ...
شنو هو ابكيفج ..
لعد منو حيلبسهم.
انتي وحتختارين والي يعجبج اني اخذه الج.
ماما ما اريد وشنو السبب اخذ هيج فستان ....?
اشتري شي واني اكلج.
والله حتكولين اذا اشتريت ....?
بدون مااحلف اي اكلج ..
اختاريت فستان طويل ولونه ماروني غامق.
وشكله بسيط مابي زكرشه اهوايه
وشي هادئ.
يله شنو السبب اشتريت ...?
اليوم جاين ناس يشوفونج.
نعم وليش وشنو ومنو ...!!
مو مهم بعدين اتعرفين.
لا شنو يعني اني اخر من يعلم ..?
كافي بعدين افهمج.
كملنا تسوق واني زعلانه.
شنو يجون ناس يشوفوني
واني اخر من يعلم واشوف طريقتهم
وياي اختلفت وكلهم يحترموني.
بس معقوله بابا يضم عليه هيج شي.
يمكن لان جنت امتحن ما راد هذا الشي
يأثر ع دراستي.
رجعنا واني ما الي خلك احجي وضجت
واتذكرت عصام ..
مااعرف هو ما كلي شي ولا
مواعدني بشي بس مااعرف
شعور بداخلي يمنعني اشوف
اي شخص غير عصام مااريد
ارتبط بواحد ثاني.
وهم بعدني ما مستعده لفكرة الزواج
الي عرفته اهل الولد يجون بالليل
ويتفقون ع التفاصيل وهم يشوفوني
بس الي استغربته منين هذول الناس
وشيجيبهم للقريه بالليل ....?
صار الوقت وصعدتني امي للغرفه
وخلتني ابدل بالكوه مااريد اطلع الهم
بس ماما جبرتني وكالت بس شوفيهم
ورتبت وجهي وخلتلي اشويه مكياج
ماما تعرف اتخلي مكياج وشغلها حلوو
ورادت اتسويلي تسريحه.
بس رفضت كتلها البس حجاب.
و مناقشتني كالت ابكيفج.
نزلت وخلتني حايره وحدي
بس اشوف روحي بالمرايه صرت وحده ثانيه.
مااعرفت روحي اعيوني صارن اكبر
ومكياج ماما فد شي .
امخليتلي بعيني ابيض ومطوختهم بالكحل وعيوني زرك صار لونهم فاتح لان اكو ابيض والحمره وردي .
و رسمت حواجبي بالون شعري تاتو
خفيف.
يعني غيرت شكلي والسمار هم اختفه
مااعرف شلون سوت لون بشرتي
ظليت اتفرج ع شكلي واكول
اذا عصام يشوفني هيج شنو ايكول...!
اسمع امي تحجي ويه الناس الوصلوا
ومحد صاحني.
بس اني لبست حجابي.
اختاريت شال لونه اسود وبي تشجير ماروني.
ولبسته بطريقه جديده اتعلمتها من النت.
اسمع ماما اتصيحني حتى اضيف الخطار
يعني الشغله صارت مو ع اساس
خطوبه بس انو ناس يشوفنه
مثل المخطط الي محد يعرف بي.
يعني زواجه مرتبه.
نزلت ولكيت ماما محظره الضيافه.
واني بس ادخل اقدمها.
بس ماكدرت ادخل استحي.
وره ربع ساعه طلعت روى ..!
عاااا هاي شتسوي اهنا ...?
هلا بالعروس تعالي فوتي
عرفوا تستحين وكالو اجيبج اكيد اخويه
صاحب الاقتراح لان مل وهو ينتظر.
شنو انتي شتسوين اهنا ....!
يله سويتي نفسج متعرفين شي ..
والله مااعرف شنو القصه ...?
يبوووو دفوتي وخلصيني. .
اني احس رجليه ثكلاً وشنو
عصام ويه اهله معقوله يخطبني. ..!
وليش محد كالي ?
دخلت وقدمت الضيافه .
وردت اطلع بس ماما صاحتني
نور ماما لا اطلعين تعالي اكعدي
رجعت وكعدت يم ماما .
ودنكت راسي مااريد اشوفهم .
وليش كلهم ضموا عليه .
بس بالحقيقه اني فرحانه .
يعني عصام يحبني لعد ليش مكالي
شنو يتكبر مثلا شكد مغرور.
اسمع ابو عصام يحجي ويه بابا
وبابا وافق بس كلهم لازم اخذ رأي نور.
واني بكلبي كلت همزين اتذكروا نور.
بس عصام قاطعهم وطلب نكعد بس
اني وياه ..
بابا كاله ميخالف .
وكف عصام واجه يمي وطلعنه بره .
واني ساكته وماحجي شي .
بس طلعني كعدني بالمرجوحه
وهو ثنه ركبته وصار مقابيلي.
ورفع راسي .
عصام : شبيج نور مستحيه لو متحبيني.
نور : ليش اني وليش مكتلي ...?
عصام : ردتج بالحلال وما اريد اكلج بعد اكثر .
نور: بس هم من حقي اقلها اعرف .
عصام : يعني معجبتج المفجأه.....?
نور: ما اريد شي عوفني.
عصام : اني اعشقج اتعرفين من شوكت
من اول يوم شفتج بي بحديقتنا.
نور: اريد ادخل للبيت ..
عصام : والله لو تعرفين شسويت بس
حتي اكعد هيج اكبالج متحجين هيج وياي بس ما الومج .
نور : واذا رفضتك شتسوي .....?
عصام : اموتج والله مو شقه اذا اترفضيني تنسين اتحبين او تزوجين .
نور : يعني مجبوره اقبل بناس رافضيني .
عصام : انتي متزوجتني لو متزوجه اهلي
نور : مااحب المشاكل .
عصام : اذا رفضتيني اتصير المشاكل الحيقيقه .
ما اعرف اسلوب عصام خوفني وسحب
ايدي ولبسني خاتم .
ودخل وتركني.
اني هم دخلت ورراه بس صعدت لغرفتي
مااعرف احتاج افكر
بس كلبي يركص اطبول ادك بكلبي
واتذكر كلمات عصام
واني جنت حايره طلع يعشقني .
بس ارجع اتذكر تهديده وخزرته
واخاف منه .
لو امه واخته الي من الواضح مجبورات.
بس اني اذا رفضت اخسر اول حب
بحباتي .
اسمعهم استأذنوا وطلعوا .
وماما تحجي ويه بابا اسمعها اتكله
انت احجي وياها .
لا ماما صعبتي عليه الوضع
دك بابا باب غرفتي ودخل
هاااا نونو اكدر احجي وياج.. ?
اكيد بابا .....
شنو رأيج بعصام ......
يتبع...