#عشگ-سمره
الجزء 20
بقلم ازهار ذابله.
دك بابا باب غرفتي ودخل
هاااا نونو اكدر احجي وياج.. ?
اكيد بابا .....
شنو رأيج بعصام .?
بابا انطوني فرصه بس افكر ..
ع راحتج محد جابرج انتي اختاري بس
تره عصام خوش ولد و مشتريج فكري بعقلج.
بابا اخاف من اهله ...
لا حبي انتي مشفتيهم كلهم اجوا وطلبوا ايدج مني وجانوا فرحانين بيج ..
مااعرف بس احتاج وقت افكر.
يله بابا تصبحين ع خير وفكري براحتج ..
وانت من اهل الخير بابا ..
نزل بابا وبقيت وحدي حايره ..
شنو اسوي اتزوج عصام واتحمل البلاوي
لو ارفضه وهم مااعرف شراح يسوي.
كلت اهم شي اتأخر يله اردلهم الجواب.
وهم اصلي استخاره واشوف.
صباح يوم جديد اشعة الشمس تخترق نافذتي الصغيره وتداعب وجهي بعفويه
يوم جديد افتح فيه صفحه جديده للحياة
اتخذ بها قرار قد يرفعني اعنان السماء
او يهبط بي الى الدرك الاسفل من الجحيم ..
نزلت وشفت ماما تنظف وهاي اول مره امي تشتغل بهدوء ..!
صباحووو ست الحبايب.
صباح الخير نور.
امممم اليوم شكو اشو البيت هادئ ...?
ليش كل يوم شنو نتقاتل وتصحين ع اصريخنه ..
اووبس لا مو قصدي اسفه بس كل يوم اكعد ع صوت البلبل يغرد.
اي عيني واليوم ...?
اليوم البلبل حزين وضايج ومدا يغرد بس هسه رجع غرد اشويه ..
لج روحي من وجهي ما نقصتج ...
شكو ماما منو مزعلج ..?
انتي مزعلتني هسه ارتاحيتي.
لا تشاقين وبشنو اني مزعلتج ..?
يعني متعرفين شوفي ميخالف اعيد الي اتعرفينه اني مموافقه ع زواجج بس ابوج يكول انتي اتحبين عصام وهذا الشي اني متأكده منه ومااكدر اعترض لان هاي حياتج.
ماما تره بعدني موافقت ع عصام وصدكين ماكو بينه اي شي ...
يعني متحبينه ...?
مااكدر اكذب عليج اني احبه بس هو ما يعرف بحبي اله ..
اي واضح ميعرف وهل اجه يخطب وكله ثقه ..
صدكيني مالي دخل ...
شوفي نور اني ماادخل بحياتج وما الي علاقه واني وياج باي قرار تأخذينه و محتخله عنج بس لازم تعرفين هاي الناس مو مثلنه مختلفين.
ماما شنو اسوي والله احتاريت مااعرف حتى شنو اختار ...?
اسمعي صوت قلبج ومتندمين.
يعني شنو ..?
يعني وافقي ع عصام واذا هو فعلا يحبج وشاريج متندمين ع اختيارج.
شكرااا ماما ..
العفوو.
كلام ماما شجعني اختار عصام واتمسك بي بكل قوه واعرف المواجهه صعبه
والحرب الي حدخلها تحتاج قوه وثبات
وتحتاج مني اصرار وتمسك بحبي.
بعد ثلاثة ايام رجع بابا سألني
وكتله موافقه ...
و اجوا اهل عصام واتفقوا ويه اهلي
ع يوم الخطوبه.
وحددوا كل شي يخص المهر وهاي الشغلات.
واني بعدني لحد الان ممستوعبه الي يصير .
ماما مجانت فرحانه لان اتخاف عليه من ام عصام .
ومن خلال تلميحاتها لـ ماما هي رافضه هذا الزواج بس مجبوره اتنفذ رغبة ابنها.
خلصت التحظيرات والترتيبات ليوم الخطوبه.
والظهر اخذني عصام اني وماما لمركز تجميل معروف بغداد.
واستاجرت فستان هم من مكان اخر.
ما حبيت اخذ فستان ضخم لان اني ناعمه وخفت الفستان يضيعني.
اخذت فستان قصير و بي بس شيالات كان لونه ليموني فاتح.
وبي شغل ذهبي.
والمكياج هم شي بسيط و منسق ويه الفستان.
كملنا ورجعنه هم عصام ميقبل بابا ياخذني لان اعتبر من هاي اللحظه اني مسؤليته.
لكينا بيتنا مليان بالاهل والاقارب وحتى صديقات ماما هم حاظرات.
استقبلوني بالاهلال..
ماما مقبلت كالتلهم بعد وقت عيب.
وجانت معصبه من عصام لان طول الطريق جان يتغزل بجمالي.
وحسته مو محترم و ميصير يحجي وياي قبل العقد .
اني بكل الاحوال جنت مغطايه وساكته
بس بعد بدت عداوه العمه والصهر
واني الواكعه بيها ..
و بعد ربع ساعه اجو اهل عصام وياهم الشيخ .
وهم رجعوا اتفاهموا ع التفاصيل.
و تمت الموافقه وصدح صوت الهلاهل ..
و انطوا خبر انو اتحظر حتى يدخلون عصام والشيخ يعقدلنا ...
واني بنص الهوسه والخبصه ارتبكت وخفت.
وماما غطتني ودخلتني بالغرفه وبقت يمي.
واني مااشوف شي راسي بالارض
دخل الشيخ وسلم وبعده عصام
وياهم بابا.
تم العقد بعد صعوبه لان جان الساني معقود مااكدر ارد بسهوله .
جنت مرتبكه.
خلصنا وصرت زوجة عصام شرعاً
شعور غريب احس غير الحب شي بعد اكبر واسمه دخل اعماقي .
يمكن هاي الي يذكرها الله سبحانه وتعالى بالقران الكريم. (الموده والرحمه ).
طلع بابا هو والشيخ وبقت بس ماما ويانه
ودخلت ام عصام جانت تبجي .
ماما نزلت العبايه من راسي.
ومسكني عصام من ايدي وطلعنا لضيوف
وهلال والموسيقى اشتغلت ..
بس ام عصام جانت تبجي لدرجه الكل انتبه الها راح الها عصام وحظنها
وجابها كعدها يمه ..
لبسني الحلقه واني اصلا لابسه الختام الي لبسني اياه وابد مانزعته .
واني هم لبسته الحلقه .
بده يتغزل وكلام همس ما جنت اعرف شيكول من الهوسه ..
جنت بس ابتسم.
خلصت الحفله بصعوبه جنت كاعده ع اعصابي ومتعبني الفستان وشعري رافعينه بتسريحه ثكيله وصدع راسي منها ردت بس يطلعون حتى اخلع هذا الثكل من راسي .
اول مطلعوا من البيت وكفت ردت اصعد غرفتي حتى ابدل بس الظاهر الحفله بعد مخلصت وبنات عمي وخالي والعمات والخالات وقفوني وجبرني ابقه لا وبعد لازم اركص وياهم ..
طلبت من ماما انوا تطلعني لغرفتي
وماما اعتذرت منهم كالتلهم نور تعبانه ومصدعه خلوها ترتاح ..
صعدت واني ممصدكه خلصت من الهوسه .
بدلت وحليت التسريحه درت بس اعرف شنو الي مثكل راسي ....?
طلع السبب ليفه بكد راسي ومحشيه شعري بيها .
اخ فعلا راسي حينفجر.
الهوسه خلصت والاقارب رجعوا لبيوتهم ع التوالي.
بقت بس عمتي يمنه واتروح الصبح.
اني بعد مااكدر اتحرك من التعب اخذت حمام وغفيت اشويه .
وكعدت ع اصياح ماما ....
نزلت اريد اعرف شنو اتريد...?
اسمعها تدردم وتحجي متعصبه.
ماما شكو اشبيج......?
حلت رحمة الله ...
يعني شنو ماما .....?
عصام بالباب يريدج بعد مالحك يشتاقلج شنو هذا ماعنده احساس.
خلي اشوفه شيريد اكيد شي مهم ..
اي من هسه ادافعين اله..
هسه يبقه بالباب لو اشوفه شنو يريد.!
روحي اركضي هذا عريس الغفله مدري منين طلعلي ..
عفت ماما تحجي وتعتب وطلعت اشوف عصام شيريد .
هلا بالحب مالتي ...
هااا شتريد ..
ولج شنو هذا ليش هيج تحجين وياي ..?
ماكو شي بس غير اسالك شتريد..
جنتي نايمه ...?
اي لان تعبانه .
ما اريد شي بس جنت محظرلج هديه ونسيت انطيجياها "وبعدين اتعودي بأي وقت اشتاقلج تلكيني ع الباب يله حبيبتي اشوفج باجر ..
خله بيدي علاكه مليانه علب وراح ...
هذا ابدا مو عاقل.....
هاااا شنو يريد ابن سهام .
مايريد شي بس جايبلي هدايه وناسيهم
وهسه جابهم .
اي يدور حجج يعني ميصبر لصبح .
ماما اريد انام ...
ومنو لازمج روحي نامي واني اتحمل الحجي وحدي .
رحت لغرفتي ركض اريد اشوف شنو الهدايه ..
يتبع....
