#عشگ-سمره
الجزء 21
بقلم ازهار ذابله.
رحت لغرفتي ركض اريد اشوف شنو الهدايه.
جانن ثلاث صناديق وكل صندوق مغلف بلون وتغليف هديه ومشدود بأشرطه.
بعدني حايره افتح منو اول ....
واسمع صوت فون من واحد من الصناديق.
ابسرعه فتحت الصندوق وشفت علبه ثانيه والصوت ممتوقف ....
شفته فون جديد ويرن بـ رقم مسجل بأسم حبيبي ....
ضحكت ع عصام شلون واثق من نفسه.
الووو ...
هلا والله بهل الصوت.
اهلا بيك ...
ما اريد شي بس حبيت اسويلج سبرايز..!
شنو يعني سبرايز.. ?
اممم يعني متعرفينها ...!
لا مااعرفها شنو يعني ..
يعني مفأجه ..
لعد من البدايه وكول هيج ..
اشو احسج مطايقتني ولو يمج يمكن اتضربيني بالفون ...!
لا لا منو كالك اني هيج اصلا ما اعرف اضرب بشر ...
هههههه اي تره اتذكر سوالفج ويه اوس وشلون ضربتي براسه ..
اووووه اتذكر شي عدل مو حنام ..
صدك اسف اخذي راحتج واحلام سعيده.
شكراا احلام سعيده.
خلصت من مكالمه عصام ورجعت اشوف باقي الهدايه ..
ثاني صندوق جان بي اكثر من علبه
وبالاخير لكيت سنسله ذهب وبيها مداليه ع شكل دمعه تلمع عجبتني.
والاخيره جانت كتاب للروايه المفضله عندي ..
ابصراحه الهديه الاخيره حيرتني هذا وين يعرف اسم الكتاب الي احبه ....!
ظميت كل الهدايه ورتبت غرفتي لان صايره هوسه ..
وغركت بالنوم..
ثاني يوم كعدت مصحصه من النوم ..
نزلت اتريكنا سوه كلنا وعمتو هم جانت ويانه ..
والكل يقلد ع خطوبتي وشلون جانت سريعه وغير متوقعه.
وعمتي كالت استعجلتوا بعدهي اصغيره
والولد اكبر منها ليش قبلتوا بي.
واني اسمع امي ادافع عن وجهة نظرها كدام عمتي.
وجانت متعصبه من كلامها لان مو بس عمتو معترضه لا وحتى خالاتي هم نفس الشي.
الوحيد الي مقتنع هو بابا ..
مااعرف اسمع كلامهم بس اني ممتأثر بيهم لان اكتشفت نفسي احب عصام.
بس اتعمد اتعامل وياه بهيج شكل "
يمكن هو متحملني بس اني اتعمد انرفزه خاصتن اذا جان اكبالي احب اشوفه معصب و رافع حاجبه بحركه ويتأفف.
كملنا نقاش قصدي ريوك ..
وبديت انظف البيت.
وماما اتحظر الغده.
واني من غبائي نسيت شغلت الفون.
وتركته بالغرفه ونزلت.
اشوف حمودي نزل ويضحك ..
هاا حمود شبيك مكشر ..!
لا ماكو شي بس حبيبيج صار ساعه خابص الفون ...
اووووه وانت شدخلك لغرفتي ...?
لج والله فتت بالصدفه وباب غرفتج مفتوح وشفت الفون يدك.
لعد ليش ماصحتني ليش اتشوف الاسم.
يبووو مو صوجج.
مزعج وخبيث.
هههههههه حبيبي حبيبي حبيبي ..
ماما ماما حمودي دا يضوجني صيحي.
اي بعد عوزكم كبر انتي مخطوبه وهو يريد يزوج وبعدكم مثل توم وجيري ..
خلصت من الرزايل الي نزلت عليه من ماما وحمودي خبصني يقلد ويضحك
ويا ريت لو اني مسجله الاسم ...
صعدت اشوف عصام ليش دا يخابر وخابص الفون.
لكيت كومه مكالمات فائته ومسجات.
فتحت المسج ...
صباح العشق"
حظري نفسج العصر عازمج .....
يعني هذا خابص الدنيا حتى يكلي عازمني العصر ...
وين انروح واشلون احجي لـ امي ..
اكيد ترفض بس اذا بابا يحجي وياها يقنعها ..
المهم حجيت البابا طلع عصام مستأذن منه وماما هم تعرف بالطلعه ..
اول مره اطلع وياه و وحدنا وشلون اتصرف
ورجعت فكرت شنو البس ...?
كملنا الغده وصعدت احظر نفسي " بس اشوف شنو البس ..
اني اخر شي اشتريت ملابس يناسبن الحجاب ...
لان ملابسي القديمه كلهم جينز وتيشرت يعني مو مال حجاب .
اخر شي قررت البس جينز وبليره طويله الجينز ازرك والبليره لونها زيتوني وبدي ونسقت وياهم شال زيتوني.
صار الوقت بدلت وانتظر عصام ...
اندك الباب ركضت فتحت الباب ..
هلا بروحي ..
هلا عصام بس اجيب جنطتي واجي .
اوك.
رجعت بست ماما وطلعت ...
لزمني عصام من ايدي وصلني لسياره
فتحلي الباب كعدت يمه .
وشغل السياره واني مااعرف وين رايحين.
اممم احنه وين رايحين.
كليلي حبيبي واني اكلج..
اي ذكرتني ليش مسجل ع رقمك
حبيبي ?
غير اني حبيبج ...
شنو هاي الثقه ومنو كلك اني اريد اسجل رقمك هيج ...
لعد شتسميني بله ....?
اممممم اسميك المغرور .
اني مغرور ....!
اي مغرور و رافع حاجبك ومتحب واحد ينتقدك ...
ههههههه كل هذا لج شكد حاقده عليه .
من ضحك اتغير وجهه وصفنت بس ع ضحكته وشلون يسولف بعد ماكدرت احجي اخذني بغير عالم ونسيت حته سؤالي عن المكان الي حنروح اله .
جنت بس اريد احفظ كل جزء من وجهه مااعرف رجعت افكر كلت بس ارجع ارسمه.
بعدين اتذكرت اني عندي فون اكدر اصوره وبعدن ارسم الصوره ..
انتبه عصام عليه ..
هااا وين رحتي ...?
وياك بس عندي طلب .
اتفضلي اعيوني الج .
اريد بس اصورك تقبل ....?
ههههههههه لا ما اقبل اله تصورين وياي .
شلون وانت دا تسوق .
اوكف السياره ونتصور ...
يله اوك .
وكف السياره وسحبني صرت يم جتفه واخذ صوره بسرعه ...
اوكف شنو هاي بعدني ممتحضره ..
يعني ارجع احظنج مره ثانيه .....?
لا تحظني اني اريد بس اصورك .
لعد بطلت ....
شغل السياره بسرعه وزعل .
وصلنا لمطعم جان جدااا جميل وهادئ.
بقينه كاعدين ربع ساعه واحنه ساكتين .
بعدين اتقرب مني وكالي اذا متحبيني ليش وافقتي ع الخطوبه ..?
اني اسفه بس انت افتهمتني غلط.
لعد فهميني شنو مشاعرج اتجاهي .
اني امممممم اني احبك بس مجنت متوقعه توصل علاقتنا لهاي النقطه وما اعرف بعدني ممستوعبه الي صار ..
الحمد لله يعني ما خفتي من تهديدي.
هههههههههه لا اني ما اخاف ....
اي واضح.
عصام شكرا ع الهدايه بس وين تعرف اسم الكاتبه المفضله عندي ....?
من روى جانت دائماً اتكول نور اتحب هاي الكاتبه ..
يعني روى تذكر اسم الكاتبه وهي اصلا متحبها جانت تحجي عليها ....!
هههههه لا تركزين وياها هي متحب احد.
كملنا العشه واتمشينه اشويه.
ورجعنا للبيت.
جان يوم حلووو ومميز وكدرت اعترف لعصام بمشاعري وجان فرحان.
واخذنه صور بالفون اهوايه.
اول ما دخلت للبيت امي جانت منتظرتني وامبين عليها متوتره...
ليش تأخرتي ......?
مساء العسل ست الحبايب.
اني كتلج ليش تأخرتي جاوبي بدون زياده كلام.
ماما اسفه بس هو الطريق وازدحام واتأخرنه ..
اي ومتعرفين اتكليله نرجع من وكت لو انتي هم نسيتي روحج .
اسفه ماما بعد ما اعيدها .
اي اصلا بعد ماكو طلعه من البيت خلي ياخذج بيته ويطلعج ابكيفه .
تصبحين ع خير ماما.
روحي من وجهي ما اشوف خير من وراج .
صعدت واني الدمعه بطرف عيني
وفرحتي كلها طارت .
ما اعرف امي ليش ضاجت هيج .
بدلت و حجيت ويه عصام وبعدين نمت.
نور نور حبيبتي ...
نونتي نور اتسمعيني ...
نور بعدج كسوله متكعدين بسهوله ..
نور تره ارجع اذا متكعدين ...
اسمع صوت مألوف عندي لا مو مألوف هذا الصوت محفور براسي ..
من الصدمه فتحت اعيوني ....
منوووو اساور ...
يتبع ...
