عشگ-سمره
الجزء 6
بقلم ازهار ذابله.
يضرب بالحايط ويصيح ومنفعل مثل الغركان ويريد بس وسيله نجاة.
جان يظن اني احن عليه مايعرف جنت ازيد اعناد وكره ع كرهي القديم.
وما انسه هو واهله ضيعوا الحقيقه وظلموا اختي وخفوا الحقيقه .
واني هسه متأكده اختي اتعرضت لنفس الشي الي اتعرضتله اني من تهجم.
بس اني الحظ كان حليفي و وصلوا اهلي بالوقت المناسب.
غركت بتفكيري وهو يهدد ويتوعد.
واني عيني ع الفرع انتظر بابا.
وشفت سيارة بابا من بعيد.
هيه انت وخر من وجهي هذا بابا حيوصل ما اريده يشوفك واكف يمي.
ولج لا تخبليني شنو صار ساعه شجنت احجي. ..!!
يعني متروح اوك ابراحتك.
شتسوين يعني?
بدون ماافكر باي شي نزعت من رجلي
وخليت الترانشوز بوجهه.
وصل بابا وشاف المنظر وشلون اني اريد اضرب اوس.
اوكفي نور شجاي اتسوين بابا ??
بابا هذا يركض وراي وميجي وياه الا هيج اسلوب.
اوس : سلام عموو.
ابو نور : وعليكم السلام
شنو صاير شبيكم?
اوس : ماكو شي عمو بس فتت صدفه وشفت نور حايره ونازعه من رجلها لان حذائها تكرم مكطوع.
ابو نور: بابا لعد اتشيلينه هيج بوجه الولد وهو جاي يساعدج?
نور: هذا مستواه!
ابو نور: شنو ?
نور: ههه مستواه قصدي طوله واني مااكدر اخلي يدنك ع حذائي عيب فرفعته وجهه يم الحذاء اووووبس قصدي الحذاء يم وجهه.
اوس : مصار شي عادي.
ابو نور: اني اعتذر منك نايبه عنها هي متعرف تصرف.
اوس : لا عموو شجاي تحجي بس عندي طلب!
ابو نور : اتفضل.
اوس : تكدر اتوصلني وياك بسيارتك لان اني اجيت مشي اذا تكدر?
ابو نور : اكيد اتفضل ولووو شنو هذا الطلب.
نور: هم اعتذر منه وهم حيوصله احس روحي مثل النفاخه اريد اطك.
صعدت وره وهذا الغبي صعد يم بابا وطول الطريق هو يسولف سوه نفسه ملاك مو بشر.
وبابا مصدك ويكله اكيد اخقلاكم لا يعليا عليها.
وهو يعرف كل الزين اخلاقهم زفت.
بس مجاملات مجاملات شكد اكره المجامله.
شنو فرقها عن النفاق الاجتماعي.
وصلنا ع البيت اني نزلت بسرعه جنت مختنكه مااريد ابقه ويه هذا الغبي بنفس المكان اكثر.
دخلت البيت بسرعه ونصدمت اول ما فتت البيت شفت ام عصام هي و روى.
سلمت وركضت بسرعه لغرفتي.
بعدني ممبدله ملابس المدرسه واندك باب غرفتي.
اتفضل.
بابا بس مالحكت احجي وياج اكدر احجي وياج?
اكيد بابا اتفضل.
شنو علاقتج بـ اوس?
ماكو اي علاقه بيني وبينه بس وين مااروح الكاه كدامي واني ماارتاحله.
يعني من كلتي هو يلاحكج بكل مكان مجانت مزحه.
لا مو شقه صح اني اضوج منه وهو يتعمد يستفزني.
بس بس هو طلب ايدج مني.
شنوووو مستحيل مستحيل لو يموت.
اهدئي بابا لا يسمعون تره هاي زوجة عمه وبتها عدنه جوه يم امج.
اي بابا ادري بيهم الله يعلم شنو من مصيبه عدهن.
بابا فدوووه اروحلك سد الموضوع ومااريد امي تعرف لان تعرفها شكد اتحب حياتهم.
لا تخافين مااحجي شي وهو هم مجرد كلمه كالها يريد ايشوف ردت فعلي واني ما رحبت بالموضوع لان اني هم مااحب طريقة حياتهم.
يله بابا اخذي راحتج.
شكراا بابا بس انت تفهمني .
العفووو نونو.
اوووف هذا صدك مصيبه واهله بلوه وبيت عمه كارثه شنو من عالم مااحبك هي كوه.
بس بدلت وغسلت واسمع امي اتصيح.
نووووووووور .
بلي ماما ......
نزلت ركض واعرف وراهم مصيبه.
تعالي حبي هاي روى اتريد تقرون سوه بالعطله.
اي وين يعني نقره? ?
روى : يمنه بيتنه حبي نونو.
نور: هااا بيها الخير يمكم ونونو.
ام عصام : هههههه عزه بعينج نونو دمج عسل حبي تره روى قلبها ابيض متحوقد ع مخلوق.
اخ قلبي منو هاي متحوقد وشلون تحجي هاي المره خبلتني.
ام نور: هااا وين صفنتي! !?
نور: لا لا
روي : لويش ياول نتونس.
نور : هي مال ونسه وياج اني مااعرف اقره الا بالحديقه اكبال النهر بيتنه.
روى: قصدج بيتنا الي مخلنكم بي نزل.
نور : يا صلاة محمد"بعدني مقريت يمج وبده الدس .
ام عصام : اكفي روى شنوو دا توحجين احنه ماكو بينا فرق.
اخ هاي هيجت القالون عندي منتحجي احس اعصابي كلها تشنج صار عندي مغص. وهي كل صحبتها النا لان امي مسيحيه عبالك فد شي غريب عدها
مااعرف شنو المميز عادي احنه جانت منطقتنه كلها مسيح ومسلمين ومابينه فرق محد يحسب احساب لهاي السوالف .
ام نور : ان شاء الله اني اخليها تجي تدرس يم روى لا تخافين.
ام عصام : شكراا حبي
روى : اي استفاد منها لان خبره .
هاي شلون ابتلي بيها هسه اخ لو ما امي الا اشرب من دمها وجهه البومه .
نور : اي بله ست روى خبره بشنو .
روى : هههههههههه بكل شي انت مختلفه.
الحمد لله والشكر ع نعمة العقل .
هاي هي وامها ماعدهن عقل و حيخبلني وياهن .
استأذنت ام عصام هي وبلوتها قصدي بتها وراحن .
وين رايحه اوكفي .
هاي يووم خير?
ولج نوير السانج طولاً شلون تكسرين كلمتي.
ماما مكسرت كلمتج ولا شي بس اريد اوصلهم فكره اني مااحب افتر بالبيوت اذا تريد خلي تجي يمي ونقره ممعترضه.
مابيها شي اذا رحتي وبعدين اني انطيتها كلمه حتروحين مو بكيفج.
ضربت راسي بايدي وصعدت.
لان صدك العيشه وياهم متنطاق احسهم مخليني براسهم.
يتبع .....
