#عشگ-سمره
الجزء 2
بقلم ازهار ذابله.
طلعت من يم المديره والدنيا تفتر براسي
صدك اتغيرت اهوايه.
مستواي بالمدرسه اتراجع اوووف شجاي
اسوي بروحي.
وصلت لـ الصف جان الدرس الثاني اوشك ان ينتهي كلت اوكف وانتظر ماادك الباب وتحرجني ست انتصار.
لان جانت متعصبه واسمعها اتصيح وتشتم مااعرف السالفه.
خلصوا العركه قصدي الدرس وطلعت
ست انتصار شافتني واكفه.
انتصار : ولج شعندج اهنا شنو من بنات انتن ادري اجلطني يله ترتاحن هاي وانتن بنات ريف وهيج اخلاقكم و****.
وخلتني حايره وراحت ماافتهم شنو السالفه?
دخلت الصفنه عباره غرفه بيها 20 استول فقط .
وكانت الاستولات قديمه.
و اللوحه الي نكتب عليها طباشير ولونها
رايح مينعرف الها لون .
دخلت كلها كبت بوجهي! !
كل وحده تحجي شكل خبلني
هاي اتكول نويره شمسويه من مصيبه
وهاي اتكول والله ممبين عليج.
ومن وحده الوحده ادير راسي مثل المخدره
صحت بصوت عالي اووووكفن شنو السالفه? .
ردت عليه جنات.
ولج نور انفضحتي هذا اوس لاحكج للمدرسه ويشهر بيج ويحجي عليج
واليوم شبعنه رزايل من وراج لان الاداره انكلبت كلها بصف ثالث ويدورون عليج.
نور: ولج اني جنت يم المديره ومكالت شي.
واستمر الكلام الجارح وكل الوقت يحجن
بموضوعي وشحجه اوس. ...
كعدت وارجع بذاكره اوس شعنده وياي
مكفاه يفضحني يم اهلي و يوميه جايبلي
سالفه والله ابتليت بي بلوه الله ياخذه واخلص منه ومن شره.
كمل الدوام وبعد وراي دوخة الرجعه.
القريه العايشه بيها بعيده عن القريه البيها المدرسه وبين المدرسه وقريتنا
هيمه (مكان مهجور) .
يعني اتخوف .
وصلت البيت لكيت البيت فارغ !!
عائلتي قليله بس اني و ماما وبابا واخوي اكبر مني وعندي اخت متوفيه.
صحت دورت بالغرف ولا نفس متعوده عليهم يخلوني بهيج مواقف اكيد
صارتلهم طلعه وراحوا
ولا عبالك اكو ابنيه عدهم
لازم يحافظون عليها الحمد لله
اني مو مثل باقي البنات ومحافظه ع نفسي.
اتغديت وغسلت وحظرت الجدول وصار العصر عجبني اكعد بالحديقه ....
حديقتنا اتصير ع ظفت النهر اكو بيها اشجار عاليه و ورد والارضيه مفروشه ثيل.
كعدت اتمرجح واقره ...
سمعت صوت واحد يغني وراي
كلي يا حلو منين الله جابك ......الخ
التفت بسرعه!
انت?
اي يا بعد اهلي اني ههههههههههه
ادري ما توب متجوز شنو من بشر انت
اسفه اذا معدود ع البشر.
اوس : مثل العسل اذا انتي سمره ودمج
حار واعيونج مااعرف لونهن يمكن بلون البحر لا بعد افتح فدوووه اروحلج.
نور: ولك والله فضحتني يا ابن الناس
اني وين وانت وين احلفك بكل عزيز عليك اتخليني بحالي ولا تتعرضلي.
مااحس الا سحبني من ايدي ويريد يحظني.
بس اني قاومته ودفعته دفعه قويه.
وركض دخلت البيت بس مالحكت اسد الباب خله ايده ويدفع.
ماكدرت ادفعه اكثر لان جنت ناعمه
وضعيفه وهو ضخم وطويل يعني مضاعف
طولي وزني.
دخل بلكوه للبيت ويتقرب عليه واني ارجع بخطوات خايفه ع متعثره ع مصدومه
ممصدكه الي جاي ايصير!
وصلت يم ميز بالصاله بعد ماكو مجال ارجع اكثر وهو يتقدم بخطوات بطيئه
ومرعبه واعيونه جانت تجدح بنظره غريبه
وصل يمي ولزمني من شعري .
وسمعت صوت بره وناس ادك بالباب .
اوس من سمع الصوت والباب يندك
تركني وركض صعد لسطح اكو فوك السطح درج ينزل ع الخارج بما انو
هذا البيت الي عايشين بي هو بيت
اهل اوس واحنه نزل عدهم.
فـ اوس يعرف البيت شبر شبر.
بس ترك شعري احس روحي صرت قطعه
من ثلج مااحس بأطرافي واحس
عرق ينزل ع وجهي والهث من الخوف
رحت فتحت الباب لان هو من دخل النذل
قفل الباب وراه.
فتحت الباب لكيت العائله الكريمه"
وين جنتي صار شكد اندك وليش قافله
الباب?
اني مااعرف شحجي وياهم!
بسس اكلكم كلمه وحده جنت احجي وصوتي يتقطع وماكو صوت بس همس من الصريخ الي صرخته.
ولج شبيج احجي ?
ماما ليش عفتوني وحدي بالبيت?
شنو ماما انتي اصغيره والله عيب عليج.
بابا جنه يم بيت عمج لان عزمونه وانتي جنتي بالدوام.
ليشش ما خليتوا حمودي بالبيت ينتظرني?
حمودي وليش بله انتظرج اني اريد اروح وياهم شعندي باقي اهنا وحدي.
اي بكلبي انت اعرف شنو غايتك اتروح تركض بس حتى اتشوف حبك واني محد يحسب احسابي.
نور شصاير وياج يا امي خوفتيني?
ماكو مصار شي بعدين احجيلج.
دخلوا كلمن راح ع غرفته واني دخلت الغرفتي بس اتذكر اختي اساور جانت اتشاركني بالمكان.
اتذكر شلون جانت تتمني تخلص مشاكل بابا ونرجع انعيش بالمدينه
وترجع لحياتها.
واني غارقه بخيالي وافكاري الي متخلص
فتحت امي الباب ...........
هااا نويره شمسويه من دكه ناقصه ولج?
شنو منوو اني! !
اي لعد الجني اي انتي ولج خزيتيني
حرامات التعب والسهر والدلال
منو غيرج تلبس وتكشخ
منو من البنات عدها بكدج مكياج
اووووووه كااااافي
ما اريد منكم شي بس اهتموا بيه
خافوا عليه احسبوا احسابي
تره اتضيعيني مثل ما ضيعتي اساور!
ولج نوير منو ضيع اساور هي ضعيت
نفسها خسرت الدنيا والاخره.
لا اساور ما انتحرت وانتي اتعرفين
كلش زين اساور انقتلت اتسمعيني انقتلت ..
يتبع .......
