#عشگ-سمره
الجزء 25
بقلم ازهار ذابله.
رحت بسرعه وردت اقفل الباب
بس ماكدرت لان اكو شخص
وره الباب ويدفع بي مكدرت
اجمع افكاري صدك انصدمت وبقيت
ادفع بكل قوتي بس بدون نفع.
واني خايفه حته صوتي راح بعد مااكدر اصرخ.
كدرت ادفع الوره الباب بصعوبه
وسديت الباب بسرعه .
بقه يدك بالباب دكات خفيفه
ومرعبه واني جنت امغطيه راسي
وخاتله بالفراش احس نفسي حينكطع
بعد مااتحمل اعصابي تلفت.
وره ربع ساعه راح اسمع خطوات نزلت الدرج.
ردت افتح الباب واشوف بس خفت كلت
خاف يرجع او هو اتعمد يتحرك حته
اطلع ويرجع يهجم عليه.
ردت اتصل بـ عصام بس كلت لا
اكيد هو خايف ع عمي وانوب اني اخوفه
بقيت بمكاني ومتحركت بس اريد
انام مااكدر من الخوف ..
وره ساعه خابرني عصام.
الووو شلونج حبي .
الووو تمام بس.
بس شنو خوما خايفه ..?
اي اني خايفه بس عادي اتحمل بعد كم ساعه ..
ليش خايفه لا تخافين البيت بي حرس
يعني مستحيل واحد يفوت واني موصيهم.
يعني محد يكدر يفوت ابد...!
اي اكيد محد يكدر يفوت.
ظل يسولف وسالته ع عمي
واشويه خف التوتر عندي وتقربيا
عرفت منو دا يخوفني بس مجرد ظن.
لان فعلا الشخص مو من بره من داخل
البيت وشي ثاني لابس ملابس
تنكريه يعني مشفت ايد مال بشر
جان لابس قناع وجسم غورلا.
معقوله اجه من بره بهذا الشكل.!
عرفت هاي سوالف روى واستغلت
الفرصه وسمعتني قبل فتره هم خفت
واتريد اتخبلني ..
بس المشكله ابوها بالمستشفى
ومبهذلين بيا حال وهي اتخبث...!
صدك هذا الهدوء الي يسبق العاصفه
هاي الفتره كلها هي ساكته.
جانت منتظره بس فرصه.
بس هم اكو شك عندي وماعندي
دليل يثبت ان روى هي الغورلا.
اني اعرفها قرده انوب اتحولت بعد
مااعرف ..
من اطمنت ان هذا كله مقلب بايخ
من وحده فاشله كدرت انام ..
كعدت ع دكت الباب لان اني قفلته
ونمت.
والفون هم يدك واني متكاسله
واتعاجز اشوف منو يدك.
بعدين سحبت الفون وفتحت خط
بدون مااعرف منو المتصل.
الووو.
بس افتحي الباب صار ساعه ادك.
اسفه حبيبي هسه.
فزيت من الفراش بسرعه
وفتحت الباب وشفت حبيبي
كدامي جنت مشتاقتله حظنته
وظليت ساكنه ومتحركت.
هو اتعجب لان اني مو طبعي
هيج يعني بالرومانسيه صفر.
شكو حبي روحي انتي صاير شي
وياج خايفه.
اي اني خايفه بعد لا تتركني فدووه.
والله مو بيدي مجبور وهم مااكدر اخذج
وياي وابهذلج.
من حسيت ع روحي سحبت نفسي
من حظن عصام بس هو ممصدك
بقه متمسك بيه واني غيرت الموضوع
وسالته ع عمي.
شكد جنت احب عصام بس اكو شعور
بداخلي يخبرني اهنه حنفترق.
هذا الشي يضوجني ومااريد"
اخلي عصام يحس بضعفي
واحتياجي اله مع الاسف جنت اخبي
كل مشاعري واغلفهم ابرود مصطنع.
عمي اشويه صار افضل بس ماعرفنا
سبب انهياره وبقه الموضوع بينهم
اني محد يحجي يمي.
جنت نازله جوه مخنوكه وعصام بالشغل
كلت اكعد بالحديقه.
اول ما نزلت لمحتني عمتي
وبدت الاوامر من انزل الخدامه تاخذ
اجازه لان كله يصير براسي
اخر شي كالت جيبي ملابس
روى الي اتريد تتبرع بيهم لجمعيه
وانتي هم ماعندج شي تتبرعين بي
ابصراحه اني مااقتنع بتبرعهن كله منظار
و رياء يعني بعيد كل البعد عن عمل
الخير"
رحت لغرفة روى لكيتها نايمه مكدرت
اكعدها بس شفت كيس محظرته
كلت اكيد همه هذول الي تريد
تتبرع بيهم.
بس لزمت الكيس لمحت الزي التنكري
نفسه الشخص جان لابسه من
هجم عليه.
فزت روى بسرعه سحبت الكيس
مني و خبته ورجعت .
ما اظن اهلك هيج علموج تنتهكين
خوصوصيت غيرك ....!
نعم بس اهلك علموج تخوفين
شخص ممأذيج ولا جاي صوبج "
طلعي من غرفتي ما احب اشوف
وجهج ..
واني والله مكاتله نفسي ع شوفتك
بس كلت احذرج اذا اتكرر الموضوع
ابلغ الاهل لان الوضع موسف.
قليلة الذوق خلت ايدها بظهري "
ودفعتني خارج الغرفه .
ورجعت امها تتماوع وتسال عن التبرع
ما ناقشتها بشي بس كتله متقبل
وطلعت لغرفتي ..
صح فات ع زواجنه شهر بس احس
عبالك دهر مو شهر لان كل يوم قصه
وملحكنا نفرح ولا انشوف يوم حلو
اوقات الوم عصام وبعدين
اكول لا اني السبب ومااعرف
الحق ويامن .
رجعت الحياة تتحسن من جديد
وخاصتن اهلي وضعهم صار زين
وبابا شغله اطور وزاد الربح ومشروعه نجح
وكدر يلكه بيت ايجار قريب ع الشغل مالته.
وهم امي ملت من هذا الوضع وجانت
اتضوج من القريه وممرتاحه بالبيت
هم اتريد اتغير من وضعها.
كدروا يحصلون البيت بسرعه وقرروا
ينتقلون.
اني وعصام رحنالهم وساعدناهم بترتيب
وتحظير الاعراض وماما جانت ممصدكه
حتترك هذا المكان جان بالنسبه الها
مكان شؤم مشافت بي خير
وحته زواجي جانت ممقتنعه بي
بس من شافت تعامل عصام وحبه الي
كدرت تتقبل الوضع.
وصلناهم لبيتهم الجديد.
صح هم ايجار بس المنطقه جدا حلوه
وراقيه .
نزلوا الاغراض وبدينه انخلي كلشي بمكانه "عصام كال ابقي يم اهلج ساعديهم" اني اتعجبت من طلب مني ابقه واستأذن منهم وراح.
بقيت يم ماما وكدرنه انكمل ترتيب
الاشياء الضروريه "وبعدين انكمل .
خلصنا شغل وجنا تعبانين
بابا جاب اكل من المطعم واتعشينا
ونمنه من التعب بدون منحس
بس حسيت براحه واخيرا طلعنا
من القريه جانت مثل الكابوس
بس هم ارجع لان اني بعد اتزوجت
ولازم اتحمل " وين ميكون زوجي اني
اكون.
اجه عصام واخذني رجعني لبيت
بقيت جوه وجانت عمتي بالمطبخ
اتسوي غده " الحلو بعمتي شكد
تتماوع واتفيك بس بالطبخ فعلا طباخه
ناجحه وطبخها يجنن " بس هي توكف
بالمطبخ وهي متأنقه ومكياج " وتتأمر
ع الخدامه وهي بس اتضيف المكونات
واتراقب الطبخه .
شفتها بالمطبخ ودخلت يمها استلمتني
جيبي هذا خلي هذاك دخت بس
حبيت اتعلم منها من دون ما اطلب
اتعلمني بس اراقبها واساعدها .
وضع عمي الصحي هم ادهور والسبب
مجهول حته عمتي دائما اشوفها
حزينه وتبجي.
اسالهم يكولن تذكر ابنها حازم الي
مسافر وتشتاقله .
اني هذا ابنهم امحيرني امسافر
لا يخابر لا ينزل اجازه ويشوف اهله
يعني ما اله ذكر.
جنت احضر نفسي لدوام لان بعد اقل
اسبوع ويبدي.
وخابر بابا وجان فرحان كلش "
سالته عن السبب كال واخيرا لزموا
القاتل الي قتل اساور..
اني اختلطت مشاعري بين الفرح
والحقد بس اكثر شي الحقد والانتقام
جنت اتمنى اعرف منو .
يتبع......
