#عشگ-سمره
الجزء 16
بقلم ازهار ذابله.
منو هذا الي يجي من الصبح.
ماما الساعه بثمانيه احنه متاخرين.
يااا صدك ولج بس هم منو يجينه?
يعني شلون ما افتح الباب يله هسه اشوف منو.
طلع بابا فتح الباب واسمعه يسلم ويرحب برجال.
دخلهم جانو ابو عصام وعائلته كلهم.
دخوا وام عصام و روى طاخات روسهم وميحجن.
سلم ابو عصام علينا وكعدو اني ضيفتهم
وظل ابو عصام يعتذر و طلب من زوجته وبنته يعتذرا.
وفعلا اعتذرا مني ومن امي.
اني اتعجبت شنو من شخصيه ابو عصام
وشلون فرض عليهن يعتذراً وهنه متعجرفات.
واني هم اعتذرت من ام عصام لان اتجاوزت عليها.
بس ردت فعلها خوفتني!
حظنتني وكالت لا انتي مثل بنتي.
بس بصوت ناصي يم اذني وبهمس
بسيطه اني اعلمج انتي وامج واتحليمن
اتسوين الي براسج.
وضحكت ضحكه صفره.
اني اتخشبت مااعرف شسوي.
وعصام بس يتبسم وفرحان بهذا الصلح
الي ظاهرهاً سلام وحب.
وباطنه عداوه و مكر.
عرفت وبدون ما اسأل عصام ابو جابرهم يجون يعتذرون.
لان مبينات يمثلاً.
بس ماما فرحت بهذا الشي حبت
فكره رد الاعتبار.
وكـ مراه عرفت ام عصام مجبوره وهذا زاد من فرحتها.
لانها صارت غريمتها من هاي اللحظه
ونست كل سوالفهن وبدت العداوه بينهن
وتحدي يلمع بعيونهن.
وعصام مجان يحس بهذا الشي وهاي فطره الرجل الي يظن يمكن ان الام او الزوجه او الاخت ’يمكن ان يتنازلاً بسهوله.
او يقدماً تنازل بس ميعرفون الحرب البارده
الي تبدي.
اتكون اقوه واشد من المشكله الاولى.
ويستمر التخطيط والانتقام الانثوي الرقيق.
يمكن يكون عد الرجال شي عادي وبسيط.
بس عد النساء لا الكلمه من الخصم يمكن اتسوي جلطه او سكته قلبيه.
اني افكر بالطرفين وشنو النتيجه ومنو ينتصر اصرار الرجال ع فرض رغبتهم بأن يسود السلام في مجتمع الحروب النسويه المتزايده ام ينتصرن النساء ويتم انتهاء الحرب بأقل خسائر من الكلامات الجارحه والموجعه و لربما تصل لتراشق بعض اللفاظ المحظوره وتزداد وتيرت الهجمات والمواجهات المباشره وغير مباشره.
رجعني من التحليل لحرب النسويه وتغافل الرجال عنها
سؤال عصام
شلونج نور .....
الحمد لله. وانت
تمام بخير بشوفتج وين صافنه شوفي شلون كلشي رجع مثل قبل وافضل.
امممم ما اتوقع اكو شي رجع بس انت الك الظاهر.
شكد متشائمه مو كلنا كاعدين سوه وجاي يضحكون بعد شكو.
اوك ان شاء الله.
شبيج سامعه شي?
لا ماكو شي بس هيج.
هاااا شوفي امهاتنه شلون اندمجن ويضحكن و ابوي مايحتاج صديق ابوج يعني اندمجوا حتى ما انتبهوا النا ...
اي بس اكو شخص عيونه حتطلع من مكانها.
ههههههه قصدك روى.
اي
بس روى متحجي حبابه.
اي واضح ليش ما اعرف هي شكد حبابه ع بختك.
هههههه يله اني اروح اتمنى اشوفج بأقرب فرصه.
مااتصور بعد اتشوفني!
لا اشوفج و كل يوم بس خلصي امتحاناتج.
كال عصام جملته الاخيره وتركني
واستأذنوا كلهم وبقيت دايخه شنو يقصد?
مافكرت بكلامه وما حملته محمل الجد.
كلت اهم شي اخلص امتحانتي.
لان صار مثل الكابوس حتى بالحلم اتحلم اني امتحن .
صار مو امتحان رعب.
رجعت اشويه راحه بالبيت وامي ارتاحت
و بابا مشروعه نجح بس يحتاج وقت حتى
يوسعه اكثر.
واكيد اخذ عبره من خسارته القديمه.
لذلك جان كاعد بـ الشركه الجديده المحدوده.
و مشغل بيها اي شخص غريب.
ومن خلال كلام بابا جان عصام يساعده.
ومن خلال علاقاتهم ومعارفهم اشويه الشركه بدت تنعرف.
يعني وضعنه المادي اتحسن.
بس بعد ما نكدر نشتري بيت مثل بيتنا القديم.
بدت الامتحانات واني خايفه من الطلعه من البيت .
هاي الفتره كلها اني حابسه نفسي.
وطلبت من ماما البس حجاب ماما ما اعترضت .
بس هي مو محجبه وما عدها حجاب تنطينياه .
فقررت اطلع ويه بابا واشتري حجابات .
وفعلا بابا فرح بفكرتي ومعترض.
ورحت واشتريت وجنت لابسه ع راسي ايشارب اسود امي اتلبسه من تطلع بس شي خفيف اتغطي بي راسها .
مجان حجاب مثل الي اني اريده.
فتت المحلات وكلهم حلوات واكو ملبسين الدمى الحجاب وعجبني اشتري شال نيلي ولبسته بالمحل اول مره اجرب البس الحجاب ساعدتني البنيه الـ بالمحل .
ولفتلي الشال بطريقه جدااا حلووه .
وعلمتني شلون الطريقه .
كالت هاي التركيات هيج يلبسن الحجاب.
واشتريت بعد اللوان ثانيه بس هذا الي جنت لابسته عجبني اكثر شي .
وكملت ودفعت افلوسهم.
ولكيت بابا واكف يم السياره ينتطرني.
هاااي بابي شنو رأيك.
هاي شنو نونو صايره بنيه شابه.
اممممم زعلت ليش شجنت .
لا بس جنتي جنج بنوته اصغيره والله كبرتي واني مااحس .
لا تخاف بعدك شاب مااكبرك .
يله كافي ملاقه اتاخرت ع الشغل .
يا شغل بابا نروح للبيت وبعدين روح لشغل.
لا حبي اتحملي بس ساعه اخذج وياي للمكتب لان شغل ظروري وعيب من الولد منتظرني .
اوك ماعندي مشاكل.
صعدنه بسياره وتقربياً اقل عشر دقائق وصلنه المكتب.
ونزلني بابا وياه وجان فرحان بيه لان اتحجبت.
فتح بابا باب المكتب واني ماردت ادخل بقيت بالانتظار.
تقريباً ربع ساعه واشوف الباب انفتح وطلع منو هذا منو مسحت عيوني اريد
استوعب الموقف.
يتبع..
