عشگ-سمره
الجزء3
بقلم ازهار ذابله.
ظليت اردد بشكل هستيري انقتلت ..
امي بحاله عصبيه سدت حلكي بثنين اديها.
والج اسكتي وكافي اخبال لا احد يسمعج
اختج انتحرت.
وانتي بعد مراح اتزعجين اوس ولا تشاقين
وياه .
امه اجت تشتكي منج كافي مليت اني
تعبت نفذ صبري منج ومن عمايلج.
احس نفسي انكطع والاوكسجين بدء يقل
مااكدر اتنفس وامي حرمتني حق الرد
بس هي نزلت عليه وابل من الكلام
والاتهام الباطل وتركتني وسط حيره
وراحت.
اول ما تركتني خليت ريتي تشبع بالهوه
واحس روحي اتريد تطلع
كلبي يدك بسرعه مااعرف شلون هذاك اليوم خلص.
الصبح جان جمعه يعني اكيد اكو طلعه
لعائله عاشت بترف وغنه ممتعودين ع هيج عيشه.
نزلت اتريك امي متحجي وياي
وهي اصلا ما انطتني حتى فرصه
ادافع عن حالي.
بابا كال اليوم جمعه انروح يم بيت جدكم
اني كيفت واخيراا طلعه واني مو بالمدرسه.
ركضت بدلت وحظرت نفسي.
بس امي رفضت والسبب مجهول
واكيد بابا مايكدر يرفضلها طلب.
رجعت بدلت وكلت خلي الهي نفس بشي مفيد كعدت ارسم.
اتذكر منظر عجبني من جنت راجعه من الدوام.
جان دوامي بيومها ظهري وحليت العصر
لنص الطريق بدت الشمس اتغيب واتغير لونها.
جان الشارع طويل وع الجهه اشجار مختلفه من الفواكه والنخل.
والجهه الثانيه حقول بعيده ومساحه خاليه بس اتراب وابيوت متفرقه.
جان اكو مجموعه غنم وراهن الراعي
وياه جلبه.
الشي الغريب اول مره مااخاف
من الجلب ولا من الحيونات شفت اللوحه
من بعيد رسمتها وحفظتها بخيالي
جان الجلب يتبع الغنم وميخليهن ينحرفن عن الطريق.
والراعي يتاخر القطيع ويشابك عصايه وره راسه ومتمسك بيها بثنين اديه.
وقرص الشمس البرتقالي خلف الراعي
اتعمدت ابطي خطواتي
حتى استمتع بالمنظر.
ومااحس اله والقطيع يفوت من يمي واسمع الاجراس الي مخلينهم للغنم.
اول مره احس بهذا الاحساس.
ورجعته بذاكرتي الاف المرات.
حظرت عدت الرسم وكعدت ارسم واتذكر التفاصيل الدقيقه بالمنظر.
اسمع امي صاحتني نور نور لج نور
بلي ماما اسمعج.
ادري اسمعيني ليش متردين?
مو جنت ارسم.
يبووو هم رجعنه لـ هذا الموضوع يارسم
يا فن ولج بطلي اكبري.
يمه ممسويه شي غلط اني.
بابا انت مو شفت اخر رسمه الي وكلت حلووه .
اي بابا رسمج حلوو
لعد احجي ويه امي ?
اممممم ماادخل اني انتو بينكم اتفقوا.
مااستغرب موقف ابوي.
دائما يخلي لـ امي الحريه المطلقه
بكل شي يخصنه.
مااعرف ليش هذا الخضوع.
مرت العطله بمعانه وتعب جانت امي معاقبتني.
عقوبتها هي اتخليني اشتغل كل شغل البيت.
وفوك هذا كله ترجع تشتغل وراي وتنتقد شغلي .
يعني مجرد تعب اتعبه ويروح ع الفاضي .
شكد اكره المدرسه لان طريقها بعيد
وهم الكلام والحزازيه الي عدهم.
دائما البنات يحسسني اني غريبه
جايتهم من غير كوكب.
واي شي ينحجي عليه يصدكن من دون اي شك او نقاش.
بس بالرغم من هذا كله ردت اروح لمدرستي.
ظميت خوفي من اوس وما كدرت احجي
عن موضوع تهجمه عليه يمكن هذا اكبر غلط سويته.
صار يوم الاحد من الصبح ابدل وامشط بشعري شعري طويل ولونه بني غامق
وسرح لدرجه يفكرون اني اشسور شعري كل يوم بس بالحقيقه هو مشسور بدون شسوار.
رفعت شعري ذيل حصان.
ولبست جنطتي ونزلت اكعد بابا يوصلني.
دكيت الباب وفتت.
ربع ساعه اتوسل واكعد بي وميقبل يكعد
بعدين كعد وصلني قبل لا نوصل المدرسه
كتله بابا انتظرك مو تنساني?
ماانساج بس انتي انتظريني حتى لو اتاخر.
ان شاء الله حنتظرك.
ودعت بابا ونزلت لمدرسه.
جان بيومها الجو بارد وغيم بس ماكو مطر
الدنيا تمطر ندى لان منطقه مكشوفه
وريف يكون شتاهم قاسي مثل قلوب بعض البشر.
الدروس سهلات عليه لان عايده الثالث
ومتعوده عليه.
بس المشاكل الي بعدني ممتعوده عليها
وهي تبدي من روى بنت عم اوس.
سامعه من البنات حجي عليه
وهي اتحب ابن عمها
وعدها مجموعه من البنات الي يتصنفون
ع المتأثرات بالافلام والمسلسلات.
يعني يقلدن بدون فهم كل وحده منهن بطول النخله وشعرها ملون اللوان غريبه
بنفسجي واخضر واحمر .. .الخ
يسمن نفسهن (ايمو) .
ومفتخرات بهذا الشي.
روى : نور الزركه .
نور : هههه نعم خير.
اكلج لا تباوعين فوك تنكسر ركبتج
عفوا اني ما فهمت قصدج.
لج اتعرفين احنه شنو واهلنا كلهم مناصب وبالدوله يعني مو انتي الي اتخلين راسج براسي.
كلامها جان مستفز جدا وبدون اي داعي
اني اصلا ما احبهم ولولا الظروف ما اعيش بهيج بيئه.
اشو انخرستي?
حبي اني مالي شغل بيكم ولا الي علاقه بأبن عمج التحفه ”بس اتعرفين ظروف
بابا والدنيا شلون دارت وياه احنه هم جنه بمستوى زين ومحترم.
واني شايفه خير ومتربيه بترف وعز ودلال
ومااسمحلج ...
اخر كلمه الي جانت مااسمحلج
كلهن التمن عليه هاي الي تدفع
وحده تضرب ويشتمن ويغلطن.
واني مثل العصفور بنصهن بس ادافع
عن نفسي منهن .
وصلت المشكله للاداره واستدعوني
اكيد هنه نكرن واني طلعت متهجمه عل روى.
والصف كله شهد عليه .
واني مااكدر احجي شي وخاصتن يم ست انتصار الي تكرهني من وره حجي اوس عليه يمها .
قررت المديره تفصلني 3 ايام ولازم ولي امري يحظر.
رجعت لصف هم مضروبه ومفصوله .
واعرف امي لو احلف الها هم اتكول انتي صح الي اتسوين المشاكل .
خلص الدوام واني بس ابجي
وكفت يم باب المدرسه انتظر بابا .
طلعت عصابة روى ويشمرن عليه
كلام ويضحكن .
بقيت واكفه كل البنات راحن واني بعدني
كلت خل اكعد اشويه رجليه يونن من السحل.
واسمع اغنيه من سياره اغنيه بيها تحدي
والا اذلك ومن هذا كلامهم الفارغ .
اغاني هابطه وذوق هابط .
ما رفعت راسي بقيت ع وظعي .
بس زاد الوضع سوء يدك هورن
ويصيح من صيح عرفته .
عملي الاسود ...
يتبع ...
