#عشگ-سمره
الجزء27
بقلم ازهار ذابله.
وكعت من طولي وبعد ماادري منو
دخلني لغرفه بس فتحت عيني شفت ماما واكفه وترش مي ع وجهي وبابا يكلها ننقلها لـ مستشفى بس اني جنت اسمعهم بس مااكدر احجي بصعوبه..
مـ ماكو داعي ...
هاي حبي خوفتيني عليج شصار وياج?
مااعرف بس احس روحي دايخه وتعبانه ..?
بابا اخذج لدكتور ..
لا مابيه شي بس يمكن هبط ضغطي.
يله ماما ارتاحي احظرلج عصير.
طلعوا كلهم ورجعت لنفس الوحده نفس الذكره الي متخلص اتذكر كل لحظه وثانيه ودقيقه جنت بيها ويه عصام " احس لعنة الحب صابتني اتخيل غضب عليه
ونقل هذا المرض المعدي الي مجنت مرتاحه ودائما تعبانه "
ماما ابتلت بيه وحارت وياي بس ماكو فايده صحتي بنزول يوم ع يوم اتعب .
ودراستي تركتها وصار شهرين ماكو خبر عن عصام.
حته ماما اتندمت لان فرقتنا لان حست بتعبي كله بسبب الفراق "
بدت اتسولف الي قصص ومن ظمنهم قصتها وشلون اتزوجت بابا "
بدت قصتها وهي تبتسم ابتسامه حزن
ابتسامه تحمل الف معنى وشفت بعينها كل الكلام والحب والحزن بدون متحجي.
بدت اتسولف واني فكري مو يمها بس من وصلت لرفض اهلها انتبهت"
جانت هي مسيحيه وبابا مسلم جانت صديقة عمتي وجانت تجيها تدرس وياها
وبابا جان اصلا مو بالعراق جان مسافر
وماما متعرف اصلا بصديقتها عدها اخو
من رجع من السفر شافته ومن اول نظره وكعت بفخ الحب المصيده الي ينصبها القدر البلاء المحبوب تنزل عليك مصيبه الحب وانت متعرف ولا تدري وبس تفقد الشخص تكشف روحك انت خنت روحك واتسربت مشاعرك منك بدون متحس وعضلات قلبك اعلنت ولاها لشخص الي كدر يحتل كل خليه بيك ويأسرك ويخطف لحظات حياتك الخاليه ويمليها بالذكريات الموجعه المفرحه المحزنه واتكون متكرر مثل الفلم المفضل شكد ما انعيده ونحفض تفاصيله بس بأي فرصه فراغ او ملل انعيده ونستمتع بي من جديد "
جانت اتكول حبيته من اول نظره وجانت تشرح مشاعرها وشوقها.
وبدت اتسولف اعتراض العائلتين ع زواجهم وشلون كدروا يقنعونهم وشكد اتنازلوا "
بس حته يجتمعوا بيت واحد ومكان اكو شي يكدر يفرقهم ولحد الان حبهم نفسه وميتغر ابد " صح دائما مختلفين ع ابسط الاشياء وافكارهم مختلفه بس بنفس الوقت الحب متغير ولا قل بالعكس حب اتوج بزواج واطفال " جانت قصة ماما اتشجعني اتمسك بحبيبي وزوجي وما اتخلا عنه.
دخلت لغرفتي واخذت مصلايه وصليت
وبديت ادعي " اني طبعي اذا ردت شي ومتحيره اسوي مقايضه ويه نفسي.
بديت ادعي واتوسل واطلب انجمع بـ عصام وتنحل مشاكلنا.
واتذكرت ابتعاد عصام عني هاي الفتره
كلت حنطيه فرصه جديده منا لباجر
اذا ما دز مسج او اتصل ثاني يوم " حنهي كل شي بينا واطلك وانسه الي صار وارجع لحياتي.
من صليت ودعيت وبديت تحدي
جديد ويه نفسي وجان قرار صعب
بس لازم اخذ هيج قرار بحياتي
وماابقه عايشه ع الاطلال وخاصتن
جنت اظن عصام لكه حب جديد
وهذا الشي دمر نفسيتي.
خلص الموعد الي مخليته وجنت انتظر اي شي من عصام فات ع الوقت ربع ساعه.
وفقدت الامل من الحب واعتبرته خلص
بس جان اكو احساس يكلي ابقي يم الفون بس اعناد "ع احساس بالهزيمه تركت الفون بالغرفه وطلعت "
واسمع الفون يدك رجعت ركض واشوف المتصل حبيبي " مغيرته مثل ما سجله هو ما عندي جرئه اغير اسمه .
بقيت افكر بس خانتني ايدي وفضحتني رعشت صوتي وفتحت خط بسرعه جنت مشتاقه ومتعطشه لـ حب مجنت مكتشفته حب جنت ناكرته وعقلي رافضه معتبرته شي عادي واكدر اتخلا عنه بس هاي الفتره خلتني افتهم غلطي وشكد جنت انانيه وماافكر بشي غير نفسي.
