#ْعشگ-سمره
الجزء 13
بقلم ازهار ذابله.
احس شخص يتحرك خلفي.
مااعرف خفت شنو اسوي كلت خل اركض بسرعه افوت للبيت واقفل الباب.
بس اتحركت صار كدامي ماانتبهت منو بس حاولت ادفعه بسرعه واركض.
دفعته قوي بس هو لزمني من اديه وكال اوكفي.
من الصوت عرفته ورفعت راسي بذعر
انت! !
اي اشبيج خايفه ?
لك وكعت كلبي.
هههه وين وكع خلي اشوفه.
شجابك عصام شتريد?
اممم اجيت اشوفج واطمن عليج.
وليش?
هاااا اتردين السبب!
اي اذا تكدر.
بدون سبب هيج بس اريد اشوفج.
بس ميصير هيج.
شنو الي ميصير بله?
انت تعرف احنه حنعزل منا.
ههههه اتعزلون شنو فاتحين محل.
يبووو والله مو وكت سوالفك.
اشبيج هاي صدك انتي زعلانه منو امزعلج?
يعني متعرف!
لا والله مااعرف شنو صار وياج. !
حجيت السالفه كلها لعصام مااعرف يمكن ماحسبت احساب ردت فعله بس هذا الي صار ما عرفت اظم عليه.
جانت ردت فعله غريبه مارد عليه بحرف
بس عافني وراح.
حسيت بشي بداخي ضوجني اكيد مايقبل احجي ويه امه واخته بهيج طريقه
واني من خلال كلامه بعد ما افكر بشي وحتى حبي اله يمكن جان بس اعجاب وهسه مااحس شي اتجاهه.
مااريد اربط نفسي بهيج ناس حتى لو جان عصام يختلف عنهم.
بس يبقه ابنهم واكيد عنده صفاتهم الجينيه " بس بعده يمثل ويتصنع هذا الدور الي عايش بي.
ماعندي ثقه بشي بعد اليوم.
ردت بس افكر اكمل امتحانتي ما بقه شي
بعد كم يوم لازم امتحن.
واني عايشه بفوضه فوضة حواس فوضه عائله ع وشك الانهيار.
فوضه قلب لا يعرف ماذا يريد اي حب يسكن هذا القلب الذي امتلاء ظلماً.
اي سعاده تزرع في روحاً دمرها اعصاران الماضي والحاضر .
بيت ابو عصام.
عصام دخلت البيت واني عقلي اريد ينفجر معقوله امي و روى هيج يفكراً ويهيج يتصرفاً!
يوووم يوووم روى وينكم ...?
هااا مامي شكوو?
ماما انت صح طارده بيت ابو احمد?
اي طردتهم.
لييييييش?
لويش اتصيح لك شنو انت بعد سحرتك هاي الزركه.
ماما ارجوج لا تغيرين الموضوع.
لا هي اساس الموضوع انت شوكت ترفع صوتك !
ماما محد اله دخل اني بس اريد افتهم شسولج الناس وبابا يعرف بالموضوع?
اي ابوك يعرف وهو نفس وجهة نظري.
شنو السبب?
لان انت من الواضح نسيت روحك واتريد اتسوي شي انت مو كده.
شنو الشي الي اسوي اني شدخلني.
تعرف انت اول مره تضرب شخص تعرف ليش ضربته بسبب منو وشنو الدافع شنو الشعور الي اتحمله لهاي الزركه.
ماما كافي ماكو شي من الي براسج بس اوس اتجاوز عليها وكدامي وهذا الشي مااقبل بي.
شنو كالها واذا حجه وياها هي تسمح لناس تحجي عليها.
ليش هي شدخلها?
لك انت متعرفها هاي اختك واسالها?
شنو اسالها ع شنو?
لك هاي شغلتها اتوكع الشباب بحبها
عيونها زرك وشعرها طويل وتلبس وتفتر بكيفها مالها رداد.
لا مستحيل هذا كله تهم باطله مستحيل نور مو هيج!
يتبع ...
#عشگ-سمره
