#عشگ-سمره
الجزء 15
بقلم ازهار ذابله.
فكري يم اثنين الاول بابا وين راح. ?
والثاني عصام وشنو سوه وليش هيج جانت ردت فعله ?
ابوج مارجع?
لا .
اخذي احجي وياه شوفي وين راح.
اوك.
اتصل وميرد خمس مرات اني ادك وماكو
وصلت الدمعه بطرف عيني.
ردت ابجي وكلت هاي محاوله اخيره.
الوووو هلوو بابا وين صرت والله حموت من الخوف ليش مترد عليه?
هلووو حبي لا تخافين بس جنت مشغول.
وين رحت بابا وشوكت ترجع?
بابا ماارجع اليوم عندي شغل باجر ان شاء الله اني يمج لا تخافين.
نونو سدي الباب وديري بالج ع نفسج
اني حسد الخط ......
هاااا وين مختفي?
ماما مااعرف بس هو زين وكال باجر يرجع.
اي باجر يرجع ابراحته واحنا كل منحجي وياه يعوفنا ويطلع.
ماما هو مناقص وانتي اتعرفين المشاكل والشغل هو تعبان.
اي بس اني مرتاحه ومعندي شغل وعمل
وادور مشاكل مو هذا قصدج.
لا والله مو قصدي بس اتعرفين الخساره الي اتعرضلها وشلون خسرنا كل شي يعني يحتاج جهد وتعب حتى يرجع جزء بسيط من شركته.
لج ابوج يظل طول عمره هيج وخلي يكمل هذا مشروعه وحيخسر بـ اسبوع هاي المره.
لا ماما بس هو قلبه طيب ويثق بالناس مايعرف نفوس البشر المريضه.
اي ابقوا عايشين بهاي سوالفكم وطيبة قلبكم وانتي نسخه من ابوج ماكو فرق بينكم.
اي اهم شي واحد يكون نقي نظيف من الداخل.
ميحمل الحقد والبغض بقلبه .
اتعرفين ماما اكو قانون يسمى "قانون الدوران "
وهو اكثر قانون يمشي بالعالم اتعرفين كل شي انزرعه انحصده.
او اي عمل من خير او شر انقوم بي حيرجع علينا عاجلاً ام اجلاً.
اني نعست اروح انام انتي سوالفج متخلص ابقوا عايشين بالمدينه الفاضله.
احلام سعيده مامي.
احلام سعيده حبي.
ماما كدرت تنعس وحقها يومها كان متعب
والي صار وياها مو قليل بس هي دائما تتعصب بسرعه وتلغي كل شي اسمه منطق وتستخدم بس الواقع الحالي.
عكس بابا دائما منطقي ويحترم الحاضر بس عيونه تتطلع المستقبل بترقب.
قفلت الباب واطمنت ع حمودي شفته نايم وغارك بنوم.
وصعدت انام او احاول اهدي جسمي من المشاكل واليوم المتعب الي شفته اليوم.
استسلمت لنوم.
بدء صباحي بصوت بابا.
جنت بين الصاحيه والغافيه واسمع بابا يحجي جوه بالبيت.
نزلت بدون مااحس بروحي ركضت وحظنته.
اشتاقيتلك بابا ليش عفتنا وحدنا
تعرف هاي اول مره انام بالبيت وانت مو ويانه.
بابا بعد لا تروح.
ابو نور : حبي لا تخافين بس جان عندي شغل.
ام نور : نور انتي متعوده تنهزمين من اتصير مشكله مو جديده السالفه.
ابو نور: نور اني ماانهزم بس اكو ناس متريدني واعرف جانو يتمنون ماارجع بس نونو اتحبني .
نور : لا تخلوني بالنص تره دخت!
ابو نور: حبيبتي انتي والله مااتحمل زعلج.
ام نور: واني هم احبج ومااريد ازعلج بس انتي اتزعليني.
نور:في ايه ياعم انت منك اليها بتشتغلوني ولا ايه.
الظاهر اتصالحوا وخلصت الحرب ودخلوا
يتعاتبون بس قبل لا يرحون نصحوني بعد مااحجي مصري.
ابصراحه نصيحه قيمه.
لان اني فاشله باللهجات .
خلصت من مشكلة البيت والحرب بين ماما وبابا.
بعد بس عصام وشسوه ويه اهله واشلون تركني بدون حتى ميبين اي شي.
-عصام طلعت ضايج من امي ومن روى
وشلون يكدرن هيج يحجن ويه الناس.
رحت للـ بابا وحجيت وياه.
بابا انصدم وطلع ميعرف شي وهاي امي من يمها طارده الناس.
بيت اهل نور.
اندك الباب من الصبح وكلنا فزينه من النوم.
منو هذا الي يجي من الصبح.
ماما الساعه بثمانيه احنه متاخرين.
يااا صدك ولج بس هم منو يجينه?
يعني شلون ما افتح الباب يله هسه اشوف منو.
يتبع ....
