عشگ-سمره
الجزء 8
بقلم ازهار ذابله.
بعد فتره رجعت روى وياها الشاب.
اني من يمي خجلت مااعرف ليش خجلت منه.
شكد شخصيه وهيبه اله.
روي : هذا عصام اخوي الي عجبج شغله
عصام الي كدامك نور الزركه عدوتي الي اكرهه.
عصام : امممم اولا البنيه مو زركه سمره
وثانين اذا عدودج شكو ساحبتني بس اتعرف عليها.
نور : اهلا عصام اتشرفت بمعرفتك.
عصام : هلا والله واني اكثر.
روي : يعني رزلتني كدامها.
عصام : هو انتي شابعه رزايل يعني لان كدام نور ضجتي.
نور: ههههههه حلووه الرزايل من الاخ بيها طعم ثاني
عصام : وانتي هم امبين عليج لا والله انتي الظاهر اخوج شابع كتل منج.
نور : لا مو هيج بس مااحب اتشاقه ويه اخوي.
عصام : اي واضح.
روى : اني زعلت انت ولا عبالك واكفه يمك خلصتها اتسولف ويه نور وعايفني.
عصام : ادري ازعلي اني لازمج الدنيا حتغيم باجر ويجوز تمطر.
نور : هااا كول والله بس احنه بعد بالربيع وين اكو غيم ومطر.
عصام : هههههههه ومنو كال حتمطر
نور:انت.
عصام : قصدي لان زعلت روى حتمطر.
نور اني فشلت وبعد ماحجيت اخذني الواهس وكمت اخربط.
نور : من رخصتكم اني تاخرت ع البيت لازم اروح.
عصام : اتشرفت بمعرفتج.
نور : واني اكثر.
لميت ملازمي والكتب وركضت للبيت.
رجعت للبيت بسرعه.
لكيت ماما بالمطبخ واستجواب من الباب.
هاااا نور شسويتي شكملتوا من الماده شفتي منو عدهم حجيتي ويه منو .....الخ
يووم حبي حبه حبه.
يله احجي.
احم رحت سلمت ع ام عصام وبعدين نزلت ديانا وكعدنه بالحديقه
ودرسنا وكملنا فصل واحد من كل ماده.
بس الرياضيات ماقرينه شي.
لان كالت ننتظر اجازة اخوها هو يشرحلنا.
وبعدين اجه اخوها وسلم علينا واتعرفت عليه.
وخلص وقتي ورجعت.
نوير خوما حجيتي شي عن البيت او عن حياتنه.
لا ماما ماحجيت اي شي.
اي عفيه.
اكدر اروح ابدل وارتاح?
منو لازمج بدلي شعندج واكفه يله بسرعه.
اخ انوب طلعت اني معطلتها.
صعدت لغرفتي بدلت.
وكعدت اكبال الشباك اتأمل الطبيعه الكدامي.
جان شباك غرفتي يطل ع بستان كله اشجار.
واني اتفرج يوميه ع منظر الشمس شلون تختفي خلف اللون الاخضر.
وكل ما ابتعدت اكثر لونها يكون اغمق واجمل.
وبنص المنظر الرائع شفت صوره عصام
مسحت عيوني بسرعه.
واتعوذت ادري هذا شجابه بالي هسه.
نزلت اكمل يومي ويه عائلتي.
ابيت ابو عصام.
عصام صعدت لغرفتي حتى ارتاح اشويه من الدوام يوم جان جداا متعب.
شمرت نفسي ع الفراش ونمت ع ظهري
واباوع ع السكف.
اتخيل لون اعيونها اول مره بحياتي اشوف هيج لون.
وشعرها لونه يجنن ونعومتها.
اتحسها دميه للبنيه مستحيل اتكون بشر مثلا.
وهاي روى اتكول عليها زركه.
خرررررب هي هاي الي تحجي عليها قبل بس اني ماانتبهت.
صدك البنات ماينصفن البنت من يوصفنها.
يمكن دافع الغيره .
او هنه هيج يشوفن بعض.
وين جانت هاي البنيه اعرف ابوها وشايف اخوها وامها ليش هي اول مره اشوفها .
يمكن اهلها يخافون عليها.
والله عمي حقهم هاي لو بنتي اخليها بقفص.
عصاااااام.
صوت روى يخلي عندي ارتجاج بالدماغ .
خربت افكاري.
هااااا شبيج تعال انزل بابا يريدك بالمكتب.
ثواني ونازل .
بيت نور.
جان كلشي مثالي ما عدا ماما جانت كل يومين اتلاثه اتسويلها مشكله.
وطلباتها متخلص.
وتقارن نفسه بصديقتها ام عصام.
ماتعرف هذا ابو عصام حوت ابتلع الشركات المنافسه اله بسوك وحده وره الثانيه.
بابا جان يسولفلي يكول بسنه وحده اشتره
اربع شركات معلنه افلاسها.
زين بابا شنو يستفاد من شركه خسرانه .?
بابا هي خسرانه بالنسبه لصاحبها.
بس ابو عصام ومعارفه بالسوك يكدر يرجعها احسن من الاول .
وكل هذا بطرق شرعيه.
ههههههههه لا بنيتي الي يشتغل بالسليم يفلس مثل ابوج.
كل شغلهم غير شرعي و واسطات ومحسوبيات .
خلص نقاشنه اني وبابا عن الشركات .
جنت احب هاي المواضيع واتمني اشتغل بالتجاره .
اقترح بابا عليه اروح اعداديه تجاره.
بعد مااكمل ثالث واني هم عجبتني الفكره .
كملت فتره اسبوع كل يوم اروح ادرس يم روى.
وكل يوم اشوف عصام .
ومرات احاول اتاخر بس حتى اشوفه.
مااعرف احس اتعلقت بي .
وهو هم من يشوفني يفرح .
مره اني اريد اطلع من بيت ابو عصام
وجان الوقت مغرب .
شفت اوس وياه اثنين شباب .
فاتوا من يمي بس اني ختلت وره البابا .
طلعو بجهه بيتنا.
خليتهم يعبرون ومشيت وراهم.
جانو مستعجلين واني بدون اي حس امشي وراهم
وصلت لبيتنا هم لافوا من وره وطلعو ع البستان .
واني ظليت حايره اروح وراهم لو ادخل البيت.
يتبع
