#عشگ-سمره
الجزء 22
بقلم ازهار ذابله.
اسمع صوت مألوف عندي لا مو مألوف هذا الصوت محفور براسي ..
من الصدمه فتحت اعيوني ....
منوووو اساور ...
اي حبيبتي نونو اني اساور..
بس انتي .....
لا اني مو ميته اني يوميه يمج بس انتي متشوفيني.
زين شلون ليش اليوم اشوفج ...!
نونو تعالي ننزل العبج بالمرجوحه.
شنو اتلعبيني اني مو اصغيره ..
كومي لا تكبرين نفسج تعالي اعرف اتحبين اني امرجحج...
ما انزل اني اخاف دنيا ليل ..
لا تخافين اني وياج يله نور نور نور ..
عاااااا.
ماما ماما
نزلت اركض واعيط ومااعرف شسوي غير الصريخ.
فتحت ماما الاضائه وحظنتني ..
اشبيج ماما شنو صار وياج ..?
ماما شفت اساور جانت تحجي وياي ..
بابا استغفري الله اخذي هذا المي اشربي ..
بابا صدكني هي كعدتني وحجت وياي ..
رجعنه للاحلام استونه خلصنه ..
ابو نور : ع كيفج ويه البنيه خليها بعدهي مصاحيه هسه تستوعب ..
ام نور : هاي بنتك واحلامها مو كتلك بعد وقت ع تزويجها يعني تخيل يم الناس وتتحلم شلون بله ..
ابو نور: هااا بابا هسه شلون صرتي ..?
بابا جان حلم بس هي كعدتني من النوم شلون هيج حلم.
اي بابا تحلمين بالحلم انتي نايمه هذا كابوس.
لا بس هي جانت تحجي وياي مثل قبل" واتعاملين ع اساس اني بعدني اصغيره.
بابا خلص ارتاحي وتعالي نامي يمنه.
بقيت الليل كله نايمه بحظن ماما.
صحيت لكيت نفسي نايمه يم ماما
خجلت من نفسي واتذكرت البارحه شلون خوفتهم.
اتسحبت بدون صوت وطلعت ..
بس بعد اكو خوف بداخلي من الغرفه.
مااعرف شخص كان كل حياتنه وانحبه "
ليش من ايموت انخاف منه ...!
هذا جان السؤال الي محيرني.
صعدت لغرفتي اتوضيت وصليت الفجر.
ودعيت لـ اساور وقريت قرآن وهديتها لروحها.
احس روحي اطمنت وكدرت استوعب البارحه جنت احلم ..
اني اول ما ايام وفاة اختي هم جنت اتحلم بيها وجنت اخاف بس جنت اصغيره"
وبسبب الصدمه لان شفتها ميته كدامي.
بس هسه شنو سبب رجعة الاحلام ...?
دخلت ماما شافتني كاعده ع السجاده
وكدامي القرآن ...
هااا حبي نور صرتي زينه ...?
اي ماما لا تخافين ماكو شي" واني اسفه لان خوفتكم انتي وبابا البارحه..
لا حبي لا تعتذرين اهم شي انتي مرتاحه
اني يا امي شكد اكلج انسي اساور لا تفكرين بيها بعد خلص هي ماتت بعد ماينفع الندم.
مااكدر ماما مو بيدي هي وياي بكل مكان
تدرين اني احجي وياها واعرف اني هي متسمع بس متعوده "ما يوم فارقتها.
تتعودين وتنسين لعد شتكولين عليه اني اني مرات احس روحي ظالمتك بالعصبيه والصياح وهذا كله واحس روحي مذبوحه اريد انفجر هاي اول فرحه الي اول طفله كالتلي ماما وياها حسيت بنفسي ام وعشت اجمل ايام حياتي.
اتعرفين اساور جانت طفله هادئ لدرجه ما جنت احس بيها تلعب وتتكلم بهدوئ
جانت حساسه ورقيقه ومن كبرت زاد خجلها وهدوئها وهي تكبر كدام عيني مثل زرعه اني زرعتها وسقيتها حب واهتمام ..
و وارجع ارجع من طلعه الي ومتطلباتي الزايده ع ابوج وعدم تأقلمي ويه وضعنا الجديد.
والكاها ميته او مقتوله مااعرف بس شي بشع شعور محد يفهمه ولا يوصفه "
غير ام ظايكه طعم الفقد ام فاقده جزء منها.
اني اسفه ماما والله ما اريد اذكرج وازعلج.
حبيبتي لا تكولين هيج هو اني اصلا ما انسه ...
جانت ادموع امي كدامي بمثابت صفعه قويه جنت حزينه اني مااحس بيها "
هي شايله كل هذا الحزن بس متحجي
اتنفس عن حالها بالصريخ علينا اني وحمودي.
خلصت مرحله من حياتي جانت صعبه
وكلها كوابيس وخوف مااعرف شنو الي اتغير بعد خطوبتي.
وحته عصام ماجنت اطيقه واغلب الاوقات اني وياه بس مشاكل ..
استعجلوا ع تحديد موعد الزفاف
لان اتاخرنه وحيبدي الدوام واني نجحت ورحت رابع وبأصرار من عصام دخلت علمي وطبعن مو رغبتي بس هو يفرض رغباته عليه بشكل مزعج.
وحددنا يوم العرس واني جنت بعدني ممستعده للزواج جنت خايفه ومرتبكه من الكوابيس الي مفارقتني ابد.
حظرنا كل شي يخص العرس
وصالون والبدلات وكل شي صار جاهز
وماما وام عصام اتعاركن وسون مشكله
مااعرف ع شي بسيط.
بس هنه صارن عداوه و وحده متحامله ع الثانيه ..
المهم وصلنا اليوم الزفاف وكملت الصالون ورجعت للبيت والاهل كلها موجوده وننتظر اهل عصام والزفه حتكون بالمنطقه ونرجع لـ بيت عصام يعني شي بسيط ..
هم ماما اتعاركت ويه عماتي ..
وزعلن ورجعهن بابا بلكوه ويراضيهن.
مااعرف ماما شبيها مخلت واحد متعاركت وياه ..
وصلوا اهل عصام وهم اخذولهم ساعه اقاربه يهوسن ويهلهلن ..
وصارت الزفه صعدت بسيار جانت مرتبه وكلها ورد وزكرشه.
كعدت يم عصام وشغل السياره وطلعنا
افترينا بالمنطقه وسيارات الزفه ورانه.
ورجعنه فتنا لبيت عصام ..
امي نزلتني ومخلت احد يتقربلي حته عصام راد يلزم يدي مقبلت ..
كلتله لابسه كعب اتوكعها..
عصام جان جدا متفهم وابتسم وساعدها
لان بدلتي جانت جدا ثكيله وبيها ذيل طويل يسحل وراي واني ناعمه ولابسه كعب بالكوه شايله روحي.
بس مرتاحه لان تسريحت شعري مريحه وبسيطه بس اكسسوار وشعري من جه مرفوع والباقي نازل ع جه من ايدي ونازل ع ظهري امغطي فتحت البدله المكشوفه من الظهر.
دخلت بصعوبه ولكيت ام عصام امحظره كوشه كلش حلووه لونها ماروني وابيض
وعاليه وترتيبها كله حلو ونازك.
كعدنا واتصورنا جانوا جايبين مصورات بنات اثنين يصورن الحفله.
واقاربهم كلهم حاظرين.
وبده الحش والحجي وشنو حالها
بس عيونها حلوات والخ .....
وماما جانت بس اتخوزر بيهم.
انوب هي عيونها اكبار وزرك من تخزر بشر يتعجب ع لون عيونها .
وعصام استأذن وكمل الحفله ويه اصدقائه
جانوا مسوين حفله خاصه بيهم.
وكمل العرس بمعجزه .
و صعدنا اني وعصام لغرفتنا .
وماما هم وياي بس من دخلنا طلعت
وهي زعلانه ..
بقيت كاعده واني خجلانه .
كعد يمي عصام وكلي مبروك يا اجمل عروسه بالعالم ...
الله ييبارك بيك ..
يله حبي بدلي امبينه هاي البدله تعبتبج
نفذت كلام عصام وفتت بغرفه تبديل الملابس وخلعت البدله يله اتنفست .
غرفتنا جانت واسعه وبيها مكان تبديل ملابس.
كملت وطلعت شفت عصام يصلي
اني هم اتوضيت وصليت.
وكملنا وطلب عصام عشه واتعشينه.
خلص يوم ودخلت حياة عصام بشكل اكثر رسميه وحتبدي المواجهات الحقيقه
بيني وبين ام عصام و روى.
كل العاده اكعد من نومي ع اصياح ودوشه
وفز عصام هم مرعوب .
يسالني شنو صاير واني هم مااعرف شنو صار بس اسمعهم يصيحون .
يتبع......
