#عشگ-سمره
الجزء 28
بقلم ازهار ذابله.
جان تعبان ومتغير نظراته يأسه وحزينه
فعلا احنا خسرنه "خسرنه حياتنه
وافترقنا وبعد ما كو امل نرجع ..
بعد شهر رجعت حياتنه طبيعيه
واني بديت اتحسن لان حسيت
بـ عصام حلم ومستحيل يرجعلي
وبعد الي صار محد من اهله يتقبلني
وهو هم ميكدر يتركهم.
حمودي اعترف لـ اهلي بحبه لـ بنت خالو وهم صارت مشاكل.
وكدر بصعوبه يقنع بابا.
بس المشكله بخالو مستحيل يقبل
وجانت فتره صعبه وكلها مشاكل
الظاهر الحب اذا ميواجه الحروب
ميكتمل " عرفت اني خسرت الحب
لان اني جبانه وما حاربت بالعكس "
جنت محاربه الشخص الي يحبني
وضيعته وضيعت روحي.
بصعوبه كدرنا نقنع خالو وصارت خطوبة
حمودي.
ردت اخابر عصام واشوفه ونتفاهم بس
جنت اخاف يكسر قلبي " اني اخر شي انجرحت من كلامه بس مستحيل
اتركه لازم احاول " واني افكر بـ عصام
اندك الباب واسمع باب يدخل شخص
للبيت ومشفت منوا دخل بس سمعت صوت عصام الصوت المستحيل
انساه او اتجاهله " بس هم رجعت لبرودي وطبعي الجامد مااعرف شلون
اكدر اقسه هيج ع اكثر شخص يعشقني
كدرت اقسي قلبي عليه" وما رحت شفته.
بقيت بغرفتي لحد ما سمعت باب غرفتي اندك دكه خفيفه" اني جنت كاعده ومنتظره اي خبر من عصام بلكي يشوف حل يخلينا نرجع مثل قبل.
- اتفضل ..
دخل عصام ويحمل بيده ورده.
اني مصدكت الي كدامي عصام
واتذكرني بعد كل الي صار!
اممم يعني متسلمين ....?
اني بس سمعت صوته وضحكته
بدون مااحس ركضت ورميت نفسي
بحظنه وبقيت متمسكه بي بقوه
مااريد اتركه اخاف يرجع او يطلع
كل هذا حلم معقوله دا احلم اي
يمكن حلم ..جنت افكر بصوت عالي
بس عصام اكد الي من حظني بقوه
وكال مو حلم اني موجود وبعد مستحيل
اتركج مره ثانيه ..
شلون يعني عصام ...?
يعني كدرت انتصر مره ثانيه بحربي وكدرت احصل عليج للمره الثانيه
تعرفين ليش مااخسرج لان كلي يحبج
مو مثلج ...
شلون يعني تره والله اني شفت العذاب
بعدك بس اكابر ومااحجي.
شوفي انتي صح اتحبيني بس
عقلج ميحبني يعني انتي عكسي
اني اخبج بكل حواسي عقلي
وقلبي و روحي وكل ذره بكياني
وما افكر اتخلا عنج حتى لو خسرت العالم
كله ....
شخسرت هاي المره ...?
ههههه مخسرت شي ابد لا تخافين.
لا لازم اعرف حتى لا ارجع اغلط حتى
اعرف قيمتك وما افكر اتركك.
صدكي مخسرت شي بس حنعيش بيت منفصل عن اهلي وهذا هو الحل الافضل.
اكيد افضل وبعد اكو شي ثاني ...?
مو مهم بعدين اتعرفين ....
لا اريد اعرف.
مالي حق بـ الاملاك ولا الشركه كتب بابا وصيه وطلعني من حياتهم.
ليش قبلت ..?
لان اني لازم اصنع لنفسي حياة
مااريد الفلوس هي تصنعني
اني اسوي ثروة واكدر اشتغل
لا تخافين ست نور اكدر اعيشج
بمكان محترم واكدر اصرف عليج.
لا تحجي هيج اني اهم شي اكون وياك
حتى لو انعيش بخيمه.
ع كيفج يـ البدويه شدعوه عايشين بخيمه
تره الكدامج مهندس وعندي شغل خاص
يعني اكعدج بيت وبي كل شي يعجبج
وتقريبا بيتنا جاهز.
يعني انت حجيت ويه اهلي وشكالوا ..?
اني هسه وين واكف ..?
بغرفتي ..
يعني شلون دخلت اذا مو همه قبلوا
وسمحولي ....
هم صح يعني شوكت انروح لبيتنا ..?
هسه اذا تحبين اني جهزته وهو مناقص
شي بس انتي اتنورينه.
طلع عصام ينتظرني واني احظر
نفسي لميت كل شي بسرعه
ودخلت ماما اتساعدني وجانت
مرتاحه لان شافتني فرحانه
وكملت بسرعه يعني بصراحه
ممصدكه يرجع الي بعد الي صار
بس الي يحب من صدك ميترك حبه
وعصام وفه بوعده ومتركني وحدي .
رحنا لبيتنا جان بيت بسيط وبمنطقه
حلوه .
وبعد فتره صار عرس اخوي وحضرنا
اني وعصام وعشنا اجمل ايام حيتنا
.
.
.
.
جالسه في حديقتي التي تحتوي
جميع انواع الزهور التي اعشقاها
وكنت ازرعها بيدي.
وكنت اعيد قرائة روايتي المفضله
وكنت اقراء بالفصل الاخير من
الروايه وهناك اطفال يركضون ويصنعون
ضجيج يجعلني اضحك من لعبهم المتواصل دون ملل او تعب.
صارت روان بعمر ثمن سنوات وجانت تشبهني نفس شعري ولون اعيوني
وابني علي عمره ست سنوات ويشهبني بس لون عيونه مو نفس لون عيوني
جانوا مالين عليه حياتي.
صح همه منبوذين من قبل اهل الاب
بس ماما وبابا معوضينهم عن هذا النقص
جان عصام يروح لـ اهله ويشوفهم
بس لا اني ولا الاطفال ممنوع نوصل
اوندخل للقريه.
اتعودنا ع هذا الوضع وعشنا بعيد
عنهم وعن كل المشاكل.
النهايه .......
