#عشگ-سمره
الجزء 26
بقلم ازهار ذابله.
اني اختلطت مشاعري بين الفرح
والحقد بس اكثر شي الحقد والانتقام
جنت اتمنى اعرف منو .
اول ما دخل عصام بشرته كتله عرفوا
القاتل.
بس ردت فعله جانت غريبه ما فرح
وجان ضايج ..
نور ارد اكلج شي بس لا تفتهميني
غلط.
شنو احجي ...?
اتوعديني ماتسوين شي ..?
ع شنو كل هذا احجي شنو السالفه ..!
حازم اخوي هو الي قتل اختج ..
شنو انت صدك تحجي ...!
اي احجي صدك ومن فتره عرفنا
لان اوس من الضرب معترف عليه
نعم و اوس هم وياه...
اوس جان وياه.
اي واني لازم شسوي انت تعرف شنو
يعني اختي وشنو جانت تعنيلي.
بس مااريدج تأخذين قرار بدون تفكير.
هسه تعرف قراري.
نزعت الخاتم الي لبسني اياه والحلقه
ولميت كل شي يخصني من الغرفه
والذهب كله عفته الهم.
عصام ماكدر يحجي شي بس
عصب وظل لازم باب الغرفه.
وخر اريد اروح ...
وين ترحين ..!
اروح لبيتنا ارجع لـ اهلي ..
ليش ...?
بدون ليش خلص اتركني وابعد عن حياتي.
مااعرف شصار بعصام بس ظل واكف
ويركع بالباب ويصيح يريد بس يقنعني
واني اتخذت قرار مااعيش وياه بعد
كل مااشوفه اتذكر همه قتلوا اختي
وجان يعرف ويستر عليهم.
وهسه افتهمت ليش حامي اوس
اثاري يغطي ع اخوه ..
نور لا تخسريني والله ظلمتيني اهوايه.
ما اريد اسمع شي بس تكدر اتوصلني
لـ اهلي ..?
يله اوصلج بس اعرف من تهدين اتعرفين غلطج..
وصلني عصام لـ اهلي وما دخل ..
من شافتني ماما ظلت مصدومه
حظنتها وبجيت احس حركه بروحي
احس نفسي جنت عايشه ويه مجرمين
مستحيل اقتنع هذا الحب الي حسيته
وعشته ويه عصام جان كله غش
وجان بس يضحك عليه ...
دخلت وسمعت القصه من بابا
وسولف شلون لزموهم بس مقبلوا
يحجون يمي شلون قتلوها ..
بابا كال عصام ماله دخل ولا تظلمينه
بس ماما كالت لا شلون تكدر اتعيش
وياهم بعد.
ابو عصام جاب مشايخ وناس معروفه
بس حته يقنعون بابا يتنازل.
بس ماما طلعت الهم ورزلتهم.
كالتلهم انتوا اتعرفون بالعشاير
ودفعون افلوس او فصل ديه بس
اني ما اتنازل عن دم بنتي حته
لو اعرف اطلك .
حجوا وياها اهوايه بس مكدروا يقنعونها
وحته بابا مقبل يتنازل.
ام عصام اتهدد امي اتكلها اذا متتنازلين
اخلي عصام يطلك بنتج ..
وماما كالتها اصلا احنه بعد منرجها الكم.
ملوا الناس من اهلي ومقتنعوا.
عصام يخابر ماارد عليه.
يدز مسجات ولا اهتم.
بده الدوام واني لا ناقله مدرستي
ولا اعرف شنو مصيري.
اخر شي حجيت ويه عصام وخليت
عليه شرط تعجيزي بس اريده يقطع
الامل مني.
قبل بشرطي وهو متعصب لدرجه
يمكن لو يشوفني يسحكني بسيارته.
شرطي جان ياخذني اشوف حازم
اريد احجي وياه.
بس ما كلت لـ اهلي اتواعدت وياه
و وصل ع الموعد واخذني لسجن.
بعدهم يحققون وياهم بلكوه خلونا نشوفهم
اول ما صار حازم مقابيلي احتاريت
شنو اكله اريد اقتله بس اتحملت
لان اريد اسمع منه شلون قتل اساور.
بس سالته هو جاوب بدون تردد.
جانت اساور اتصدني ما تقبل احجي
وياها ولا تحب اتشوف وجهي.
بس اني جنت امخليها براسي"
وممتعود وحده ترفضني "ظليت
اراقب واريد بس فرصه حته اذلها
واخليها تتوسل حته بس اتقبلها
بس ماكو فايده جانت كل مره اتزيد
قوه وشخصيتها تمسح رجولتي وتبهذلني
قررت استنذل واسوي الي براسي
واجتني الفرصه جنت اراقبكم
وشفتكم طلعتوا واساور مو وياكم
دخلت عليها البيت بعد ما تأكدت منكم
ابتعتوا عن البيت.
سكت وحنه راسه بعد ما كمل واني
اريده بس يكمل يكول شنو اخر شي كالته
اساور شلون قاومت هم دافعت
عن نفسها صرخت استنجدت.
كمل ...
دخلت شفتها كاعده بالصاله
وجانت مرتجيه وتقره اني مجنت وحدي
جان اوس واكفلي بره يراقب خاف احد يفوت " ظليت صافن عليها بس اباوع
هي حست بوجودي فزت من مكانها
و هربت واني وراها اول ما صعدت الدرج
اني جنت وراها اتعثرت ورجعت وكفت بسرعه " بس مجانت اتصرخ جانت بس خايفه واني عجبني اخوفها اكثر "صعدت رادت اتسد باب الغرفه بس ما لحكت
لان اني سبقتها ودخلتها وياي وقفلت الغرفه " كتلها اتوسلي واني اعوفج
وانسي كل شي وبعد ما اتعرضلج"
بس هي مجانت تكدر تحجي بس
كالت عوفني الله يخليك لا تأذيني
من سمعت صوتها وهي اصلا
عاجبتني واني جنت مو صاحي
اتهجمت عليها قاومت بس ماكدرت
تحمي نفسها بس خلت هذا الاثر
بوجهي .
بعد الي صار تركتها وطلعت كلت
لـ اوس عن السويته بس والله ندمت
ومجنت متوقع اسوي هيج شي
كال لازم نقتلها لان اتكول عليك
ويسجنونك .
مااعرف بسرعه رجعت واخذت فكره
اقتلها بطريقه محد يشك بيها مقتوله
رجعت شفتها مكوره نفسها وتبجي مثل المصدومه من الي صار "
حملتها ودخلتها لـ الحمام وخليتها
جوه المي وسديت حلكها " بس
بقت عايشه واتحاول تفلت مليت
الحوض مي وغطستها بي لحد ما
خلصت عليها " بس هم مجان الشي
مقنع صح ماتت بس اخاف يلكون دليل
دورت بسرعه بالبيت شفت حبل اخذته
وحملتها وصعدت بدلتها ونشفت شعرها
ونظفت اظافرها من الجلد لان جانن مليانت جلد من وجهي وظهري "
ربطت حبل بالمروحه وصلته بحبل ثاني
ربطه ع الكرسي وكعدتها ورجعت خنكتها
بالحبل حته يبقه اثر بعنقها "
ومسحت كل شي مسكته
وطلعت.
منو ساعدك غير اوس...?
محد جان يعرف بس اوس وبابا من عرف
سفرني بس اني مااتحملت ورجعت.
ما اعرف شنو احس فعلا حيوان وما عنده
ذره انسانيه.
المحقق طلب نطلع واني جنت اريد
اضرب حازم بس عصام لزمني وسحبني
بره مااعرف اتماسك جنت بس اصرخ
واغلط وادمرت اعصابي
عصام سد حلكي وطلعني بسرعه
وكفني يم السياره واني بعدني اغلط
وصار الغلط كله ع عصام وهو بس ساكت
بس ماطول وهو ساكت فجأه انفجر
بوجهي .
خلص كافي انتي شنو من بشر
متحسين حرام عليج والله اني مسويتلج
شي مالي ذنب افتهمي بس بس
اني ليش متعب نفسي وياج
هو الي يحب وحده مثلج متحس
ولا تكدر اتحب يتحمل " اعرف متحبيني
ولا مفكره اتحبيني واني ما اكدر انساج
ولا اكدر اكرهج بس فهميني شنو سرج
ليش متملكتني ليش منتشره بدمي
ليش اختنك من ما اشوفج هو الهوه مو
بيد الله"
العالم مو كلها تتنفس هوه ليش
اني اتنفسج "
وانتي اني ابد ما اعنيلج شي ولا تفكرين
هذا الحيوان مجنون بحبج .
تركني عصام وراح مشه بعيد ورجع
رجع عيونه حمر جنه شابع بجي
سحب ايدي وخلاها وره ظهري
ودفعني ع السياره صدك اني مااخاف
منه بالرغم من كل الي صار بس هو
مصدر الامان بالنسبه الي.
عصام دا اتوجعني عوفني .
تتوجعين اتحسين بهذا الوجع اتخيلي
هذا الوجع بس بقلبي بروحي اني
انزف من الالم بس انتي ممهتمه غير
بوجع وجع اني سببته الج من مسكت ايدج
واني من ظلمتيني ونكرتي حبي الج
شنو احس ....!
رجعني للبيت بعد مااتحمل مااريد اسوي شي اندم عليه خلي اقل شي بينا ذكره حلوه واحترم علاقتنا ورجعني .
هو منو الي ممحترم العلاقه وشنو بعد اتسوين اكثر من السويتي ...?
سحبني ودفعني بسياره وقفل الباب
وصعد وشغل السياره ...
نور تعرفين اهلي جانوا رافضين زواجنا
تدرين شسويت بس حته اتكونين الي
تعرفين شكد خسرت شكد اتحملت زعل
وهذا كله مجان عندي شي مهم حته
ما كتلج وجنت اريد اثبت الهم اختياري
صح ومستحيل نور تتخلا عني " بس اهلي وعمامي كلهم اجتمعوا ع رأي واحد
هو انتي حتركيني بأول فرصه" لان انتي مو اقاربي جانوا يفضلون اتزوج من بنت عمي .
بس اتعرفين بعد الصار وشلون اتزوجتج
وهسه همه انتصروا واني عرفت نفسي فاشل .
بس بالرغم من هذا كله مااكدر انكر انتي محتله واني شعب خاين ومتخاذل ويعشق
هذا الاحتلال ويستمر بعشقه لحد ما يدمره ويسلبه كل مايملك .
وصلني الباب البيت ونزلني
وطلع بدون ميلتفت حته.
مااعرف حسيت نفسي ظلمت عصام
بس مااكدر اتقبل بعد اشلون اعيش وياهم
وهمه هم ميتقبلوني وماما مقصرت وياهم
والوضع بالبيت متوتر .
حاول بابا يقنع ماما بس ماكدر
وجانت رافضه اترجعني واتريد
انفصل عن عصام بس اني ما كدرت
اترك عصام .
كل يوم وهو بعيد عني مينحسب من عمري "حياتي صارت بس حزن
وعصام ابد مستسلم دائما يخابر
ويدز مسجات اني جنت مطمنه
لان هو مينساني ومتحمل دلالي
بس بعد فتره بطل يخابر ولا يدز
مسج اني جنت اصبر روحي
واكول باجر ويوم يجر يوم وعصام
ماكوا .
اني هم تعبت وبس افكر اكول
حب غيري اتزوج ثانيه وجنت
مدمره اعصابي لحد ما يوم
جنت واكفه ع الطباخ اسوي عشه
وبدون مااحس وكعت وفقدت الوعي.
يتبع........
