زوجة لسبعة أيام

الجزء 25

بالجد اول مرة ف حياتي زول يهتم بي او يعمل لي حاجة ، الحاجات دي كلها جديده علي ،، قلت لسلمى انا زهجته ، قالت لي ياخ اصبري ، قلت ليها لحد متين لكن هههه

قالت لي انا متشوقه متين اصل المرايه ، قلت ليها وانا كمان والله ، قالت لي ليه حتقومي تلبسب ، قلت ليها اللبس شنو انا ؟

قالت لا يعني جادة كنتي حتمشي بي عبايت ولا اسكيرت وبلوزة ، قلت ليها المهم السترة يختي ، قالت لي مجنونة بس ، قعدنا نتونس و نتكلم ، فجاه قالت لي يلا شعرك ، قلت ليها يا بت امي شعري حيشوفو منو ! قالت لي علياء بطلي اسئله يلا .. قلت ليها تمام ( انا شعري النوع الغزير و طوالي شاقه قدام و عامله كعكة ) ..

المهم .. خلصنا و لبستا الفستان الجابتو لي دا ، ومن شافتني قالت لي ماشاءالله تبارك الله ، قلت ليها حاسه روحي زي عروسه المولد ، قالت لي ياخ شوفي المرايه اول ، جرتني للمرايه بالجد لمن ما عرفتا نفسي بقيت واقفه متنحه اول مرة ف حياتي كدا ، المهم جا ود خالها و ...

( في جانب عبير )

* هااا حبببي جاهز ؟

_افوت اي حاجة الا العرس داا

*اشمعنئ ؟

_ياخ لمن تكوني عارغه بطلي استهباال

*ياخ عايزة اسمع منك يا معاذ

_ياخ لاني لمن اجي اتقدم ليكي ع الاقل سبب مقنع لاحمد اني شفتك هنا

*يا رووووحي ياخ انت متمسك بي للدرجة دي ؟

_ياداب بتسألي يا عبير ؟

*معاذ والله انت م حتتخيل كميةالفرح الجواي بس جاريني انا كدا بكون مبسوطة

_ يا ريتني اقدر ابسطك دايماً

*بتقدر يا روحي

_يلا عشان متشوق اشوفك ، ختطلعو متين ؟

*انا جاهزة و طرحتي في يدي

_احمد جاييكم ؟ّ

*لا احمد سايق مرتو واهلها ، انا و امي بنمش مع مؤيد اخوي

_خلاص انا سايق بوصل باقي الشله حنكون في الصاله قدامكم

*خلي بالك من نفسك حبيبي

_وانتي كمان يا قلبي ..

اما انحنا كنا مدورين شكله ، انا وسلمى ، انا دايرة اللبس طرحه وهي رافصه و ما كانت جايبه لي طرحه فا ماكان عندي حل غير طرحه العبايه و ما جاية مع الفستان ، لمن الكوفيرة شافتني مصممة ادتني طرحه شيفون كدا ، ختيتا و طلعنا ، ركبنا العربيه و اتحركنا ، نص ساعه بالضبط و وصلنا .. قبل ندخل قلت لسلمى بصراحه في حاجة محيراني ، قالت لي شنو ؟

قلت ليها سايبه اهلك و بنات اهلك و مضيعه زمنك معاي انا ؟ شاركتيني فرحك و خليتي ناس حياتك البتعرفيهم قبلي ، سكتت

تاني قالت لي فعلاً غريبه ، بس ما عارفه انا حبيتك بالجد و بنات اهلي البتشوفيهم ديل كاهم صور ، اااي حولي ناس لكن احساس الوحدة موجود ، المهم يا علياء انتي اختي بالجد ما كلام قلتو في لحظة سعادة ، لا انتي فعلاً اختي و بحبك شديد و مبسوطة بيكي زي الاكتشفت انك اختي و كنتي ضايعه مننا ، و بما اني الاكبر منك انا الحخلي بالي عليك بأذن الله .. عيوني رقرقو ، حبوبة لمن كانت بعلفيتا كانت بتقول بتلف الغرطاس و بتقول لي الوش الفوق دا حقنا احنا و عشناهو و كل م تنزلي تحت دا خال الدنيا رغم انها بتضيق كل نا الوقت بمش الا انه ربنا بيوقف جمبك ناس ، و انتي من الناس الكانت بتقصدهم لي حبوبة .. ضمتني كدا و قالت لي يلا ندخل ..

انا حسيت بي رهبه صوت عالي و اضاءة وناس اتوترتا شديد ، بس مسكتا فيها و دخلنا و ماشه وراها بس لانو هي بتعرف الناس انا م بعرفهم ، قلت ليها شوفي م تخليني براي بس معاكي ف اي مكان ، م بحب اكون براي في حته غريبه ،، قالت لي سمح

و تسلم جاي ، و تهظر جاي ، لافين لف في الصاله .. فجأة بعد جينا نقعد بقت تصرخ من شافت وحدة ، حضنتا و سلمت عليها ، و انا واقفه طبعاً انتو متخيلين منظري .. سلمى مسكتني من يدي قالت لي عايزة اعرفك على اطيب انسانه ممكن تقابلك دي تقعدي معاها تموتي بالضحك ، دي الطف والذ بت ممكن تقابلك من معارفي ، لقيت نفسي ببتسم و بمد ليها يدي ، قالت لي انا #عبير ما بقرب لي سلمى بس بينا نسب مع عيلتهم و معرفه كدا ، قلت ليها و انا علياء ، نطت سلمى قالت ليها علياء اختي و صحبتي ،، قالت لي من متين يختي بقت عندك اخت ، و بالجد هزار و ضحك و ونسه لو ما جيت كنت حأندم ..فجاه العرسان جو والناس جاطت كدا ، و جا وقت شغلو موسيقى كلاسيك هاديه كدا ، جابو لينا كيك ( جاتو) و بارد ..

سلمى و عبير قالو نقعد هناك ، و شيلو صحانتكم و انا بس على امشي ، شلت صحني و ماشه ، عشان نمر كانت في زحمة بنات ، و المكان دا تحديدا منو و الباب يعني ف الطاولات القدام ،

عبير و سلمى مرو ، لمن جا في دوري في وحدة بتضحك ولا شنو ما عارفه رجعت علي وانا وراها و الكيك كلو جا في الفستان حقها ، حاولت انبها ما لحقتا ، و اتلفتت علي وانا ماسكة الكيك ، و من غير م تفهم دفرتني وقعت علي ضهري في الطاوله الوراي ، من الخلعه بقيت برجف و بعاين بس ، الناس دي ف لحظة اتلمت و ف الطاوله الوقعت فيها في مرة كبيرة ، قومتني ، قالت لي بسم الله قومي قومي ، كل دا فاكرني اترتعتا ، و ما اكتفت بكدااا ، لسه بقوليها يا رغدة ، قالت لي بلا رغدة بلا زفت ، انتي الله يحرقك ، قاعده لي زي القدر في حياتي في كل مكان بقيتي تطلع

ي لي ، انت الجايبك هنا شنوو ( ب اعلا حسها والناس دي كلها سامعه لانو الموسيقي هادية واستراحه ) قالت لي اول مرة في حياتي اشوف خدامة بتجي عرس اسيادها دي كان موضه جديده ما بعرف ،، هنا ياداب عبير و سلمى انتبهو لي اني ما وراهم مع الجوطة ، جو جارين الاتنين و بقت تقول في شنو. ، انا حرقني الكلام

قلت ليها انا م ح ارد ، لسبب واحد وهو ان لا العروسه ولا العريس ليهم زنب تحصل مشكله في ليله زي دي .. بس مدت يدها بي لذه قالت لي لا اتكلمي دي اخرتها جربوعه زيك تغلط و تقل ادبها ، سلمى قالت ليها لمي يدك عليك يا رغد عيب كلامك دا ، قالت ليها سلمى اطلعي منها ما كلو بسببك بتتلصقي في الوسخ ،، جا وليد و معاهو الراجل الوقفني في الشارع يوم الكسرة و اتنين تانين ، وليد قاليها رغد دا شنو ؟

قالت ليهو شنو شنو الحيوانه دي تغلط و كمان تهدد وحدة وسخه م تسوى تعريفه ، قلت ليها انتي بتحاولي تستفزيني و انا ساكته احتراما لحاجات كتيرة م تحاولي تختبري صبري .....

يتبع....