زوجة لسبعة أيام

الجزء 62

لحد اخر لحظة ما كانت في حاجة ممكن تتقال ، غير ياهو اتعشينا انحنا التلاته و خالتو ام احمد كانت معشية حبوبة ،، كنت قاعده و ماسكة راسي حاسه بيهو تقيل و مشتتة ، لحد ما مشيت سريري و رقدتاا ، تاني قمت مشيت اتوضيت وصليت ، و قررتا انوم من غير تفكير ، من ختيت راسي في المخدة ، لقيت الدنيا بترجع بي تاني للمواقف و التفكير ، لحد م نمته ..

صحيت الصباح بخبيط الباب ، قمتا مخلوعه ، مشيت فتحتا الباب ، لقيتا عبير ، قلت ليها :

*في شنو بسم الله !

_انتي المخلوعه مالك !

*خلعني خبيط الباب كان شديد زي الفي مصيبة حاصلة !

_بري والله خبطتا براحة

*ما بعرف نالي زاتي زي الكنت شايفه كابوس وجا على صوت الباب عشان كدا ..

_نمتي كتير الليله عشان كدا خبطتا !

*ليه الساعه كم؟

_2:39 ، م ملاحظة حبوبة مافي !

*سجمي وينا حبوبة بسم الله !

_انتي الليلة ررايحة ليكي خلعة. ولا الحاصل شنو ! حتكون ضاعت يعني يا علياء ولا وقعت في الشارع !، مع امي برااا في البرندة التحت..

*والله ما عارفه مالي يا عبير، كدي اخش الحمام واجي ..

_طييب انزلي طوالي عشان سلمى دي جاتك

* قولي والله سلووووومة ، طيب هوا اسي بخلص ..

_اكيد بتخلصي بما انه فيها سلمى ههههه

*ههههه

_يلااا ..

( في جانب رحاب )

* ناديتني يا ابوي ؟

_عايزة تعملي شنو ؟

*كيف يعني يا ابوي ! دايرة اقعد !

_تقعدي في النار ، سؤال و ابقي مرة تكذبي الليلة ...

ام رحاب : بسم الله في شنو يا حاج ؟

ابو رحاب : انتي تسكتي خالص فاهمه ولا ما فاهمه ولو حيكون في سبب لي طلاقك حتكون بتك دي و عدم تربيتك ليها جايبة لينا الفضايح ،، اسمعي هناااا! سايبة بيت راجلك و جيتي اترزعتي معانا هنا ليه ؟

* ععع عع عشان انا حامل يا ابوي ! وهو قالي اقعدي عند اهلك الشهور الاولى دي ، انا طبعي بقى كعب ، و شكلو وحم 24 ساعه متناقرين انا واحمد .. ببب بس !

_طيب جيبي تلفونك دا قريب ، و اتصلي على احمد اسي و خلي السماعه الخارجية فاتحه ..* ببب بب بس يا ابوي ، قبل شوية كنت بتكلم معاهو كان داير ينوم ، ليه انت عايزو في شنو ؟

_رحاب انا لحد اسي ماسك اعصابي ، اعملي البقولو ليكي

*ططط ططيب لحظة اجيب تلفوني !