زوجة لسبعة أيام

الجزء 29

قالت ليهو العفو ست البنات ..

قاليها رحاب ، قومي اطلعي للناس ديل برا شويه من جيتي و انتي قاعده هنا ! قالت ليهو عايزة اعمل تلفون و بجي ،قاليها تلفوناتك دي م بتخلص انتي ، قالت ليهو تتزكر الخدامة القلت ليك عاوزاها !

قاليها ما نسيت الموضوع سلعي اني اشوف ليكي وحدة كويسه ، قالت ليهو لا انا لقيتا اسي عايزة اتصل بخصوصها ،قاليها تمام قدامك خمسه دقايق و تطلعي برا لانو كدا عيب ع الاقل عشان خاطري انا ، قالت ليهو اكيد حبيبي ... بعدها اتصلت بي رغد..

*الوووووو واي واي رغد حصليني

_مالك ؟

*عبير

_عبير منو !

*اخت احمد ياخ يعني حتكون عبير منو !

_اااا مالها ؟

*اتخيلي بس ،تتذكري معاذ القرض دااك صاحب احمد ياخ البركب عربيه حمرا ..

_حي انا مالو ؟

*حتتصدمي يا رغد اتخيلي حالياً قاعد برا ثع اهلو وخطبو عبير انتي متخيله عبيييييير الما بتشبه البنات السمينة دي وااي يا فشفاشي .

_لالالاا مستحيل واااي ما بصدق يا رحاب ، كتبتو كتبتو ماف زول عاقل بيعمل كدا ووبعلي وبعلي يا ربي اتعمى ود الناس يقرف ذوووقو المعفن عامل عيونو السمحه دي ..

*ما عرفتك بتشتمي و لا بتنبرشي فيهو !

_كلووو كلوووو ، صحي تعال اسالك انا من حقي يجيني ضغط بسبب خطوبه عبير من واحد زي دااا ، لكن انتي مالك ؟ احمد دا نسيتي زمان ، منوالما اتكسرت فيهو !

*دايرة الصراحه يختي !

_هاه

*انحنا بتكسرنا العربات ، وعلي حسب نوع العربيه بيكون سيدها مز

_نضمتي يختي عاد لكن يا عبير عريس السرور حي يا فشفاشي ، تعال نسألك يختي وينا قشرانه دي انا قلبي لسه ما برد ،

*زكرتيني كدي اقفلي دايرة اتصل عليها

_ياداب يا رحاب ، صحي ما مبتهمك ، اسي لو كانت كاسرة رقبتك كان جبتيها ..

*ياخ اسكتي عليك الله ،اقفلي اقفلي

_تمام ...

بعدها طوالي اتصلت علي (اناا )

_السلام عليكم

*وعليكم السلام

_علياء معاي ؟

*ايوة انا علياء

_ازيك حبيبتي كيفك ؟

*الحمدلله

_ما سألتي انا منو ؟ّّ

*انتي المتصله يبقى اكيد انتي الحتقولي من نفسك انتي منو !