زوجة لسبعة أيام

الجزء 38

*ف امان الله حبيبي ..

( في جانب رحاب)

*يا الله ....

_مافي حاجة قلت ليك يا احمد قوم غير ..

*كيف مافي حاجة ودموعك ديل عشرة عشرة ، وريني طيب يا رحاب ريحي قلبي ياخ ، في شنو انا عملتا حاجة زعلتك ؟

_لا يا احمد انا الزعلانة من نفسي و بستاهل الموووت ... (خت يدو في خشمها و ضماها عليهو ، و قاليها ..

*بعد الشر بعد الشر يا روحي ، خلاص رووقي يااخ ، معقول تقولي كلام زي دا يا عويرة ،يعني ما فكرتي فيني ولا في ولدنا ! لو لا قدر الله حصل ليكي حاجة انا اقبل وين واقول يا منو بعدين ؟

_احمممممممممد ااااااخ يا الله ، عليك الله م تتعامل معاي بالطريقه دي والله بموت بتقطع من جواااا ، ما تتعامل معاي بالحب دا و الطيبه دي يا احمد انا بكره نفسي زيادة ،، ااااه يا قلبي اااخ اااخ ...

*اسم الله عليكي ، بسم الله بسم الله اهدئ خلاص خلاص م خصل حاجة قولي بسم الله ، بس لو اعرف انتي حاسه بشنو ولا مالك انا ح ارتاح .. م تزحي خليكي خليكي اتطمني مافي حاجة حتحصل ليكي طول ما انا جمبك يا روحي ،قولي بسم الله ..

_انا دايرة اقوم يا احمد ..

*خليكي هنا خلي راسك في صدرك محتاج اقرأ ليكي شوية ..

_لالالااا تتت تتت تقرااا لي ششنو لالاا ما دايرة فكني فكني ..

*ي روحي بسم الله دا قرآن عادي حيرحك و ممكن تنومي مرتاحة ..

_لالام دايرة يا احمد خليني ، زح زح ..

*طيب حخليكي ، رووقي روقي ، اقعدي عايز اتكلم معاكي ..

_ما اسي ما اسي ، دايرة انوم شوية بس خلبني اسي يا احمد ..

*طيب اكلتي حاجة ؟

_....ّ.......**مشت غرفة النوم وقفلت الباب وراها ..

اما انا ، جبت الكرسي و مصاقرة سرير حبوبة عيني ما غفلت ثانية واحدة ،وسلمى حلفت ما تمشي و تخليني ، انا قاعدة و هي قاعده جمبي بتتكلم تلفون .. بعد خلصت قلت ليها :

*سلمى الوقت ماشي يتأخر قومي امشي بيتكم بعد دا ،،

_والله ما بمش عويرة انتي ولا شنو !

*يا سلمى انتي ما قصرتي في حاجة و وقغتك انتي و وليد جميل ما حنساهو ابدا ، بس بيتي م مهيأة ل انو يستقبلك لو سمحتي امشي ، امك زاتا بتكون قلقت عليكي ..

_علياء ، انا كلمت امي و وليد و عارفني هنا و انا ما حأمشي من هنا بايته معاكي لحد م حبوبة تصحى و نتطمن عليها ..

*سلمى انا مافيني طاقة للجداال عليكي الله قومي امشي اهلك يا بت الناس ..

_ما عندك طاقة دي من الجوع والله وانتي ما اكلتي حاجة اكيد..

*ما دايرة حاجة انا ..

_انا طلبت اكل اسي بجي خلبنا نتعشى بطلب عناد ، انا جعانه وحابة اكل معاكي ..

*طيب حاضر ، بس وليد ليه اتأخر قالي بعد العشاء بجيب العلاج..

_والله ما بعرف الا اتصل عليهو ّ

*لا خليهو ما تكلفي عليهو انا بمشي اجيبو بس الواطه تصبح ، انا بس سألتك عسان هو براهو قال حيجيب ..

_طيب انتي اسي اتحسستي مالك ! الموضوع عادي يا علياء ..

*عارفه ما اتحسستا يا سلمى ..

_اهاااا شفتي شكلوو جا الباب بيخبط دقايق حأطلع ليهو انا ..

*طيب ..

( في جانب احمد )

_احمد دا شنووووو

*اششششش استرخي بس

_اقفلو يا احمد لو سمحته ..

*رحاب انتي قصتك شنو دا ! دا قرآن كلنا يمنا عليهو . و ذوم تضيق بينا الدنيا بيكون ملجأنا الوحيد ، ليه انتي ما دايراني اقرا ليكي و لا حتى اشغلو ليكي ..

_خليني براحتي القصه ما غصب ..

*!! متعجب فيكي صراحه

_انا اسفه يا احمد بس انا حابة لفعد براي و انت ما دابر تديني المساحه دي !

*لا ، لاني مسؤل عن ضحكتك و عن بكاكي يا رحاب ، و كون اديكي ضهري و انتي بالحاله دي ، مستحيل ، انا فايدتي شنو ؟

_يا احمد ........

*عيون احمد ياخ ، ياخ ريحي قلبي بس و وريني مالك ، شايله هم شنو ! محتاجة شنو ! ولا دا الحمل موترك ، وريني عشان اقدر اساعدك يا قلبي !

_شكلو فعلا الحمل موترني ..

*انا ججمبك و ما حخليكي لا انتي ولا الفي بطنكك .. و حوديكي لاحسن و افضل الدكاترة المتخصصين ، عشان تطمني قلبك وترتاحي ..

_لو لا قدر الله حصلت حاجة للفي بطني حتضايق صح ، لانو صراحه حبك لي زاد مع حملي !

*لا يا رحاب ،حبي ليكي ظهر مع حملك بس حبي موجود ، تاني حاجة تفي من خشمك و ما بيحصل اكتر من الربنا كاتبو ، و بعدين اهم حاجة صحتك انتي تكون بخير الطفل بيجي تاني لكن انتي لا ..عشان كداا طمني قلبك ..

_احممممد ........*بتبكي

*يا بت الناس انتي بس تبكي احترت معاكي ، طيب روقي روقي خلاص ،، بكايه لقيتك ..

_احمد اناااا اناااااا ...

*اشششش خلاص بطلي كلامي ارتاحي ، ارتاحي لحد م اجيب ليكي حاجة تاكليها شكلك غدا م اتغديتي من قبيل ..

_ط ططيب ..بس دايرة منك طلب ..

*اامر يا روحي اامري

_دايرة شريحه جديدة ..

*بسسس كدا !!حاضر بكرة تكون عندك بأذن الله ...

يتبع.....