لا حول ولاقوة الا بالله ...
رحاب لبست عبايتا و طرحتا ، و طالعه جمب الباب ، وقفها ، قاليها : الفي بطنك دا ولد منو ؟ قالت ليهو ولدك ..
قاليها ، يصعب اخليكي تمسكي المصحف بي يدك وانت نجسة ولو استحميتي بموية زمرم حتفضلي نجسة في نظري ، عشان كدا م حأحلفك مصحف ، في طب متطور والحمدلله و من خلال الطب انا حأعرف اذا دا ولدي ولالا ... و لحد زمن ولادتك حتفضلي في ذمتي بس عشان الفي بطنك و غصباً عنك انا حأشيلو واربيهوو ، و لحد الوقت داك انتي طالق تلاته ...
شيلي حاجاتك وامشي اهلك ، و ياريت ما اشوفك لحد الوقت داااك و ابقى مرة شوفي عذر ولا كلام قولي لأهلك يبرر وجودك معاهم ، اتفضلي اتخارجي .....
مشت و عينها في الارض ...
ياخ ليه الزول يوصل نفسه للمرحلة دي و للمستوى دا ! انا وقتها كنت شايفه ان تصرف احمد مثالي جدا و ما كنت قادرة افهمو ،وحتى لو الولد دا ولدووو ما اظن من حواهو يقبل بيهو ، بس في النهاية دا طفل بريئ م ليهو اي ذنب ...
طبعاً الكلام في الوقت دا م كان مناسب ، و وضع احمد كان مخيف شديد و ما مفهوم ، مدمر حرفياً ... ّ
بعد رحاب طلعت بي تلاته ساعات جا غرفتنا ، شايل اكل ( اتخيلو)
قالي اكيد م اكلتو حاجة من حيتو اعفو لي ، وسلم على حبوبة ، و قالي وهو عينو ف الارض ،، اجهزو بعد تاكلوو ...
سكتا ، شلت الاكل قعدت ااكل في حبوبة ، واكل معاها ...
(في حانب احمد )
*ايوة يا غاليه
_صوتك مالو ؟
*مالي ؟
_ما طببعي يا احمد انا ما بعرفك ؟
*بتعرفيني اكيد يا امي بس عندي مشكله في الشغل و بتتحلا ان شاءالله ..
_ان شاءالله ، رحاب كيف مع الحمل ؟
*امي ، عايز منك طلب و م تدققي معاي حالياً بي لقدام ممكن نتكلم ممكن ؟
_اتكلم يا احمد في شنو وترتني !
*تتزكري البت الجبتها تنضف لي رحاب ؟
_اكيد ! كنا معاها امبارح
*المهم ، انا جبتها هي وحبوبتا و وفرت ليهم غرفة المخزن قلت اساعدا ورحاب محتاجة مساعده .
_والله يا ولدي مرتك دي خمجانة ساي ، علياء دي اصغر منها و بتنضف براك مدلعا ، بس عسان نصيب البت م تقطعو ..
*يا امي دا ما وقت الكلام دا الله يرضى عليكي ، المهم بعد جبتهم ، والدة رحاب اصرت رحاب تمشي تقعد معاها لحد وقت الوضوع و اسي البت و حبوبتا اصبخو قاعدين معاي و ما بينفع بت تقعد معاي كدا وحبوبتا جليسه ..
_صح كلامك يا ولدي !
*اجيبهم عندك ؟
_جيبهم اااي طوااالي ، بس هي ح تقبل ؟
*ان شاءالله .. يلا طيب
_غايتو عبير حتفرح لانه بتحبها ..
*اي بنات زي بعض ..
_يلا طيب ولو بقيتو جاين اعمل لي رنة ..
*طيب ...
....(( نحنا المن دواعي الغفلة ، سمينا الحقيقه مصيبة ))....
( في جانب رحاب)
_يا بت اتكلمي في شنو ! من جيتي بتبكي و تجعري. قولي ، احمد شاكلك ؟
*لا
_طيب مالك في شنووو ، اتكلمي عشان ما اكلم ابوكي يمش ليهو ويفهم منه اخير تتكلمي انتي ، عشان لو غلطتي ولا قصرتي انتي عارفه ابوكي.
*لالالا ابوووي لا ، عليكي الله يا امي ابوي لا ..
_طيب في شنو وريني !
*اتناقشتا مع احمد بس و انا الغلطانه و جيت قلت اغير جو معاكم ..
_جيتي من غير علمو ؟
*لا طبعاً هو الوصلني لحد البيت و مشى قال عنده مشاوير ..
_طيب راضي راجلك قبل ابوك يشم خبر ..
*امي انا م حملت و م طايقه احمد الشحمة والنار كأن وحمي عدم شوفتو عشان كدا حقعد لحد م الد بالسلاااامة ...
_بتهظري ! المصيبه انتي بتي وانا فاهماكي كويي ، ي بت انتي ما صدقتذ ريحتي راسك و عرستي و ف مل زيارة كنتي بتجيني فيها ما بتقعدي معاي ساعه ، لمن تجي تقعدي معاي باقي شهورك ، عايزاني اصدقك !
*امي خلفتك تخليني اسي عليكي الله انا تعبانة والله تعبانه خليني حلفتك ...
_طيب ي رحاب خليتك ....
في الحلقات الجاية
*ما فهمته !
_عارف الحأقولو دا غريب شويه بس م لقيت زول غيرك قدامي !
*فعلا غريب ، بس خليت بنات اهلك كلهم وجيتني انا !
_ايوة ، لاني بثق فيكي ، وحتى ثقتي دي حتكون غريبه بالنسبه ليكي بس فعلاً انا بثق فيكي و انتي الوحيدة العارفه الحقيقه ، عشان كدااا ، كلها #سبعة_أيام ..
*ما عارفه اقوليك شنو ..
_وافقي يا علياء ...
يتبع.....
أنت تقرأ
زوجة لسبعة أيام
Ficción General📝 بقلم: سحر سمير (حقيقية) .. في حاجات بتحصل من نقوم نلقاها قدامنا و بتحدد مسار حياتنا الجاية كلها ، حاجات انحنا ما اخترناها لكن اتفرضت علينا ، زي امك منو ؟ و ابوك منو ؟ اخوك منو ؟ اختك منو ؟ ... بس في حاجات تانيه برضو بتحدد مسار حياتنا و دي بتكون ا...