زوجة لسبعة أيام

الجزء 43

لقيت نفسي بقول ليهو #ايمن !!!!!

حاول يزح نظره عني !

اخد نفس و سكت ، قالي اهلاً وسهلاً ، انت ساكن هنا ولاشنو ؟

قلت ليهو ايوة البيت كامل حقي ، بس انت ششنو ال ** قاطعني و قالي مستعجل نتكلم مرة تانيه اسي امي عيانه وناس البيت قالو لي احصلاا ... وفات ..

احمد كان مستغرب ، يعني ااي في صدف بتحصل بس ما للدرجة دي ، احمد كان بيسأل نفسه ! يا ربي ايمن دا قريب منو من الناس ديل !!

اتجاوز الموقف ، لانه في النهاية مافي حاجة بتدفعو للتفكير الكتير في حاجة ما بتخصو ، مشى على باب بيتو ، و دخل بالمفتاح ، مع دخلتو لقا رحاب طالعه من الحمام ملفوفه بالبشكير و ماشة على غرفة النوم ، مشى هو كمان على غرفة النوم ..

*حبيبتي ، كيف امسيتي ؟

_اااا اا احمممد ! احمد ججيت متين ؟

* جيت قبل شوية مالك مخلوعه كدا !

"_لالالا مم مافي حاجة بس سألتا سااي

*طيب بطلي غلبة تعالي انشف ليكي شعرك ، عاملة زي الشفع شعرك م قادرة تعمليهو هههه ياخ انتي عارفه يا رحاب ، مرات بحسك بتي رغم ان الفرق بينا م كبير ومناسب جدا ، بس بحسك كدا ، بحس نفسي مسؤل عن سعادتك و عن فرحك و عن صحتك ، قدام ربنا و قدام نفسي و ....

_احمد فكني ..

*ليه مالك ما اكون معطتك بدون قصد ؟

_لالالا دايرة امشي احشي لي سندوتش ..

*تعالي اقعدي انا جبت ليكي سندرتظاتك البتحبيها اقعدي اكلي انا حعمل العصير ..

_لالا انا بعملوو ..

*لا ي عمري انتي ارتاحي .. ااااا رحاب !

ريحة الخمرا دي جاية من وين ! انتي م بتحبيها ، يعني من اتزوجتك دي اول مرة اشمها !

_ممم م م ممم شش شنو رر ريحة !! و وين دددي !

*في ريحة قريبه مني ! دا شنو ؟

_جيبو جيبو جيبو يا احمد

*دقيقه يا رحاب !

_احمد جيبو قلت ليك

*دقيييييقه قلت ليكككككي !

(في جانبي )

رقدتا و خلاص على نوم .. سمعت صوت تلفوني ، غريبه منو بيتصل لي في الوقت دا !

*الووووو..

_الوو ..

*منو ؟

_وليد معاكي يا علياء

*وليد!

_اي وليد ، بعتذر اني اتصلت عليكي في وقت زي داا ااسف ..

*ما مسكلة يا وليد ،اهلك كويسين ؟

_اي حمدلله

*طيب ااااا.....

_اي اي عارفك مستغربة من اتصالي في الوقت دا ، بس حبيت اتطمن على حبوبة بقت كيف ؟

*عملت زي ما قلتا لي ، حمدلله رجعت احسن بكتير و اسي نايمة ..

_طيب حمدلله ..

*حمدلله..

_طيب انا حصلت لي ظروف في الصيدلية ما قدرتا اجي بتمنى تكوتي اتصرفتي !

*حمدلله اتصرفتا ولقيت علبة الحبوب واقعه تحت السرير و ما منتبهين ليها ..

_الحمدلله حمدلله ..

*اي حمدلله

_طيب اخليكي تنومي ، تصبحي على خير ..

*وانت من اهل الخير ..

الزول دا ما براهو ، يعني ما طبيعي ، يا اما في حاجة اكبر منه و من طاقتو ، انا حالياً متأكده ان الاتكلمت مااهو دا ، ياهو وليد البعرفو ، لكن فجأة بحسو بيتحول ولا في شنو ماقادرة افهم ، لكن والله اتصالو دا بسطتني شديد يمكن عشان ما أتوقعتو نهائي

او عشان اول مرة احس اننا بشر و ممكن صحتنا وحياتنا تفرق مع زول ، فاا على كل حال انا مبسوطة للحاجة دي شديد ، و بقيت بفكر انا اسوي شنو في حياتي المقسومة نصين ، نص شغلي واكل عيشي ومصاريفنا انا وحبوبة.، والنص التاني رعاية حبوبة ،و مافي زول حيصرف علينا اكيد ، ااااخ يا رب اسوي شنوووو يا الله !

يا رب فرج قريب يا رب ..

( في جانب عبير)

*مالك يا غالية لحد اسي صاحية !

_المسلسل دا خطييييييير لازم تتفرجيهو يا عبير ، حيعجبك ..

*دا مش بتاع االبت البتجي تشتغل في الشركة بأسم وحدة تانية مع الود الغني و !

_بس ياهو ..

*اتفرجتا منو حلقة قبل كداا ، مش اسمووو الحب .. الحب .. شنووو ! جنون الحب تقريباً؟

_يا بت الاسم قدامك بتفكري في شنو ! هدا ليهو اسمو الحب لايفهم الكلام !

*هههههه والله ما شفتو ياخ ..

_الماخد عقلك ، اهااا معاذ عمل شنو ؟

*في شنو ؟

_امورو كيف ؟

*والله قال ماشي نية تجديد لكن تاني م قال شي ،و قال داير يقدم العرس عن السنة ، قال السنة بعيدة !

_اها وانتي رايك شنو ؟

*اكيد لا سنة زاتها حبة..

_ليه مالك ؟

*ماما انتي ماشايفه منظري كيف ! والله لمن بمشي جمبو لمن بخجل من نفسي ،كونو اتقبلني كدا يبقى دوري اعمل حاجة تليق بالمكانة الختاني فيها دي ، رغم انه ما حسسني بحاجة زي دي ، بس هو زيو زي اي راجل بيتمني حبيبتو وشريكة حياتو تكون حلوة وانيقة ...

_طيب دا الكلام الكنت بقولو ليكي اسي اقتنعتي ؟ّ

*انا اصلاً مقتنعه بس فاقدة الارادة محتاجة تشجيع ولقيتو و بكرة بأذن الله حأبدا حياه جديده ، ما شفتيني م اتعشيت ؟

_لاحظتا بس الجوع م بضعف عبورة ..

*عارفة بس بشوف نظام مناسب وامشي عليهو ...

_ربنا يقويكي ..

يتبع.....