يمكن كتار منكم جربو شعور الاستغفال ، ان زول شايفك كبير طول وعرض و يستسصغر عقلك وانت بتعاملو بطيب خاطر و حسن نيه عشان حاجات كتيرة اولها الاحترام و ثانيها الحب ..
بس لمن راجل يحس انه غبي ، و كان عايش حياة وحب وهمي ، هنا بالجد بكون وصل مرحلة و ردة الفعل بتختلف من زول لزول ..
كل العملو احمد في اللحظة دي ، انه شال رقم ايمن ، و صادف انه طلب رقم ايمن من السكرتيرة عشان احمد يتصل عليهو ويعرف ليه هو ما جا الشغل تاني و اتزكر يوم لاقلهو وقاليهو امي تعبانه ... شوفو فرق النوايا وفرق التربية وفرق الاشخاص ، سبحان الله في خلقه ...
شاال الرقم ، وبعد السكرتيرة طلعت ، شال الصور في جيبو وطلع ، طيب السؤال هنا ، ليهو هو رسل الصور دي كروت في حين انه كان اسهل ليهو يرسلا بالتلفون !
طلع احمد ، في هدوء ،ولسسة بيكذب نفسه ، و جا البيت وصادف المكالمة بين رحاب ورغدة ، والناس معادن سبحان الله .. قلت ليكم قبل كدا ان الكذبه دي مجرد تأجيل للحقيقه الحتظهر عاجلاً ام آجلاً ... *نرجع للاحداث ...
*افتحي البسورد يا رحاب !
_ممم مفتووح !
*رحاب ، بالهداوة افتحي البسورد !
(في اللحظة دي انا جيت اشيل موية لان التلاجة الفي الغرفة مفصوله ومافيها حاحة لسه و م كنت فاهمة حاجة بس عرفت ان في شي غلط ، حاولت اني ما اسمع في النهاية هم زوجين ولا بد من خلافات زي دي .. بس صوت احمد كان عالي )
_ططيب ( و تحمر لي)
كتب الرقم بتاع ايمن .. و عمل اتصال ، ظهر ليهو الاسم متسجل بي ايمو وقلب اخضر ..
*مسجله رقم السكرتبرة عندك والله ما شاءالله ..
_لالا انت بتتصل غلط يا احمد ، لللحطة ، لحظة يا احمد افصل المكالمة ارجوووك ..
*( بي كوراااك ) افصلا ليه هااااا خايفة من شنوووووو ، وريني ، ! انتي قايلاني غبي ولا هنا في قمبور ، ررررردي ..هاااااا (في اللحظة دي ايمن رد واحمد فتح الاسبيكر)..
_اقفل الخط يا احمد
ايمن : الو حبيبتي اها غيرتي رايك جاية ولا شنو ؟
_ !!!!!!!!!!!!!!!!!!!! اتخلعت وبقت مصدومة !
*مالك اتخلعتي !
*متوقعة مني شنو ! ااااا اضربك مثلاً ؟
ولا اكورك فيكي والجيران يسمعونا والم علينا الحلة كلها ، ولا متوقعة افضحك و اكرك كرررر من شعرك و اوديكي بيت اهلك ! متوقعة اني ممكن اسوي كدا ؟
ما خجلاااااانة من نفسك ، ما مستحية مني و واقفة قدامي بكل بجاحة و تعايني فيني زي كأني الغلطان في حقك ! ااااخ ااااخ ااااااااااخ عارفه انا الفي مكاني كان ممكن يقتلك شفتي اضبحك ضبح ومافي زول بقدر يسألني .. اسمعي هنا ! هو
سؤال واحد رغم ان كوّن راجل نفسي ما سامحة ان اسألك ليهو !
_طبعاً زي ما قالو خير وسيلة للدفاع هي الهجوم ، ولا ما كدا ؟
*انا ما قادر اصدق انك لسه بتحاولي تستصغري عقلي و تعامليني علي اني انسان جاهل و متخلف ، انا يمكن اكون كنت عميان طول الفترة الفاتت دي ، لكن تعرفي حاجة !
الكلام معاكي بيقرفني ،بحس اني قذرر ، بقرف من نفسي شديد ،كل ما اتزكر ان مرت ايام و انا كنت بنوم جمبك في السرير دا و علي نفس المخدة دي ، و انتي كنتي ........*قاطعتو
_حدددددددددك ، ا ووعك !
*وانتي وين كان حدك يا هانم ! لمن مشيتي و ..... ايوااه بمناسبة الفي بطنك دااا !
دا ولد منو فينا ......؟
_احمد ....
*بلا احمد بلا زفت ، اتحملتك فوق طاقتي عشان تبقي بني آدمة ، لكن الوسخ وسخ ..
ردي لي سريع الفي بطنك دا ولد منو يا ..
_احمممد والله انت فاهم غلط !
*لسه انتي بتحاول تستفزيني ، اقسم بالله يا رحاب لو ما انتي مرة وانا راجل انا كان مديت يدي وضبحتك ورميتك للكلاب ، لكن م اتربيت امد يدي على مرة ، وعشان تخجلي علي دمك هاكي شوفي الصور دي !
دا القميص الاحمر ابو خمرة يا مدام ! متزكراهو صح متزكراهووووووو **اداها كف ، زززحي من قدام وشي ، زززحي يا رحاب عشان ما ارتكب فيكي جريمة ، زززززحي ..
و انا واقفه ، بين البين ، صعبان علي احمد و الدنيا ختتو وين ! اصلي ما بنسى ضحكتو و فرحتو بي حمل مرتو ، مستحيل انسى البهجة والنور الكان في وشو .. هي دنيا يا ناس راجين منها شنو ! ّ
ليه عملتي كدا يا رحاب ، كسرتي ضهر اهلك و ضهر راجلك ، حرام عليكي ! حسبي الله ونعم الوكيل ، حسبي الله ...
يتبع...... (((( الحلقات الجديده ح تنزل بعد يومين عايزه اشوف اكبر تصويت على الحلقات الفاتت لانو التصويت لسه ضعيف ،، يلا اشوفكم ع خير))))
أنت تقرأ
زوجة لسبعة أيام
General Fiction📝 بقلم: سحر سمير (حقيقية) .. في حاجات بتحصل من نقوم نلقاها قدامنا و بتحدد مسار حياتنا الجاية كلها ، حاجات انحنا ما اخترناها لكن اتفرضت علينا ، زي امك منو ؟ و ابوك منو ؟ اخوك منو ؟ اختك منو ؟ ... بس في حاجات تانيه برضو بتحدد مسار حياتنا و دي بتكون ا...