زوجة لسبعة أيام

الجزء 07

اااااا احم ، بس انا اسمي احمد ما ايمن

وانتي عارفه اسمي كوييس م لدرجة تنطيهو و تناديني بأسم زول تاني ،ايمن دا منووو ؟؟

_ اايي ااييمن ! انا قلتا ايمن ، !

*خخلاص ولا يهمك اكون سمعت غلط م مشكلة ، يلا يلا قومي غيري و جهزي امورك اخدي راحتك ، انا طالع برا اعمل تلفون ،اخدي راحتك ..

_كك كووويس ... ّ

اما انا ، بس فجأة سمعت صوت مشي جاي من وراي ، اتلفتا لقيتو عم اسماعيل .....

قلت ليهو بتوتر كدا ، عع عم اسماعيل ! وينا خخالتو صفية بنادي فيها من قبيل ما ردت لي ولا لقيتها .. لقيتو بيقرب علي ، و انا راجعه ل ورا ، وهو بقرب و بقى عراقيهو ومافي حاجة تبشر بالخير ،كرهت نفسي لاني قبل كدا كنت حامر بالموقف دا والله لطف بي من عندو ، لسي كيف انا بالغباء دا يا الله ، استغفر الله .. جريت زغتا مشيت بالزقاق البمرقني على الباب ، و هو جا وراي ، كدا اتاكدت انه ناوي على شر ، يلت ليهو زح مني داير شنو انت .. لمن وصلتا الباب لقيتو قفلوو ، و بهز ف الباب حلف كان يفتح لي ،قلت ليهو افتح الباب دا انت راجل قدر ابوي ما بتخجل علي دمك ،افتح عشان ما اكورك و الم الجيران ..بس لمن حاول يقرب مني و عايز يلمسني ، كانت في حديده رقيقه حقت ستاير مركونة ،قلت ليهم عم اسماعيل انا بحذرك ما تهبشني ، قالي لو جيتي بالذوق مالووو ، تعالي لي و انا بدفع ليكي بدل تتمرنطي و تطلعي و تخدمي بي الناس ، احسن ليكي انا واصلا ما عندك ولي يحاسبك علي سكة مشيتي فيهاااا اها قلتي شنو ؟

و غير كدا من اول مرة شفتك فيها خاتيك في راسي و عاجباني بت حلوة و صغيرة ..

قلت ليهو طيب موافقه ، زح كدا نتفاهم ،، قالي كنت عارف انك حتوافقي ، قلت ليهو فعلاً بس ارجع كداا ، قالي تمام الدايراهو ، بس مديت يدي علي الحديدة بسرعه و خبط اديتو في جمبتو اليمين و التانيه في راسو ، قلت ليهو شايف دمك دا انا بصفي ليك هنا ، حأعد لمن 5 تفتح الباب داا ..

قالي طيب طيب و حسيتو زي الدايخ وماسك جمبتو انا ضربتا بخوف و ما بقوتي بس جرحتو في جبهتو ، بفتح لي في الباب ، اترتع لي ورا ، لذيتو وجريت طلعتا جري علي الشارع ، مهروله وراي ما حاولتا اشوف ولا اعاين حتى ..

طلعت المفتاح من شنطتي ، فتحت الباب وقفتا مسافه اخدت نفسي و هديت ، و دخلت لي حبوبة ، لقيتا نايمة ، دخلت استحميت و غسلتا عبايتي و شريتا في الحبل ، مشيت صحيت حبوبا ، عملت ليها القطرة و رجعت نامت تاني .. و بقيت قاعدة براي ، بالجد حاسه الدنيا ضاقت بي شديد و اتمنيت الموت ، ما عندي حاجة حلوة كل حاجة بتحصل لي كعبه و ما معقول انا بنت و اظيل مسؤليتي و مسؤليه حبوبة امنيتي يكون عندي ام و لا اب يقول لي يا علياء هاكي مصروفك ، نفسي يكون عندي ضهر على الاقل اتسند عليهو ،، يا رد تسامحني و تغفر لي يا رب ، حمدلله على كل حاال حمدلله ..

اليوم دا ، فات على خير ..

تاني يوم الصباح ، عندي كيس شعيريه ، و بيضتين ، سلقتهم و عملت الشعيرية ، و فطرت حبوبه ، و لبست عبايتي ، بعد دايرة امرق على الصيدلية ، اتزكرتا قالي اتصل قبل امشي .. شلت تلفوني (ربيكا) و طلعت الورقه من الشنطة ، دخلت الارقام ، ما عارفه غلط ولا شنو ، حاولتا اكتر من مرة و انا الارقام بعرف لحد 15، حاولتا اخر مرة ، م دخل معاي ، قلت توكلت عليك يا الله ،، طلعتا ، مشيت دغري على الصيدلية ...

( في جانب تاني)

*اتا حتفضل ماسك لي راسك دا كدا لحد بتين ، و قت ما قدر الوقيع ما تعاين قدامك

_صفيه اطلعي من راسي براي مصدع

*اها راسك عرفناهو ، ماسك جمبتك مالك ؟

_استغفر الله العظظظيم يا مرة عليييييك الله خليني في حالي براي الفيني مكفيني

*ما الفيك دا انا دااايرة اعرفووووو

_قلتا ليكي وقعتا جمب الحمام اعيدو ليك كم مرة الكلام دااا

*سمح دا جزاي دايرة اطمن عليك

_اطمني وانطمي

........

دخلت الصيدليه ، لقيت بتين واقفات ،ريحتهم ماليه الصيدليه ، و لقيت لي زول تاني واقف غير بتاع امسس ، اترددتا و حاولت استحضر اسمو كان قالي وائل و لا وليد ، و ما عارفه زي الفيني حاجة غريبه من دخلت بعاينو فيني زي الحاجة الغلط ..

قويت قلبي و قربتا ، وكنت جمب البتين ديل ، قلت ليهو ، لو سمحت دايرة استاذ وليد ،، وحدة فيهم فقعت الضحكة قالت لي صحبتا قالت استاذ و هي واقفه في صيدل يه اتخيلي بس مستوى الجهل .. عاينت ليها و سكتا ، لكن حسيت البت التانيه متضايقه كدا حتى ما جاملت الاتريقت علي دي وضحكت ليها ساي .. بس واقفه و تعاين فيني ..

كررت سؤالي تاني للواقف ، قلت ليهو لو سمحت بسأل عن وليد ..

قالي شوية و حيجي ، قلت ليهو ممكن انتطرو ؟ قالي طيب دايرة شنوو انتي وريني انا برضو شغال هنا ، قلت ليهو انا اسفه بفضل انتظرووو ..

قامت البت المتضايقه دي ، قالت لي اسمو دكتور وليد خلي عندك اسلوب ، ولا حتي رفعت راسي عاينت ليها زحيت بعيد و وقفتا ، الجمبها قالت ليها م تكوني غرتي بس ، قالت ليها انتي حيوانه ولا شنو اغير من الجربوعه دي ...

صراحه وقتها اكتشفت ان الدنيا دي فيها و فيها كل

زول ف الدنيا عندو اهتماماتو و نظرتو ، و ناس ما شايله هم اساساً ، زذ البت دذ نظرتا سطحيه ، بتعاين لي بمنظور انا اصلا ما كنت شايفاهو ، الزي ديل اقصى اهتماماتهم الشكل و البرستيج و مابشوفو زول احسن منهم ، حتى الوضعو تعبان بجرحو و ما بيراعو لي وضعو ولا للزول دا يا ربي هو عانا و تعب قدر شنووو !!!

فعلاً الدنيا دي فيها و فيها سبحان الله ...

يتبع.....