زوجة لسبعة أيام

الجزء 50

_حبوبة بقت كيف ؟

*كويسه حمدلله ..

_انتي برا في مشوار ولا شنو ؟

*لا والله

_غشيتك بعد الجامعه م لقيت زول

*اااي انا برا البيت

_طيب بعد المغرب بخلي وليد يجيبني

*م حتلقيني يا سلمى ، بس نتلاقى واحكي ليكي كل حاجة ..

_في شنو ، انتي وين ؟ّ

*يا بت مالك قلقتي كدا ،مافي اي حاجة

_طيب المهم انكم بخير اكيد ؟

*ايوة بخير حمدلله

_طيب يلاا لمن تجي البيت اديني تلفون ّ

*تمام

_خلي بالك من نفسك

*حاضر وانتي كمان ...

( في جانب رحاب)

_اوووه رحاب عديل كداااا متصلة علي ؟

*على اساس انا ما قعد اتصل بيكي ؟

_انتي ادرى والله ما بعرفك مالك ، ادخلي واتسابك شوفي رسايلي مردومة قدر شنو !

*معليش عارفة نفسي متلومة ..

_عادي يا قلبي ..

*الحمل منفسن بي ..

_حمل !! رخاب انتي حامل ؟

*ايوة

_وليه ما وريتيني

*اسي وريتك

_يالله حمدلله ، ربنا يتمو ليكي على خير يا رب تستاهلي والله ..

*رغدة ! ما عارفه لهجتك متغيرة !

_ليه في شنو ؟

*ما بعرف بس ما انتي ، متغيرة كدا زي البت الطيبانه بي زياادة كدااا ..

_ههههه لا انا زي ما انا ..

_طيب ي ستي انا متصله بيكي عندي ليكي مفاجأة و خبر بمليون جنيه .. ( من هنا احمد فتح باب الشارع و كان شايف رحاب بتتكلم و مندمجة و م جايبة خبر ، وكان واقف بيسمع مكالمتها) ..

_مفاجأة لي انا ! والله محتاجة مفاجأة فعلااً..

*ليه مالك ؟

_مافي حاجة قولي مفاجأتك ..

*تدفعي كم واقوليكي ؟

_ياخ حرقتي روحي قولي !

*اكيد متزكرة علياء البت الخدامة ! الكنتي دايرة تنتقمي منها !

_مالها ؟

*متزكرة خطتنا عن انو نجيبا تشتغل عندي و تجلديها بالذووق ؟

_ايوة

*اسي جات لحد عندي براهاا هي وحبوبتا مجدوعين في غرفة المخزن ، بعد دا دورك ، العبي بيها كورة هههههههه

_وانتي مالك دايرة تنتقمي منها م تكون قربت من احمد ؟

*تقرب من احمد هاهاهاها احمد دا بقى زي الخاتم في اصابعيني م بقدر يعاين لي وحدة جربانه زيها ، لكن مستني ، وانا دايرة انتقم منها براااااحه ..

_طيب يا رحاب ، انا حالياً علياء م بتفرق معاي ولا دايرة ااذيها ولا ااذي غيرها ، ربنا يصاح حالها وين م تروح و كان جينا للجد البت م غلطت على وحدة فينا ، انحنا الاتكبرنا و اتفرعنا عليها ، خلي البت في حالها ،واصلا انا و وليد علاقتنا انتهت ، و بديت حياة جديده ...

*دا كلام شنو ، خليتي وليد ! انتي غبيه ، انتي لازم تنتقمي منها

_لا يا رحاب واناي زاتك ختب عقلك في راسك الحياة ما دايمة لزول فينا والله اعلن اذا ربنا حيدينا العمر نصلح اغلاطنا دي ولا لا ،، انا م عندي تار مع البت دي ، وحتى لو وليد اختارها ، فاا دي حاجة ترجع ليهو وليد زاتو يستاهل كل خير ،وانا نصيبي بجيني سواء مع وليد ولا غير وليد .. ّ

*انتي ما طبيعيه يا رغدة اقوليكي فرصتك االبت عندي انتي ما واعيه ولاشنو يا رغدة. ، طيب ساعديني انتقم منها ..

_اسفه يا رحاب .. مع السلامة .

*رغدة ،، الوووو الوووووووووو والله الا افضحك في العيلة كلها يا رغدة و اوريهم عمايلك كلها لو ما وليد سترك .. اصبري لي ..*قاطعا احمد بي تصفيقه ...

قاليها : ماشاءالله ، حرمي المصووووون ، الطيبه المافي منها ، المحترمة ، البتحبني و بتحترمني ، اااخ ، صراحة ما عارف ابدا من وين ، الكلام جواااااي زاتو مستخسر يطلع فيكي انتي !

_في شنو يا احمد مالك بسم الله ؟ و انت من متين هنا ؟

*انا ههههه جيت اسي ما تاخدي في بالك .. ي رحاب معليش نسيت تلفوني في العربية ،ممكن تلفونك لحظة !

_تلفوني انا ؟

*اذا م عندك مانع طبعاً ..

_هه هاهاك ليهو حيكون عندي مانع في شنوو ! بس انت تلفونك وين ؟

*نسيتو في المكتب داير اتصل بالسكرتيرة تشوفو لي ..

_ااااتت ت تمام...

*باك فلاش*

لمن احمد رجع المكتب بعد جاب الفايل من درج العربيه !

فتح الفايل و هنا كانت في مفاجأة مدبرة في انتظار احمد ، و هي كانت عبارة عن صور رحاب بملابس و وضعيات مُخلة بالادب ، احمد دخل في حالة صدمة ، في محل شغلو تصلو صور لمرتو ، صور هو في تلفونو ما عندو ... كل العملو انه اتمالك اعصابو ، لمن عسجد جات (السكرتيرة) ..

قاليها :

*الفايل دا سلمك ليهو منو ؟

_قسم المراجعه

*منو من الشباب ؟

_ايمن ..

*ايمن ! ايمن !

و من هنا اسم ايمن كان مرجع لأحمد ، لمواقف كتيرة مرت عليهو و كان بيحسن الظن في مرتو ،، اول موقف اتزكرو يوم قابل ايمن طالع من مدخل البيت ، و لمن رحاب قالت ليهو ايمن وبعداك عدلت ب ايمان انه علمتها السوااااقة .....الخ ..

يتبع.....