زوجة لسبعة أيام

الجزء 23

طلعت براا ..نزلت الحوش و انا ماشة

فجأة لقيت يد مسكتني من يدي. !! اتلفتا وراي لقيتا رحاب ، انا اتخلعتا بس و هي كانت ضاغطه علي يدي و ماسكة قوي ، قلت ليها ضاغطه على يدي !

ابتسمت ابتسامة صفرا كدا وفكت يدي قالت لي عفواً ما قاصدة ، قلت ليها م مشكله ، و وقفت عشان تقول هي دايرة شنو ، سكتت ، جات خالتو حنان قالت لي يلا يا علياء بعد دا اتوكلي و تعالي لي المطبخ قبل تمشي ، قلت ليها حاضر ..

بعد دايرة امشي ، رحاب وقفتني ، قالت لي دقيقه اتا دايراكي في موضوع ، قلت ليها خير ، قالت لي قبيل كنت حاقوليكي بس جاني اتصال ، قلت ليها اسي سامعاكي، قالت لي ، اممممم

_انتي اساساً بتشتغلي شنو ؟

*استغرلت فيها ، قلت ليها م عندي شغل محدد ليه ؟ ( كرهتي زرل يتدخل في خصوصيتي)..

_طيب انا متزوجة ياداب جديده و شقتي كبيرة علي و ما بقدر عليها براي ، عايزاكي تشتغلي عندي و بديكي القروش العاوزاها .

*اشتغل عندك انتي !

_ايوة ليه انا ماالي !

*لا ما بقصد شي بس الموضوع م عارفه ما اتوقعتو ، لكن جداا عرضك جا في وقتو بما انه الليله اخر يوم لي هنا .

_سبحان الله ، على العموم اكابي لي رقمك عشان بعد العرس حاتصل بيكي ..

*شيليهو من سلمى ..

_لالا اديني ليهو انتي ..

*ما حافظاهو والله ..

_خلاص اديني تلفونك اسجل ليك رقمي

*نسيتو في البيت ..

_اممممم تمام يا زوله ما ااخرك خالتو منتظراكي ...

رغم ان الكلام كان عادي ، الا اني كنت حاسه في حاجة غلط ، نظرات رحاب لي و اسلوبها كان مغلف ، في كل الاحواال ربنا فتح لي باب رزق و دا لخير ، كل العلي اشتغل شغلي و. اجتهد عشان خاطر حبوبة ..

مشيت المطبخ ، خالتو حنان ادتني 1000 تانيه ، قلت ليها مش باقي 500؟ ، قالت لي انتي اشتغلتي كتير و اتحملتي كتير ، و دا حقك تستاهليلو.. قلت ليها شكراا و لو احتجتي حاجة كلمي خالتو صفيه ، سكتت مسافه كدااا ، قالت لي علياء ممكن اسالك سؤال ! قلت ليها اكيد .. قالت لي بتعرفي صفية ليكي كم ؟ قلت ليها قريب اسبوعين وزيادة رحلت جمبهم قريب .. سكتت وشردت ، تاني قالت لي خلي بالك من نفسك و حافظي علي نفسك و م تداخلي في الناس شديد خلي في حاجز ، قلت ليها كلامك دا وترني في شنو ؟ قالت لي في انك في مقام سلمى بتي و خايفه عليكي من الدنيا دي بس ، قلت ليها تسلمي .. قالت لي تعالي العرس بكرة ، قلت ليها م كنت حابة الفكرة بس سلمى صممت اجي ، قالت لي تعالي غيري جوا و انبسطي و اولادنا كتار بخلوهم يوصلوكي ، قلت ليها سلمى قالت بتوصلني ، قالت لي تمام .. و ودعتها ومشيت ..