زوجة لسبعة أيام

الجزء 34

قاليها صح كلامك ، انا داخل استحمى ..

قالت ليهو بخلعة كدااا ،انت ما طالع تاني !!

قاليها طالع بس بعد شوية ، عايزة حاجة انتي ؟

قالت ليهو لالا حبيبي بس عشان الوقت لسة بدري و م بتكون في البيت زي الوقت داا ! قاليها اصلا بعد كدا حأقلل وقت الشغل و حأتفرغ ليكي عشان اخلي بالي منك يا روحي .. سكتت كدا و تمتمت ، قالت ليهووو تتت تسسلم لي بس مافي داعي اكيد م حتقعد تحرسني 9شهوو ،ياداب انا في الشهر الاول ، قاليها م عندي اغلا منك .. يلا انا داخل ، خلصي كلامك مع علياء وتعالي لي ، قالت ليهو طيب ...

جات قعدت جمبي ..

قالت لي ازيك يا علوشة على قولة سلمى ، قلت ليها تمام حمدلله ، و مبروك ، قالت لي الله يبارك فيكي ، و طبعا انا مفروض ما استغرب من سبب رفضك انك تشتغلي عندي بس انا م غلطت عليكي من المرة ديك واعتذرت ليكي ، فا اذا ما عندك مانع تشتغلي عندي انا حأشيلك في عيني وانسي الفات .. طبعا انا بسمع فيها و عيوني ديل منططات لانه لايمكن دا يكون اسلوب رحاب الانا بعرفها ، يعني حتى ما خلت لي مجال للرفض لدرجة حسيت اني لو رفضتا دي حتكون عيبة في وشي ...

قالت لي ، مالك ساكته ؟

قلت ليها مافي حاجة ، وريني حابة ابدا بشنو ولا اسوي شنو عشان الحق حبوبة !

طوالي ابتسمت ابتسامة كدا ما قدرتا افهما

قالت لي نضافة عادية و فريش و مسح ، و بكرة ح تجي تغسلي و تطبخي الغدا ، بس كدا ،، قلت ليها تمام ابدا من الصاله يعني ؟

قالت لي من المكان اليريحك بس غرفة نومي بعد راجلي يمرق ، قلت ليها ف الحاله دي عشان اشتغل براحتي حأبدا ممن المطبخ لي براا .. قالت لي قلت ليكي من الحتة التريحك اصلو م حنختلف ..

( في جانب وليد )

_ يا ولدي فهمني في شنو ؟

*امي ، انا يوم خطبت رغد كنت متفف معاكي ان مافي زول يتدخل لا انتي لا خالتي صح ولا انا غلطان؟

_وليد ما تقولي ما تدخلو ، طول الوقت داك انا ساكته ..

*يا امي الله يرضى عليكم ، دي حياتي انا و عشان خاطر علاقتك بي خالتي انتي م تدخلي ولا هي تدخل ،مشاكلنا انا ورغد انحنا بنحلهاا ، عشان ما يجي يوم و تختلفي انتي واختك بي سببي !

_يا وليد انت ولدي و انا دايرة ليك السمح ، و ما داير تدخلني دي خليتا ، لكن سوال جاوبو لي ، يوم جيتك و قت ليك بخطب ليك رغدة دي و قلت لي مدلعه يا امي م بتنفع معاي ،و فجاة بعد فترة جيتني راجع و قلت لي اخطبيها لي يا امي ، رغم انك كانت رافض اي وحدة من بنات اهلك ، من اليومداك انا زايرة اعرف الجد عليك شنو ؟ خصوصاً رغد دي اخلاقا كلنا عارفنها !

*امي ! ارجوكي يا امي تعفيني من اسئلتك ددي عليكي الله انا بترجاكي .

_سمح يا وليد بس انا ما بشيل وش االقباحه مع اختي ..

* و ما حيجي اليوم دا يا امي ولا انا الولد البخلي امو تقطع ليها صلة رحم ، زي ما انا دقيت صدري و خشيت الموضوع دا بي ارادتي ، لسي بمرق منه بي ارادتي ..

_ربنا يصلح حالك يا ولدي ...

..

خلصتا المطبخ و غرفة الضيوف ،و غرفة تانية و طاله صغيرة ، غير الصالة البرا .. و انا سامعه قوت ضحكهم و اصوات م بتتقال ، على الايل يراعو اني معاهم في البيت ، ولا انا منو اصلا عشان زول يعمل لي اعتبار ، اساسا منسية و وج دذ ف الحياة زي عدمو ، الحمدلله على كل حال ..

لمن بقيت واقفه على غرفتهم والصالة ، قلت ابدا بالصاله يمكن يكونو خلصو ولا راجلا دا طلع ، فعلا جبتا المكنسة و جردل المسح و اشتغلت ،خلصتا النص ، جاتني رحاب ، قالت لي خشي الحمام لمن راجلي يمرق ، طوالي دخلتا الحمام ، لمن حسيت ان قعدتي طالت ، براي طلعتا ، لقيتا قاعدة في الصالة ،قلت ليها زوجك طلع ؟

فالت لي من بدري ،، اتغظتا قلت ليه م ورتني عشان اطلع م الحمام ، بس كتمتها و كنلت نضافة .. بعد انتهيت لقيت الوقت اتأخر ، قلت ليها :

*ممكن اجي انضف الغرفه بكرة ؟ م ردت

*رحاب .....

*رحااب ...

_نعم !

*كنت بقوليكي ممكن اخلي غرفتك لبكرة ؟

_اي ااي عادي ( م مركزة معاي)

طوالي خشيت الحمام لبست عبايتي و انا طالعه لقيتا مقربة التلفون و بتتكلم ( بتسجل) قالت نص ساعه وتعاال ههههههههه

يتبع....