زوجة لسبعة أيام

الجزء 45

*انا بقيت خايفه امرق اخلي حبوبة براها و في نفس الوقت عايزة اشتغل و ما عارفه اسوي شنو !

_تمام .....*قفل السكة ...،

*الووو ... في ستين ..

افففف يا الله اسوي شنو والله ضاقت بي خلااااص يا رب بس تفرجا من عندك. .. بعد شوية سمعت الباب بيخبط .. ّمشيت فتحتا الباب ، بالجد كانت مفاجأة لي ، اتخيلو طلعت خالتو صفية ، والله مسكتها حضنتها علي زي فرد من اهلي وكان مسافر مني ، بدون ما اشعر لقيت نفسي حاضناها كداا ، قلت ليها :

*والله فقدتك يا خالتوو ،،

_وانا كمان يا بتي والله بس الله غالب

*ارجعي يا خالتو عليكي الله ..

_دخليني طيب حنتكلم جمب الباب كدا ؟

*معليش بس فرحتا بي جيتك ..

_الله يخليكي يا بتي ، (دخلت سلمت على حبوبة وقعدت ) ..كيف الدنيا معاكي يا بتي ؟

*ياها ، حتفضل هي الدنيا و حأفضل انا زي ما انا عايشاها بحلوها ومرها حمدلله ..

_الحمدلله ، طبعاً جيتك من يومين لقيت بت سلمى بت حنان وقفت معاها لمن كرعي وجعني مشيت ..ّ

*اهاا بالله دي انتي ؟. كلمتني لكن ما عرفتك

_ااي م بتعرفني ، يا حليلك والله ، المهم يا علياء يا بتي انا بس جيتك عشان حاجة واحدة ، وهي يا بتي انك تسامحينا والعفو والعافية مافي زيها يا بتي ، واعفي لينا على كل حاجة حصلت ..

*انا المفروض اقوليكي تعفي لي ، م عارفه اقوليكي شنو بس عم عثمان غلط يا خالتو يا صفية و ما غلطة ولا اتنين ، لا اتمادى معاي و كنت بسكت عشانك ، المهم انتي التعفي لي ..

_انا خجلانه منك والله جاية و ماعارفع ادس وشي منك و من ناس الحلة وين ، بس كان لازم اجيكي ..

*البركة في شوفتك ، عليكي الله م تقطعي مني ، و وريني سكنتي وين بجيكي ان شاءالله ..

_انا لو علي تجيبي حبوبتك و تقعدي معانا بس عارفه ما بينفع. .

*كلامك دا براهو بالدنيا والله ..

( في جانب احمد )

رحاااااب ! يا رحاااااب

اااااااخ يا رحاب و من وجعك ، خايف ، خايف من نفسي عليكي ، استغفرالله العظيم يا رب ما عارف و ما قادر افكر ، خايف الفي راسي دا يكون صح ، و خايف مجرد التفكير ساي في انك ممكن تكوني بتخونيني دا ظلم ليكي و وقتها ما حأعرف اودي وشي منك كيف و مسامحتك لي حتكوت صعبة شديد ..

طيب انا شنو خلاني افكر في انها بتخوني !

ليه ما قلت يمكن قزازة الخمرة دي اتكسرت منها ، ما الدولاب واحد !

او حتى يمكن تكون عملت كدا مرة من نفسها يمكن اشتهت الريحه بما انها حامل !

دا م سبب يخليني افكر فيها كداا اصلو ما سبب ، انا ليه فكرتا في مرتي حبيبتي بالطريقه دي اااخ بس اااااخ ، انا لازم اتصرف في اسرع وقت ، لازم لازم امشي اشتري ورد وهدية راقية تليق بيها عشان كوركتا فيها وخليتا تبيت براها في البيت ! انا كيف كنت بالقسوة دي كيييييف ، اخ بس اخ ... انا لازم اتصل بي عمار صحبي اشوفو عمل شنو في موضوع العربية ، اسي دا وقتها ..

*الوووو عمار ..

_كيفك يا زووول

*بسسط والله مية مية ، خبرك انت

_مافي عوجة نحمدو

*اسمعني يا ابو عمارة

_ابشر ها

*تتزكر العربيه الكلمتك عنها ؟

_بالحيل ..

*طيب انا حالياً محتاج ليها

_اسي اسي !

*اي اسي اسي و بدفع كاااش

_طيب امهلني اكلم الزول اشوف وضعو شنو

*لا خليني اجي اسوقك ونمشي المعرض سواا ، ماعندي زمن او كان لقيت وحدة عجبتني بشتريها بس اهم شي تكون الوان ..

_اسي !

*يا عمار مالك انت يا زول ، اي اسي

_ياخ قاعد مع المزة عليك الله ما تقطعا لي من راسي ، برسل ليك اللوكيشن حقهم واتساب وامشي انت ، و من هنا بدق علي الزول دا تلفون بديهو خبر

*عديلة ، يلا في انتظارك

_يلااا

خلاص يا خالتو صفيه عليكي الله م تقطعي مني ، الناس للناس و الكل لرب العالمين ، و انتي عارفني وحيدة ، قالت لي ما بقطع منك يا بتي بأذن الله ، قلت ليها تمام يا خالتو ما انحرم منك يا رب ..

(في جانب عبير)

_متأكدة من الشارع انتي؟

*اي اي ،عم عمر خش بي جاااي عليك الله ، بعد اليوترن دا ..

_ان شاءالله تكون قاعدة بس

*على كل حال يا امي عم عمر معانا لو ما قاعدة بنرجع من دربنا دا طواالي

_طيب يا مسسهل.

*امي انتي وين الحاجات الجبناهم ؟

_جمبي بجاي

*عم عمر لا لا ارجع

يتبع.....