زوجة لسبعة أيام

الجزء 37

قلتا شنو انت ؟

_ههههههههه بهزر ساي

*لالا تمام ، استأذنك ، امشي خلي معلوماتك ف السكرتارية ، بس ما وريتني اسم الكريم منو ؟

_ احم ، اسمي ايمن .......!

*تمام يا ايمن اتشرفنا ، و انا استأذنك ..

_اتفضل ..

*كلمتيهو يا سلمى ؟

عايني خلينا نسوي ليها كمادات باردة لحد ما يجي ..

_انتي حبوبتك دي ما اكلت حاجة من الصباح ؟

*اديتا كبابة اللبن و لمن جا وقت الفطور م اكلت كتير

_لانو الحبوب دي قوية ، مش دي حقت الصباح ؟

*العلبة اللونها احمر مربعه !

_اي ياها ..

*و يمكن تكون ما اخدتها ، كدي انا مرات لمن بتلخبط بحسب من يوم جبتها لحد اسي و اعد الشريط نقص كم حبة !

_طيب قعديها

*حي يا سلمى والله ما قادرة اعد ، هي مالها انا خليتا كويسه والله ، يا ربي اتلطف بي و بيها يا رب ..

_روقي يا علياء ، كدي وليد دا بيتصل شكلو وصل شارعكم ...حمرق ليهو ..

*طيب طيب

يا رب تتلطف بيها يا رب يا رب ، حبوبة ، شايفاني حبوبه عايني لي هنا ، حبوبة عليك الله هزي لي راسك زي ما بتسوي طوالي ، والله الدنيا ضلمت في وشي ما بتحمل اشوفك كدا والله اموت ،والله اموت يا حبوبة ، ياااارب ، بس لو اعرف مالك ..

_علياء ، علياء زحي هدا وليد جاا ....

*يا رب ... اساعدك عشان تحركها ؟

وليد : لالا

سلمى : وليد عاين للعين دي و ......*قلطعها وليد ..

وليد : وبعدين يا سلمى ممكن تخليني اركز لو سمحتي ، انا شايف زيك ..

سلمى : اسفه ( مالو متعصب كدا !!)

وليد: وين الحبوب حقت القلب ؟

علياء : قصدك العلبة الزي البرطمانه ؟

وليد: ايوة

علياء : ما بعرف كانت هنا مع كيس العلاجات

وليد: كيف يعني ما عارفه ، انتي عارفه اهمية الحبوب دي ولالا ! و براكي لمن جيتي تاخديها من الصيدلية قلتي العلاج دا مهم ، اسي تجي تهملي بالطريقه دي !

علياء : انا ما اهملتا ، انا متاكدة العلاجات كلها موجودة جمبها و هي براها بتاخد ..

وليد: العلاج دا م موجود في الكيس داا !

علياء: كيف يعني ما موجود مشى وين !

وليد: مافي اهماال اكتر من كداا ، خليكي عارفت يوم حبوبتك ما تاخد العلاج دا حيحصل ليها كدا واكتر من كداا ، لو سمحتي اهتمي ..

بقيت مستغربة انا متأكدة العلبة دي ف الكيس مشت وين و انا كنت شايفاها بعيني !!

سلمى قالت ليتو يا وليد انا سريعه بقدر اصل الصيدلية بسرعه ، قلت لليها لا انا بمشي دي حبوبتي وانا ملزمة بيها ، وليد قال بصوت عالي ، ممكن تسكتو انتو الاتنين ولا ما ممكن !

سكتنا و بعاين ليهو بيعمل في شنو ّ

قالي دابر كباية مويه دافيه ، مشيت المطبخ ختبت مويه في براد و شلت منو كبايه وجيت ، قالي سخنه شديد ، مشيت جبت ليهو مويه عادية و زاد عليها ، و الوضع كان غريب وهو زهجان لدرجة خايفه اسألو اي سؤال ، بعداك اداهو حقنه م بعرفا حقت شنو جايبا معاهو ، و قالي من بكرة تاخد الحبوب دي انا بجيبا ليكي بعد العشا ، عشان م عندي زمن ، اسي هي حتنوم كدا ن تقلقي و حتصحى ، اديها تاكل عادي و علاج قبل النوم زي م هو والصباح انا بجي اتطمن عليها تاني ،، قلت ليهو تمام ... و فات ..

صراحه وليد كان غريب المرة دي ، ما زي الايام الفاتو ، عصبي و متنرفز حتى دقنو وشعرو كداا فجأة كترو ، كان غريب من كل النواحي ..

( في جانب تاتي )

* طيب حبيبي ربنا يكتب سلامتك ..

_الله يسلمك زي ما اتفقنا

*على شنو يا معاذ ؟

_ما بعرف بس داير اعرسك يا عبير ياخ ..

*انت مش اتكلمت مع اخواني واهلي واتفقتو على سنة ؟

_اي صراحة ندمت ياخ سنة كتيرة والله داير ارجع اتكلم ثع احمد بس خجلان ..

*انت مالك استعجلتا فجأة كدا ؟

_والله بحبك يا عبير و يعلم الله سفري و غربتي دي ما بقت غربة الا ف بعادك عني ، والله اتعودت عليكي رغم ان اجازاتي كانت ايام بسيطة بس اسوي شنو ..

*بيني وبينك يا معاذ انا محتاجة وقت و شايفه ان سنة دي كويسه شديد معاي ..

_وقت ! عبير معقول انتي لسه مامقتنعه بي ؟

*حبيبي طبعاً ما جادي اكيد ما كدا ياخ..

_ما كدا ، كيف طيب ؟

*صراحه عايزة اضعف وارتب نفسي عشان اكون عروس تليق بي وسامتك دي ..

_انتي هبلة! يا بقرة انا حبيتك كداا و دايرك كداا

*اها عشان قلت لي بقرة دي بالزات لازم اضعف ياخ ، انت ماالك بس اديني وقتي ..

_طيب يا عبير الدايراهو انا معاكي ، طيب خليها 6 شهور ياخ..

*هووووهوو علينا معاذ ياااخ!

_اعصابك ي روح معاذ خلاص سنة سنة

*ربنا يخليك لي ، يلااا بس تصل تطمني فاهم !

_حاضر يا روووحي اكيد بأذن الله

*يلا ف امان الله

_ف امان الله حبيبي ...

يتبع.....