زوجة لسبعة أيام

الجزء 58

فجأة احمد خبط الباب ، و كنت بغني ، فتحت ليهو مريم ، حتى م سلم عليها ، قاليها نادي لي عبير و عمار دا واقف بعيد بعاين فيهو ، انا طبيعي اتوترتا و سكتا ،،

حتى عبير اتخلعت من طريقه خبطة الباب وكانت شايفه احمد بتكلم كيف ..مشبت ليهو ، قالت ليهو :

_في شنو يا احمد خبطتا كدا ليه ؟

*انتي عارفه ان صوتكم دا عالي ؟

_ايوة بس ما عاملين ازعاج لي زول عادي لمة بنات يا احمد ..

*عارف انها لمة بنات بس الصوت عالي شديد انحنا هنا برا سامعين ..

_طيب يا احمد طبيعي تسمع لانك قاعد جمب الباب و بعدين دي علياء بتغني ..

*عارف انها زفته بتغني خلاص خليها تسكت يا تغني بصوت واااطي ...اااسف يا عبير اسف..

عبير جرت الباب و طلعت برا مع احمد وماسكة الباب بيدها ..قالت ليهو :

_احمد اول مرة تكورك فيني كدا واول مرة تدقق كداا وتتوقف في حاجة زي دي ، ديل صحباتي كل فترة حتى بجوني .

*انا ما بقصد صحباتك يا عبير ..

_بس صوتنا ما عالي

*عارف انا قصدي ااااا.......*سكت

عمار اتدخل قاليها : قصدو علياء يا عبير ما تخليها تغني يا غنو ودندنو بصوت واطي فعلا الماري حيسمعكم. ، يلا ادخلي لصحباتك م صح تقيفي برا و تخليهم ...

_حاضر ، عايزين شاي تاني ؟

*ايوة و تجيبيهو بنفسك لو سمحتي ...

_حاضر يا احمد ....

**_عمار : تعال اقعد يا احمد

*........... مشى قعد ..

_ احمد ..... احمدد بتكلم معاك انا !

*سامعك يا عمار اتكلم طوالي ..

_يا اخوي من متين انت بتتعامل بالطريقة دي ، بس انا اخوك قبل اكون صحبك و ما دايرك تشيل هم ،اصلاً بتجوط عشان تترتب صدقني حيجي يوم ما حتنوم من الفرح ..

*داير اسألك يا عمار ....

_خلينا نخلص موضوع علياء اول !

*علاقة علياء شنو اسي ..!

_والله علاقتها انت عارفها كويس ..

*عنار لو سمحت ، مش دايرها ، ديك ليها جوا امشي وريها و م محتاج تمشي تكلم زول قبلها لانه هي السؤلة الوحيدة عن نفسها و قرارتها ...

_علياء تحرم علي !

*شنو ؟

_ااايوة تحرم علي

*عمار انت داير توصل لشنو ؟

_داير اسال سوال حتى لو قاسي حأقولو احسن من اخليهو جواااي ف النهاية مجرد سؤال .. في قلب بشيل اتنين ؟