*اللهم امين يا احلا ماما في الدنيا ..
_اهاا اخبار البت ديك شنو ؟
*ما عارفه والله قبيل كنت منتظرة احمد قلتا لمن يجي اسألو عنها ..
_طيب هي بتقبل قروش ؟
*يا امي يا حبيبتي افهميني ، البت دي ما شحاتة والله ، حتشوفيها وحتعرفي ان نفسها عزيزة عليها ..
_الصراحه يا عبير البت سمحة شديد والله عليك الله دي بت تكون مقطوعه من شجرة ، ياخ دي الما جابت بت ندمانة و ستين ندمانة ..
*نصيبها كدا يا امي ، في الدنيا دي الزول ما بيختار منو امو منو ابوه ، منو اخوه منو اختو ،كداا زي البكتبا الله بنعيشها ..
_صدقتي يا بتي ، ربنا يصلح حالها و يريح قلبها ..
*اللهم امين يا رب ..
( في جانب احمد )
_اا احمد جج جيبو اديني ليهو
*رحاد زحي يدك لو سمحتي
_ااحمد دي حاجات خاصه ما بينفع تشوفها ..
*نسيتي اني راجلك !
_يا احمد ارجوك ، لو سمحت اديني ليهو !
*بديكي ليهو بس سؤال ، قميص نومك يا مدام ملان خمرة وريحتك ، و كان ملبوس ، ممكن اعرف بسوي شنو وانا مافي !
ولا اقوليكي ، هاكي ليهووو .... *وطلع برا الغرفه ، شال مفاتيح العربية و طلع .. اتصل على عبير ..
*ايوة يا عبير ، معليش م اكون صحيتك م النوم ..
_نوم شنو انا قاعدة في الصالة جمب امي بنتفرج و نتونس ..
*امي صاحية يعني !
_ايوة في شنو اديك ليها ؟
*اسمعييني انا جاي عليكم ، حأبيت عندكم الليله دي ، و لو امي سألتك قولي اني كلمتك من قبيل و نسيتي توريها اني جاي ابيت عندكم ، لانو اساسا انا وديت رحاب عند اهلها لانو ابتدت تتمغص من الحمل ، بس عشان امي م تتخلع اتطمني و طمنيها ..
_طيب طيب بس تجي عندنا عشاء جاهز ..
*عشاء !
_اااااي عشاء ههه مش ليك ساعه بتقول انك جعان يلا يلا منتظراااك عسان دايراة انوم ..
ام احمد : منتظرة منو يا بت ؟
_احمممد يا امي
ام احمد : تنتظري وين في الزمن دا ؟
_اصلا قببل وراني انه حيجي يبيت عندنا وانا نسيت ، اسي لمن سالني عن الاكل اتزكرتا ..
ام احمد : ومرتو ، رحاب وين ؟
_عند امها ، الحمل ابتدأ يتعبها ..
ام احمد : ربنا يحلها بالسلامة يا رب ..
_يا رب يا ماما ..
تاني يوم ..**
صحيت ، اتطمنت على حبوبة ، لقيتا كويسه ، صراحه كنت مفكرة انزل الشغل ، بس حبوبة ! يا رب كمان محتاجين ل مصاريف ولو العلاجات دي انتهت انا حأسوي شنو ! ..
اكتشفت اني بتكلم بصوت عالي، وحبوبه فهمتني ، لقيتا بتعمل لي بيدها =امششي ، انا كويسة .. قلت ليها مستحيل اخليكي ، زعلت كدااا و عندها صرة كدا من تصرها بعرفا وصلت مرحله من الضيق ، طوالي مشيت قعدت جمب رجولها ، ومسكت يدها ، قلت ليهاا صعب اخليكي براكي شوفي لمن خليتك المرة الفاتت براكي حصل شنو ! م مستعدة اشوف فيكي شين ..
بعدها تلفوني رنة ، قلتا يا رب تكون هالة صحبتي ، عاينتا م عرفتا منو ، رديت ..
*الو
_ايوا الو
*من**قاطعني
_انا احمد زوج رحاب كلمتك قبل كدا سجلي الرقم لو سمحتي ..
*طيب بتتنهر مالك !
_يا بت الناس لا اتنهر لا تتنهري ، حبوبتك بقت كيف ؟
*تمام
_طيب ممكن لو سمحتي تنزلي شغل ولو سمحت ظروفك و انا اسف لو بضغط عليكي بس مرتي براها و محتاجة زول يكون معاها ..
*كل المتفقين عليهم تلاته ساعات ما اقامة و ثم تانياً انا جاية اشتغل نضافه يعني خدامة ما دادة لمرتك ..
_انتي بتتلائمي مالك اسي ؟ّ
*لمن المنطق يكون صح الناس بتشوفها لئاااامة ..
_لو سمحتي بتقدري تنزلي شغل متين عشان لو م عندك طريقه نشوف غيرك ..
*طيب شوف غيري منتظر شنو !
_استغفرالله العظيم انا عايز اعرف انتي بتقاوحي مالك اسي !
*انا برد على حسب كلامك ، قبل م تشوف ردي شوف كلامك ..
_طيب اسف ، ممكن اعرف حتقدر تجي البيت متين وتشتغلي ؟
*انا بقيت خايفه امرق اخلي حبوبة براها و في نفس الوقت عايزة اشتغل و ما عارفه اسوي شنو !
_تمام .....*قفل السكة ...،
*الووو ... في ستين .
*في الحلقة الجاية*
*انا عارفة ان دا الحل الوحيد
بس الما بتعرفو انت ، ان مرتك دي عادي تقتل حبوبتي !
يتبع.....
أنت تقرأ
زوجة لسبعة أيام
Algemene fictie📝 بقلم: سحر سمير (حقيقية) .. في حاجات بتحصل من نقوم نلقاها قدامنا و بتحدد مسار حياتنا الجاية كلها ، حاجات انحنا ما اخترناها لكن اتفرضت علينا ، زي امك منو ؟ و ابوك منو ؟ اخوك منو ؟ اختك منو ؟ ... بس في حاجات تانيه برضو بتحدد مسار حياتنا و دي بتكون ا...