لاني احبُك شاركتها اياكَ (غزل )

البارت الثاني

البارت الثاني

_ وين سارحة؟
_ ااااا مسارحة منتبهة على الدرس
_ لاتكذبين جنتي سارحة
_ واذ سرحت شسوي قابل اتحكم بعقلي
_ يعني تعترفين وهماتين محضرة تبرير النفسج ؟
_ اي سرحت
_ ليش سرحتي المادة مملة لو اني ممل
_ ماادري يجوز اثنينهن
باوعلي وصفن
_ بس انتي تشوفين انو الدرس ممل لو حتى زميلاتج
_ مالي علاقة بزميلاتي اسألهم انت
_ انتي شسمج
_ غزل
_ نعم ؟
_ اسمي غزل
_ اسمج عكسج٠
_ ليش اني شسويت
_ تحجين بتعجرف معبالك بنت
_ يعني الة اتموع و احجي مكلوبي عبالك واحد مضروب على راسه يلة اصير بنت
_ هههههه انتي بلوة اكعدي مو بلازم تنتبهين تجي الامتحانات وبذاك الوكت خل تفيدج الصفنة وسجل اسمي بدفتر الدرجات
كعدت واني مخنوكة وادردم عليه ياالله شكد غثيث
بقة الدرس يشرح وعينة علية عبالة راح اصفن شلون بلوة جنت ماخذة راحتي اصفن انام ميحس علية هسة خلاني بالة
خلص الدوام ورجعنة اني وزمن للبيت نفس طريقي بس قبل لا اوصل الشارعنة نفترق
والطريق كلة تلغي وتسولف باستاذ سيف
_ اهووو والله خبصتيني بيه شوكت تخلص محاضراتة ونخلص منة
_ ليش هيج وياه والله حباب ومرح
_ مااحب هيج شخص احسه مايع
_ ههههه هي هسة شبابنة كلهة هيج
_ ااوي
_ عوفينة عليه نوب لايروح وتجي مدرسة متنجرع
بقينة نسولف الحد مفترقنة ودخلت الشارعنة
وصلت البيتنة اكو بيت مقابيل بيتنة كلش جانت بيه عائلة مزعجة مجنة نحتك بيهم بس قبل ثلاث اشهر شالوا وباعوا البيت
باوعت شفت سيارة حمل تنزل غراض
دخلت البيتنة كبل من باب المطبخ
_ سوسوو وينج سوسو ميتة جوع شمسوية غدة وافتح بالجدورة
_ ولج شوكت تعقلين صرعتينة بصياحج والله عبالك صف اول ابتدائي مو خامس اعدادي
_ ياسوسو قابل شسويت هو اني ميتة جوع اريد غدة طلبت شي مستحيل
_ اي ياماما دخلي بهدوء سلمي وغيري ملابسج وغسلي واصبلج مو دخلتي هاجمة علينة وصيحين
_ حاضر سوسو بعيني بس بدال متسوين محاضرة صبيلي اكل
_ اوف منج بنت محمود ولا صيرلج جارة
_ شبي عيني محمود هسة صار موزين قبل كتلتي نفسج عليه 🙄
_ يمة شوف السان شطولة مو صوجج صوجي اني منطيتج مجال
_اكلج صدك سوسو هذا البيت المقابيلنة منو ح يسكن بيه
_ ماادري مااعرفهم بس شفت سيارة حمل تنزل بغراضهم مشفت بس العمال وسايق
_ بلكت الله عائلة صاكين 😉
_ انجبي ولج وروحي بدلي فرفحتيني
رايحة سوسو اعصابج دادة
غيرت ملابسي وغسلت وصليت ولكيت ماما صابتلي غدة اني اكل وحدي ماانتظر احد من اجوع مااعرف بس بطني
بابا دائماً ميتغدة ويانة بسبب شغله بس بالعشة ننجمع سوة تغديت وكملت ورحت الغرفتي انام طبعاً غرفتي بس الي واخوتي بغرفة ثانية بس ماما تريد تجيب اختي نرجس يمي واني مااقبل احب اخذ راحتي مااريد احد يزعجني تعلمت وحدي
نمت ساعتين وكعدتني نبع الحنان بالصياح تريدني اقرة
_ كعدت ماما كافي فدوة سطرتيني
_ بس اريد اعرف شوكت تلحكين تدرسين مدكليلي شبيج ميتة على النوم
_ غير تعبانة
_ من شنو تعبانة من القراية لو من الشغل اشو مبسطة وتعبانة
_ كمت سوسو حبيبتي الحنونة الطيبة فديتج احلى ام
_ خير شتردين احجي لا تتلوكين
_ ليش هيج حبيبتي اني مااتلوك انتي احلى ام بالدنيا شعندي غيرج
_ اي وبعد شنو تردين
_ لا حبي مااريد شي سلامتج بس من يجي محمود كليلة اريد اروح الزمن
_ ولج ام السان اسمة بابا مو محمود وشعندج رايحة الزمن شنو مشبعتن سوالف بالمدرسة
_ اليوم عيد ميلادهة ورادتني اجي
_ تدرين ابوج ميقبل ترحين شنو اول تالي ترحين الصديقة
_ فدوة ماما روحي اقنعيه ادلعي وتموعي وهسة يقتنع
_ ولج استحي شنو ادلع وتموع اني امج مو صديقتج
_ لعد اني مجذبة مو اسمعج بالغرفة كله محمود ما محمود وتضحكين
_ عزة العزاج وين سمعتيني شنو ولج تجسسين علينة
_ سعاد شجسس صوتج واصل البيت عبد الكريم خبلتي الرجال دروحي اقنعيه
_ رايحة ام السان ولو ادري ميقبل وبعدين ذن اذاناتج اشوي عليهن بصل اذا تقربتي للغرفة مالتنة
_ اي ماعندي شغل بس اراقب بالاميرة ديانا
ضربتني بالمخدة وراحت معصبة ودردم علية
شوية وصاحني بابا
_ _ الله يساعدك بابا وبست خده
_ هلة بابا شلونج
_ الحمد لله
_ وين تردين ترحين
_ الصديقتي زمن انت تعرفهم اليوم عيد ميلادهة وعزمتني
_ مسوية حفلة لو بس انتي ؟
_ لا بس اني
_ لا بابا مترحين
_ ليش
_ عدهة خوان مترحين واذا حفلة ويجن صديقاتج روحي انتي وامج بس وحدج ممنوع
_ بابا خوانهة كبار ومزوجين واكعد بغرفتهة
_ لا بابا ممنوع حتلو كبار يظلون زلم لو لا ، وانتي بنت رايحة شسوين
_ براحتك يابة اترخص ورحت ضايجة
وادردم بغرفتي واخذت موبايل امي وخابرت زمن كتلهة مااجي
_ و ليش مقبل ابوج يمعودة على جاهج ح يسولي كيكة
_ لعد مناوين يسولج
_ هههه منو يسويلي يكلولي قابل زعطوط ونسويلج
_ ههههه بابا عبالة مسوية حفلة وعازمة البنات
_ اي كلش هو كيكة وبالتواسيل ردتج تجين ونكعد بغرفتي نسولف
_ باجر اسويلج كيكة وتعالي يمي اني احتفل بعيد ميلادج ونظل نسولف بغرفتي اني ماعندي احد اخوتي زغار
_ هااا صدوك
_ اي والله شبيج
_ خاف ازاحمكم
_ لا ولج ماكو زحمة هو احنة مشتهين احتفال
_ فديتج حبيبتي شلون صديقة
_ لاتكيفن هي بس كيكة لا حلويات ولا شي حتى جكليت مااجيبلج
_ ههههه ميخالف حتلو بس عصير اهم شي احد يحتفل بية
نهيت الاتصال منهة تعشيت وحضرت جنطتي مالت المدرسة ودرست وحاولت انام كوة نمت
كعدت الصبح نفس كل يوم زفتني سوسو يلة كعدت اني اكعد لصلاة الصبح بموعدهة بابا معلمنة حتى هو بنفسة يجي يكعدني نصلي ونرجع نام ساعة ساعتين ونكعد نتحضر للدوام
طلعت وشفت سيارة باب جيرانة ونزلت منهة عائلة مرة وطفل ورجال مشفت شكلة داير وجهة بس المرة بالثلاثين مو شي شكلهة والطفل اسمر بس معسل يخبل
وصلت للمدرسة ونفس كل يوم بس اليوم مرتاحة ماعدنة رياضيات
خلص اليوم كوة هواي دروس وضغط واجبات خلصت روحي الحد ما خلص الدوام
رجعت اني وزمن وتفقت تجي اليوم العصر علينة وصيت امي سويلنة كيكة فرحت لان مجايتني من صف الرابع اعدادي
تفارقنة وخلت الشارعنة
قبل لا وصل للباب رفعت راسي اشوف الطريق لان اني متعودة امشي واني مدنكة راسي
باوعت شفت شاب ثلاثيني واكف باب جيرانة الجدد
شفتة وتعجبت ...

ولحكايتي تتمة
لاتنسوت التصويت + متابعة