لاني احبُك شاركتها اياكَ (غزل )

بارت ١٥

بديت اسمع اصوات السيارات بالباب كلبي كام يخفق ويدك سريع
مااعرف شنو خوف خجل رهبة شوق للحبيب او الم فراق
كلشي مخربط مااعرف شنو
بس من شفت هيثم يدخل كلشي نسيت
وكمت مااحس بس باحساس الشوق
هذا حبيبي صار من نصيبي
بعد تعب ويأس صار الي
دخل هو وبابا
ماكو وياه نسوان ماعنده احد بس بيت عمة ومخاصميه
والزفوه جماعتة واصدقائه
بيتنة متروس اقربائنة كلهم بس بنات ونسوان
من دخل هيثم بشكله الجذاب الانيق
وبشرته الناصعة البياض ووشعره الفاحم الحرير
خطف انظار كل البنات اباوع كلهة تتهامس عليه
واني كمت اغار اتمنى محد تشوفة غيري
اجتي سمر وهمست
_ حقج تموتين عليه ولج هذا يخبل وين لكيتيه ماعنده اخو حتلو مزوج تلاثة هم اريدة
ضحكت وكرصت ايدهة عينج عن حبيبي وحيد فريد بلا شبيه
كعد يمي متوتر ويفرك باديه وينشف بعرك كصته
من الخجل
بعدين مد ايده ولزم ايدي بحنية واقترب مني
_ شنو شطالعة ناوية تموتيني اليوم
اني ضحكت ودنكت
_ انت هم طالع تخبل
_ يا يابة نوب تتغزل علكيفج وياي
_ هههه لا تخاف اني حبابة
_ اي بس اني مو حباب وغمزلي
_ شبيك متوتر
_ مامتعود كلهة تباوعلي ونوب كلهن بنات
_ ديبالك تباوع ترة افكس عيونك
_ هههه يابة حامية علية من اول يوم
_ اي شعبالك
_ خل نروح ماماخذ راحتي
_ يلة بكيفك
كام واجة بابا كومني
صدك فرحانة بس من شفت بابا مدمع راحت فرحتي وبديت ابجي
مكدرت اسيطر على دموعي مو بيدي
باسني براسي
اني بسرعة حظنتة وبجيت
_ لا تبجين بابا حبيبتي انتي قريبة علينة واني يمج باي شي تحتاجينه
دنكت على ايدة وبستهة
بابا شال ايدي وخلاهة بايد هيثم كلة هاي فرحتي وشمعة بيتي خذتهة اليوم هاي امانتي عندك تصونهة وتحافظ عليهة
_ لا تقلق غزل بنص كلبي وامانتك بالحفظ وتباوسوا وسلم عليه ولبسوني بوشية بيضة وخلو عليه العباية
واخذوني ثنينهم وصعدوني بسيارة
احساس صعب رغم هذا الردته بس صعب
اترك بيتي الربيت بيه وكبرت واترك اهلي
اغلى من روحي جنت اباوع على اهلي والبيت وابجي
طلعنة والزفافة ورانة البيت قريب فاخذونة فرة
ونوب نروح للاستوديو الطريق كله كل شوية يهمس باذني
كلام حلو ورقيق لو يضحكني ميريدني اضوج وابجي
من كلامه ورقتة ماردت نوصل
نزلنة للاستوديو
وساعدتني ماما ودخلوني القسم المحجبات
عدلت نفسي ورتبت مكياجي من البجي خربان
حاولت ارجعه مثل قبل بس مصار بس بعدني حلوة
باوعتلة المصورة وحاجت هيثم
_ شكد زوجتك حلوة بس انت احلى منهة بهواي
شكد ضجت من هيج كالت ولانزلت عينهة منة
_ جاوبهة هو اني حلو لان حبيتهة زيدتني حلاه وتقرب مني حضني وباسني
هي ضاجت بس اني فرحت لان ضوجهة هههههه
اخذنة هواي صور برغبة من هيثم ماخلة لقطة مااخذهة هو رتب القطات ماراد من المصورة مساعدة
واخذت وية ماما ونرجوسة اجت وياهة
كملنة وطلعنة للبيت
نزلوني هيثم وماما
وصلت سيارة خالاتي وعماتي
دخلوني للبيت بصالة
كالولة دخلهة للغرفة حتى نروح
هو كيف يريد بس يوصل للغرفة شالني كدامهم واخذني للغرفة
رغم خجلت من الموجودات بس كلش فرحت احساس حلو
حتى الكل ضحك وهوسن شوية باب الغرفة
دخلت ماما بوستني وصتني ردت ابجي لان هي مختنكة بعبرتهة
التفتتلي ديبالج تبجين هذا اليوم الحتبدين حياة جديدة وية حبيبج وزوجج فابديهة بفرح ماكو داعي للدموع
علشنو باجية مو كتلتي نفسج عليه ودشوفي هياتة شوفتة عافية كافي دلع
تحجي وهي مخنوكة بس متريدني ابجي
حضنته وراحت
طلعوا الكل وراحوا
بقينة بس احنة
اقترب مني وباس كصتي
اااخ واخيراً صرتي بيتي وبغرفتي مامصدك صرتي مرتي
وبوسني بخدي
اني مدنكة وابتسم
_ اني طالع اسد باب الطرمة هسة اجي
_ لا عفية لاتطلع عوفة واقفل باب الجوة
_ هههه مستعجل الحلوو لا تخافين ماأتأخر دقيقة وجايج وغمزلي
_اني خجلت لا مو هيج قصدي
_ اااخ فدوة لليخجل
طلع باوعت الغرفتي هي هاي الاختاريتهة وية حبيبي نازكة مو فخمة مااحب الفخامة بس حلوة بيضة تركية وترتيبهة حلوو
طلعت سيت النوم ماما اختارتة قصير دلع من الصدر والظهر
كالت يطلع احلى علية
ردت ابدل محسيت الة صوت هيثم
_ شلون تفوتين علية فتحت السحابة واني منتظر هاي الحظة بلهفة
_ لا عفية اطلع ابدل ونوب تعال
_ تحجين صدك هاي لزكتي بيج بعد فلا اتحرك
واقترب مني وصار مقابيلي
رفع حنجي وباسني بين خدي وشفايفي
واقترب اكثر وباسني بشفايفي
هاي اول مرة يبوسني بشفايفي
غمضت عيوني حسيت بخدر برجلية
رفع عينة بعيوني
_وخر مني هاي شنو حبيبي بعدني ممسوي شي ومعتي
شكد خجلت
مد ايده على ظهري ومرر اباهمة على جسمي وهو يفتح السحابة مكدرت اعترض احساسه فاقني
نزعت البدلة ولبست السيت
_ شلون بيج اليوم هاي شنو شطالعة منين ابدي اكلج
_ لاتخجلني فدوة
_ انتي شايفة مني بعد ..كومي ترة بعد مااتحمل
ادخلي توضي خل نصلي
_ متوضية
_ عفية عليج يلة خل نصلي
صلينة اول مرة سوة وصلينة صلاة ليلة الزفاف وهو صلى صلاة الشكر
كمل كلي انتي نعمة تستحق الشكر
وقرة على بطني دعاء حافظه
_جوعانة نتعشة ؟
_ بكيفك اذا انت جوعان نتعشة
كمت نزعت حرم الصلاة
ظل يباوعلي
_ اكلج اني ميت جووع وح تعشة هسة وشالني واخذني للسرير
_ انت مو جوعان تريد تتعشة
_ اي جوعان الج مو للعشة وح تعشة بيج
_ لا عفية هيثم لا لا مو هسة
_ لا دكولين هيثم ولادكولين لاااا مو شتعلت وهاي شنو
_شنوو؟
_ هذا الوشم اوكفي خل ابوسه ..........
تسقط كل القوانين مع الحبيب
تسقط الاقنعة كما تسقط الثياب
تسقط الكلمات وتبقى الافعال .....
شعور مينوصف من تحضى بحبيبك
واحلى حب حب الحلال شكد لذتة حلوة
وحلاته بحلاله
_ يلة ترة جعت كوم نتعشة صارت الساعة ب تلاثة
_ هسة طلع السانج ذيج الساعة وينة السانج اشو مكلتي جوعانة
_ ضربتة على صدره مو كتلك بعد لاتخجلني
_ اي كلش تخجلين اذكرج شسويتي
_ ااوف هيثم شوف بعد اذا بادلتك المشاعر
_ تكدرين اني هيثم حبيبج زوجج وبدة يهمس باذاني وبوسني
هههه اشو خدرتي ام السان كومي نتعشة وبعد لا تهدديني
متكدرين تقاوميني
_ اوف شكد غثيث
_ منو الغثيث هاا
_ لا عفية انت حباب
_ تعالي اشوفج منو الغثيث ......