_ لعد شنو هذا الاتصال؟
_ جسمي كله انخض
والله مافاتحة خط ولا شفت اتصال
_ شبيج اصفريتي وليش تحلفين قابل اني اشك بيج
بس سألت شوكت يتصل او يرمش ؟
_ بس باليوم التجيني بيه
_ يعني من اني مو يمج ماكو ؟
_ لاا ..شوف الاتصالات يمك
_ اي
زين العصر مبايلج يمج
_ اي عندي صورت البقوري فيديو وهو يلعب
_ يعني مانطيتيه الموبايل؟
_ لااا ....هااا اذكرت اخذة مني كال اصور شهودة وهي بالبايسكل بالحديقة ماتأخر ورجعه
....سويلي جاي هسة شوية واجي
_ وين رايح؟
_ هسة اجي هنا بالبيت
راد يروح ودكت رسالة والموبايل بايدة
فشافهة بلا مايفتحهة
نوب فتحهة وجهة كام ينطي اللوان
تغير بسرعة
_ غزززل شنو هاي الخرابيط
_ شنوو ؟
انطاني الموبايل شفت الرسالة
" غزولتي ليش ماجاوبين نسيتي البوس والحضن شبسرعة نسيتي ابن عمج ميت على ريحتج "
_ اني كمت ارجف ونص حيلي راح
يمكن لو انذبح قطرة دم ماتوكع وعقلي نشل
_ ماادري والله ماادري ....
نوب اجة بالي امير بالحديقة ..واني منا وضعي ملبك كمت اخربط
_ والله مابيناتنة شي والله مو بوس ولا شي بس مررررة
وسديت حلكي بادية
هو صفن علية
_ شجاي تحجين شنو مرة
_ اني رحت اركض للغرفة
كمت ارجف رجف
معقولة هذا امير يريد يخرب حياتي
معقولة هو اليدز رسايل
واني الثولة شبيه شلون افلتهة واكول بس مررة
امداني ثولة صدك اني فطيرة مثل ماكال هيثم
عززة شسوي شلون اقنعة
اخابر ماما واخليهة تجيني
شنو اخابر ماما نووب تكبر السالفة
هو وينة شو مااجة ورايه يحاسبني
يمة بسلا يجيب بابا علية
شنو من تفكير هيثم ميسوي هيج
لعد وين راح
بقيت بالنص ساعة اني مااعرف قراري
مية فكرة سودة اجت بالي
ولا اجة بالي تفرج كل الاجة بالي
افكار سوداوية
نوب زاد خوفي وزادت رجفتي
اول مرة احس بالخوف بهلشكل
مرات الوم المايدافع عن نفسه ويخرس بموقف حاسم
هيج حسيت بس شفايتلي لو مخرسة
اني كمت اجيب وافلت اااخ غزل شكد فاهية
حسيت باب الصالة نفتح
نوب اجة هيثم يمي بالغرفة
اني كاعدة بزوية الكنتور ومكرفصة ومحاوطة رجليه بادية وابجي
من دخل جان كلش مهموم وضايج
كعد مقابيلي على السرير ونهت
_ اني باوعتله والله ماسويت شي
وداعت ماما وبابا مامسوية شي غلط ولا حرام
_ هدئي نفسج غززل لايصير بيج شي
وجاب مي وانطاني
_ هاج اشربي موزين هيج تنهبطين
_ شوية هدئت شربت كمعة ودنكت
_ احجيلي شجان بينج وبين امير
_ ماكو شي بينة اني سولفتلك خطبني وماقبلت
_ غيرهة؟
_ ماكوو
_ شسوالج مرررة وحدة؟ باسج لو حضنج؟
_ كمت ابجي
ل_اتبجين احجي بلا خوف
_اني مرة بالحديقة باليل اخر روحة الهم صارحني كلي احبج
بس اني ماقبلت كتلة انت مثل اخوية مااكدر اعتبرك غير شي
هو نفعل وكال اني احبج... بلا وعي جرني الحضنه راد يبوسني
اني صارت عندي ردة فعل قوية وضربته بكل قوتي راشدي
وشردت للبيت ابجي
_ وبعد؟
_ هذا كل الصار وداعت حبي الك مصار شي بيناتنة
_ ليش تحلفين وخايفة
_ مااتحمل والله مااتحمل تعوفني
_ اقترب مني وحضني منو كال اعوف غزولتي اطهر وارق انثى عرفتهة بحياتي صح فطيرة بس حبيبتي احبهة
_ يعني مصدكني
_ ليش اني كذبتج ؟ اني ماسويت شي انتي سويتي بنفسج
صح ضجت من كتيلي بس مررة بس ارتاحيت هسة من سولفتيلي
_ والرسالة ؟
_ عبالج شكيت بيج من الرسالة؟
_ اي
_ اشك بيج من سوالف جهال ..اني صح اغار عليج من كلشي بس مااشك بيج ابد
_ شتقصد؟
_ هاي حركة غبية من شخص اعرفه واني من سالتج
وجاوبتي عرفتة كلش زين
ولا شكيت بيج ولا شي خطة غبية والمنفذين اغبى
_ منوو ؟
_ بعدين اسولفلج
_ لا هسة
_ لاتلحين باجر من ارجع اسولفلج
_ منين ترجع ؟
_ باجر اسولفلج
_ يعني تحبني وماشكيت بية
_ مستحيل اشك بيج اشك بروحي بااسمي ومااشك بيج
_ احبك وذبيت نفسي على صدره
_ هاي شنو اشو لسة جسمج يرجف
_ اي خفت راحت نص عافيتي
_ اروح فدوة العافيتج تعالي اني اعرف ارجعهة بطريقتي
شالني واخذني العالمه .......
أنت تقرأ
لاني احبُك شاركتها اياكَ (غزل )
Romanceاحبته حين لم يحق لها ذلك عشقته فحاربت الكل لاجله حتى نفسها فهل يكفي الحب لتجد معه السعادة ؟ تابعوها انها غزل
