لاني احبُك شاركتها اياكَ (غزل )

بارت ١٦

بارت ١٦
_غزززل
_هااا
_ تعالي وفتحلي اديه اجيت بين اديه وحظني باس كصتي
تدرين اني شكد احبج وامووت عليج
_ اي اعرف
_ لاتتصورين لحظة وحدة انساج بس اني عندي عائلة زوجة واولاد حاجين بهذا الموضوع قبل الزواج وهسة بس ردت اذكرج اجة الوقت الاجيبهم مااكدر افاركهم اكثر وهمة ميرتاحون هناك
_ اي حبيبي خطية جيبهم اني مكايلة شي
_لعد ليش ضجتي
_ لا مضايجة بس تفاجئت عبالي بعد يبقون هناك
_ لا مااكدر كلش مشتاق البقوري والشهد والرغد
_ اااي ليش لا غير عائلتك
_ انتي تردين تباتين هنا والصبح اجيج تردين ترجعين للبيت بكيفج
_ اشوف وضعي واقرر
_ تمام حبي اني رايح مع السلامة
_ الله وياك ..باسني وطلع
دخلت للمطبخ شفت ماما منتظرتني
تقربت مني وحظنتني ليش ورطتي روحج هلورطة ياماما
نار الغيرة تموت
_ ااخ ماما لاتلوميني مو بيدي احبه
_ اي تحبينه بس متكدرين تتحملين الغيرة
_ ليش قابل شسويت
_ دشوفي حالج وجهج نكلب اصفر وبسرعة ذبلتي هاي بس راح يجيبهة لاشفتيهم يشاقون ولايضحكون ولايتغزل بيهة
_ ااااه ياماما شنو تردين تخبليني
_ مااخبلج بس اذكرج كتلج قبل لا تزوجين حالج من حالهة وحالهة من حالج لازم تتحملين كلشي كلتي اتحمل الخاطر هيثم المر دتحملي هاي اول مر
عفت ماما ورحت الغرفتي بقيت ادكلب بسرير
ونوب طلعت الموبايل اتفرج على صورنة اني وهيثم
شكد حلوة فرحتنة وهو عبالك اول مرة مزوج
كلشي يسويه وياي يكلي اول مرة احس هيج احساس
معقولة من تجي رغد هم هيج يكللهة
لا لا مامعقول
هو ابد محاجيلي عن علاقة وية رغد من اسألة ميجاوب
ويغير الموضوع
ماادري يحبهة بكد ميحبني لو اقل او اكثر
ظليت افكر ودايخة
دخلتلي ماما
_ راح تبقين الوقت يمنة حابسة نفسج بالغرفة كومي اخوتج فرحانين بيج
_ اني هم فرحانة بيهم
_ يافرحانة شوفي حالج ولا جنج عروس
كومي بدلي خل نطلع نغير جو  ونشبع منج واعشيكم بره
_ خاف هيثم ميقبل
_ اتصلي وشوفيه
_ اي..  اتصلت بيه
_ هلوو حبيبتي شتاقيتيلي
_ هلوو حبي اي اكيد اشتاقيتلك
_ ااخ كون ارجعلج هسة على هاي الحجاية
_ هههه متكدر ترجع..اكلك حبيبي ماما تريد تاخذنة نغير جو اني واخوتي ونتعشة برة
_ اي روحي بس مااوصيج بلا ضحك ولا تتلفتين ولفي حجابج زين وعباتج سديهة مو كل شوية مفتوحة
_ هههه جانت تنفتح لان لازمة ايدك بثنين اديه هسة ماعندي شي حلزم العباية بثنين ادية
_ ههههه تمام يلة مع السلامة مااكدر احجي اكثر
_ ليش وين انت
_ بعدين حبيبتي مع السلامة..
_ هاا قبل
_ اي ماما
_ يلة حضري نفسج
حضرنة وطلعنة فترينة بالمولات واخوتي ينطنطون حوالينة
وكلشوية واكفين بمكان
اني شفت محل البسة  بقت عيني على كم ثوب ادري هيثم يحب هيج قصير وخفيف ويحب اللون الابيض والاحمر
شافتني ماما كعدت اخواني بكفتريا قريبة وصتهم ميتحركون واخذتني للمحل
_ شلون عرفتي اريد اشتري
_ عيونج فضحنج
_ هههه عيني اجت على ذن لان هيثم يحب هيج
_ اي ماما اخذي اليعجبج بعدج عروس تونسي و ونسي زوجج وانسي عنده زوجة اذا تغارين سوين مشاكل ولا تسعدينة ولا تسعدين نفسج
_ ان شاء الله اسيطر على مشاعري
اخذت كم قميص نوم وطلعنة للكفتريا شربنة عصير و رحنة للمنتزه اخوتي يردونا للالعاب بعدين تعشينة بمطعم ورجعنة
_ ماما وديني البيتي
_ اااه ليش ظلي يمنة اليوم خل اشبع منج
_ مااكدر ماما فكرت مااكدر اظل
_ تباتين وحدج؟
_ اي ماما هو بصفي غرفتة على غرفتي بس فاصل حايط
مااكدر انام اريد غرفتي
_ ههههه ولج صارلج سبوع بعتينة ومتنامين يمنة
_ لا ماما انتم الاصل بكلبي عايشين بس خاف هيثم يجي بليل يحتاج شي كون موجودة
_ هيثم لو انتي بلكت تشوفيه
_ نفس الشي هههه
_ اذا خفتي خابريني ادزلج ابوج
_ لا تخافين ماما هيثم قريب اذا اخاف اخليه يجيبني الكم
_ خوش ماما براحتج
وصلتني ماما دخلت وياي للبيت فتحت الاضوية وبقت توصيني اقفل البيبان واديبالي من الكهرباء عبالك توصي طفلة
راحت ماما وبقيت اباوع على غرفتي والسرير
اول مرة بعد زواجنة هلكد مااشوفة صار بال ٧ ساعات مشايفتة اااخ شتاقيتلة
خل اخابره كلبي طاك دك دكة كاملة مجاوب نوب شوية وهو خابر
_ الووو
_ هلوو حبيبي شلونك اشو مخابرت شنو نسيتني
_ لا حبيبتي شلون انساج انتي الهوة والنفس
_ اشتاقيتلك
_ اني اكثر
_ متجي اشوفك
_ وين اجي
_ اني بيتنة
_ ااه صدك رجعتي
_ اي مكدرت ابقى بعيدة عنك كلت على الاقل ابقى بغرفتنة على ريحتك
_ ااخ ياغزل شكد احبج
_ تعال واني اكلك شكد احبك
_ ههه مااكدر هسة
سمعت صوت رغد
هاا حبيبي شعندك برة
_ جاي هسة..يلة مع السلامة تصبحون على خير
وسداه
اااخ من سمعت صوت رغد شكد ختنكت حسيت اريد ابجي
كعدت على السرير وبديت ابجي
احبه مو بيدي اعشقه مااتحمل بعده ولا اتحمل احد يشاركني بيه
كل شوية تجي بالي افكار
هسة باسهة او حظنهة
كلهة احبج
لا هسة نامووو ..ااخ شلون بية شلون اتحمل
كمت ابجي احس روحي نسلبت مني
شعور صعب الغيرة نار تحرك كل مشاعر
ابجي واذكرت رغد بليلة عرسنة شسوت
شنو مشاعرهة واني شاركتهة زوجهة
شلون كضت اليلة
وهي تفكر اليوم نام بحضن غيرهة
اليوم حتشاركهة وحده طول العمر
اكيد نارهة اكبر من ناري
وغيرتهة اكبر
احسن هيج غزل عاني مثل مخليتيهة تعاني
ضوكي الغيرة مثل ماضوكتهة الرغد
مكرفصة روحي وحاطة راسي بين رجليه وابجي
محسيت الة بايد تمسد على شعري
_ رفعت راسي هيثممم!
_ اي هيثم حبيبتي
_ شمرت نفسي بحضنه وحضنته حيل شميته اااه شكد احب ريحتك
_ شنو هاي الدموع شنو هذا البجي شمسوية بروحج
رفع راسي وخلة عينه بعيني
'دموعكِ ياحسناء تغري بي الهوى فعيناك مينائـي وقلبي قد رسا
لمحتك من قلبٍ رقـيقٍ فلـم أزل أراكٍ بقلبي في صبح وفي مسا'.."محمد علي السنوسي"
_اااخ لاتسوي شعر ترة ماخليك تطلع
_ ههههه اخطفيني
_  انت تضحك واني ميتةمااكدر افاركك
_ الظهر فاركتج مصار هواي
_ احسهن هواي كلش
_ كافي حبيبتي كافي بجي امووت من اشوفج تبجين هياتني اني مو بعيد بس اصيحين اسمعج
_ اي اعرف بس اول مرة تتركني لذلك صعبة علية
_ لازم تتعودين على هذا الوضع حتى لاتعبين ولاتعبيني وياج
_ احاول
_ اكيد تحاولين انتي غزالتي القوية وكرصني بخدي
_ شعجب اجيت مو كلت مااجي
_ ماتحملت اشتاقيتلج وكلبي حس بيج ضايجة اجيت لكيت العيون تجري والخشم يصب والكفشة شكبرهة
_ الله عليك صدك شو خل اشوف نفسي
_ تعالي وين رايحة ششوفين
_ خل اعدل نفسي خاف صدك مخربطة
_ تخبلين اشاقة وياج هو اكو احلى من هذا الوجه تعالي بحظني خل اشبع منج قبل لا اروح
_ لادكول اروح خليني انسى نفسي بحظنك مااريد اذكر شي بقينة نسولف واني بحضنه عشر دقائق
_يلة حبيبتي اني رايح
_ بعد وكت
_لا ميصير لازم اروح خلصت الربع ساعة
_ موقت الساعة
_ اي لازم هيج بيوم اليمج اروحلهم ربع ساعة ومن اروحلهم هم اجيج ربع ساعة بس للطمئنان
_ شتكفي الربع ساعة
_ اي هي متكفي بس اذا زودت اخاف يصير غير شي انتي مشاكسة واخاف اتورط وياج
_ لعد اذا مشاكسة ابقى يمي وادبني واحرك اصبعي على شفايفة
_ عض اصبعي..لااا  بس اشوفج ميصير غير شي  هذا حقهة وحقج باجر
اني رايح تعالي اقفلي باب الصالة وراي
طلع شوية ورجع
_ خل اتزود خير الزاد بوس الحبيب
_ ههه حرفت آية
_ اي غير هذا اليزوج زغيرة تخليه منحرف هههههه
_ احبك
_ احبج
.......
خلصت اليلة ومنمت للفجر بقيت كاعدة صليت وقريت قرآن شوية هدئت ونمت .....
حسيت على دكات باب الصالة فتحت عيوني باوعت لساعة بالعشرة
كمت فتحت الباب وشفت بقوري
حبيبي شكد مشتاقتلة اخذتة ودخلتة للغرفة
بوستة حيل كلش مشتاقتلك بقوري انت مشتاقلي
_ اي مشتاقلج وابجي عليج
_ حبيبي ليش تبجي علية
_ مو انتي ماتحبيني
_ لا حبيبي اني احبك امووت عليك منو كلك مااحبك
_ ماما كالت غزل متحبك واخذت بابا
_ شلتة حطيتة بحظني
حبيبي اني احبك ومااخذت بابا مو البارحة نام يمكم واجاكم بس اني حصير مثل ماما رغد يجي بابا يمي يوم ويم ماما رغد يوم
وانت شوكت متريد تعال شوف بابا اني مااخذتة منك
_ اني ردت اجيج البارحة ماما كالت بعد متحبك غزل
وظليت ابجي عليج
_ حبيبي لاتبجي اني ااحبك بكد الدنيا وبابا الك مااخذة منك
_ اي اني البارحة نمت بحظن بابا لصبح
_ ليش بابا مانام بغرفتة
_ لا بابا ينام بغرفتة ونوب يجي يمي ينام لصبح مثل قبل
_ يعني قبل جان ينام يمك
_ اي
ذكرت بالخطوبة يحجي وياي براحتة ويومية يعني هو مينام بغرفتة ليش؟
_ وماما وين تنام ؟
_ شهودة تنام يم ماما ..هسة اذا اجيج ماطرديني
_ شلون اطردك وانت حبيبي تعال شوف شجبتلك
_ شجبتيلي
_ خل اشوفك تعال خليتهة بالكنتور
شوف انت مو تحب باتمان
_ اي امووت عليه
_ جبتلك زي كامل مالت باتمان حتة قبعة
_ اييييي اني باتمان
_ تعال البسك وشوف شلون حلوو
_ اني بات ماان خل اشوف بابا شلون اني حلووو
_ حبيبي تخبل احلى باتمان
خل افتحلك الباب
فتحت باب الصالة كدامة طرمه طوليه مكيشة وباقي مربع صغير مسويه هيثم حديقة وبيتهم كذلك نفس التصميم بس همة زايدين على بيتنة بغرفة البقوري وبنص الحديقة فاصل بيني وبين رغد سياج ناصي مو عالي يعني اكدر اشوف الموجود بطرمة وبيناتنة باب
حتي يكدر هيثم يروح ويرجع علينة ميريد ننفصل يكول هيج احس بيت واحد احسن
اني مضارني الباب بلعكس احس هيثم قريب علية وحتى بقوري يروح ويرجع براحتة
من فتحت الباب صارت عيني على ملابس مشرورة بطرمة مالت رغد هي حاطة حبل مقابيل باب الصالة مالتنة يعني من افتح الباب اشوف الحبل بوضوح
شفت ملابسهة وملابس هيثم الداخلية وخاوليات
اني كلش ضجت من شفتهن حسيت متقصدة تغثني
بس هدئت نفسي
هي حقهة هذا زوجهة رغم الضوجة بس قنعت نفسي
راح بقوري ويصيح وفرحان شوفوا اني باتمان وغزل تحبني
ماتكرهني سوتني باتمان
سمعت رغد
_ تعال انزع هلخروك هاي شلابس عمت عينك هم انت ضحكت عليك
_ لا ماما حلوات اني بات مان
_ تعال انزع ولك اثول مو كتلك لاتروحلهة ...وصاح هيثم
_ رررررررغد تعالي جوة اريد احجي وياج
_ اي هسة حبيبي وتعلي بصوتهة جايتك هيثومي
اني دخلت للبيت اهز بايدي واضحك ..سويت لفة جبن وجاي وكعدت اكل
اريد اتعايش وية الوضعية بعد لازم اتعلم المشاركة
ماما كالت الرجال يضوج من النك واذا اشكي
يكوم ميحب يجي يمي
وهو هم كال لاضوجيني
اني لازم اتعلم اتحكم بمشاعري اني مو بيت محمود
واتعزز وادلع
اني كأنه داخلة بصراع لو اتحمل الوضع وابقى اني وهيثم على نفس الحب لو انهزم ومااستفاد بس اكسر نفسي
لان مستحيل انفصل عن هيثم لا اني اكدر اعوفه ولا بابا يقبل ارجع
كمت للبيت كلة نظفتة وعدلتة وغسلت ملابس هيثم وطلعت اشر ملابس مندمجة واشر وافكر
محسيت الة على صوت هيثم
_ غززل ليش هيج طالعة برة
_ يمة خرعتني هاي شبيك حبيبي
_ شكم مرة كايلج لاطلعين بهاي الملابس وبلا حجاب
_ والله موقصدي بس كلت الضحى ماكو احد وطلعت بسرعة
_ هذا ثوبج خفيف وكصير بعد لا تطلعين بيه وحتى كدام باقر لاتلبسيه
_ ههه هاي شنو
تقرب وشاورني
حركتي كلبي بهذا الثوب مااريد غيري يشوفج بيه وراح
باوعلي وغمز ودخل البيتهم
_ اشو جان يصيح وفجأة هدئ وتحولت ملامحه
هذا شبيه شو مو طبيعي
ااوووو خل ادخل لايرجع وهم يصيح
بس اني احب حتة اصياحة فديته ههههههه
دخلت خابرت ماما بقيت اسولف وياهة نوب صليت وكملت شغلي وبديت احضر بالعشة كلت اكملة حتى اتفرغ
الهيثم من يجي .. متغديت مااشتهي كلت اتعشة وية هيثم احسن
سويت كص دجاج وباذنجانية وبوقت العشة اسوي فنكر
دخلت سبحت ونشفت شعري  كعدت ابرم بيه بالورات شعري ياخذ بسرعة برم وهو سرح فبسرعة كملت
بدلت وعدلت  باوعت لساعة بالاربعة
ردت اخابر بطلت دزيتلة رسالة شوكت تجي؟
_ بالخمسة حبيبتي
_ هاي شنو تتأخر هواي للخمسة
_ ااخ يابة مستعجل حبيبي
_ ههه اي ومشتاقتلك
_ يمعودة لاتخبليني
_ موبيدي مخبلة واريد اخبلك
_ يلة ساعة ويمج باي حبيبتي
....خابرت ماما اشوف شدسوي
سولفت وياهة وبعدين كمت فتحت الورات من شعري
ورتبته طلعت توب
صارت بالخمسة اجة حبيبي
دخل وتلكيتة حظنته
هو هم حظني وبقة يشم بركبتي  اااخ هسة رجعلي النفس
هاي شطالعة شو انتي يومية تحلوين اكثر
_غير علمودك
_ نيالي على هذا الجمال

ولحكايتي تتمة
بعدة القراءة لاتنسوا تصويت او تعليق