لاني احبُك شاركتها اياكَ (غزل )

البارت ١٢

بارت ١٢
_ سيف؟!
_ اي سيف
_ شعندة ليش جاي
_ ماادري بعدني ماشايفة ابوج
_شذكرة بينه
_ اجة هو واخوه اكيد شغلة وية ابوج
اجتي نرجوسة تركض ..غززل هذا مبايلج يدك
_ جيبي حبيبتي..ماما هاي ساره تتصل اني رايحة الغرفتي
_ روحي وسلميلي عليهة
دخلت الغرفتي وفتحت خط
_ الوو هلو ساره
_ هلوو غزولة شلونج
_ الحمد لله معقولة اشتاقيتيلي
_ ههه اكيد لا بس عندي شغلة وياج
_ ههه اي مو اكول شعجب ام فلس تخابر
_ اشوفج يومية من الصبح ل٢ بعد طلابة شعندي مخابرتج
اكولج غزولة اريد حصص باجر شنو عدنة مانتبهت دزيهن بمسج اريد اراجع وثاني شي اريد نفنوفج الفستقي هو والجنطة البيهة فستقي باجر عندي طلعه وعاجبني البسه
_ اي تدللين ولج بس هو كصيف شلون ح تطلعين بيه هيج
_ عادي يمعودة قابل يومية طالعة
_ هههه انتي شلون يشونج بالاخرة من ياجهة
_ ههه جلدنة متعلم حر العراق انطانة مناعة
_ ههه بعد خاف تردين شي كولي
_ لا هذهو بعد اذا ريد اكلج بغير طلعةهههه
_ ههههه تدللين بسلا اتحمل اثم منوراج
_ يلة غزولة خلص رصيدي وانتي بس تحجين ههه
_ ام فليس يلة مع السلامة 
رحت حضرت الغراض الرادتهن حتى لا انساهن الصبح وخليتهن على ميز المراية وسمعت صوت بابا بالمطبخ
رحت للمطبخ شفتهم يحجون على كيف من شافوني باوعولي ثنينهم وابتسموا
_ شعدهم طيور الحب من شافوني سكتوا
_ ههههه لا ماكو شي بابا سلامتج
_ احجي حجي محمود احنة مو اصدقاء شعدكم
_ ااخ منج تشمين الاخبار شم
_ يعني اكو اخبار اي احجوا شكوو
_ بابا جان يمي استاذ سيف تذكريه جان استاذج من جنتي صف خامس اعدادي
_ اي اكيد اتذكره لان بس هو استاذ مدرسني..شبيه؟
_ باوع الامي احجيلهة اني لو انتي؟
_ انت احجي ابو احمد تسمع منك احسن
_ هو شكو يمعودين ذبحني الفضول
_ هسة جان يمي استاذ سيف هو واخوه
_ اي
_ هو اخوه كلي راح اجيك بليل اني واستاذ سيف ماعرفت شيريد رحبت بيهم ومن اجوا وفاجئوني بطلبهم
_ ليش شطلبوا
_ استاذ سيف اتقدملج طلبج لزواج
_ شنوو🤤
_ اني تفاجئت معقولة غزالتي كبرت واجوهة خطابة
_ لا بابا شنو خطبة وشجابة علية
_ شنو شجابة  الولد معجب باخلاقج يكول كلش عجبتني تربيتك بصف عبالك لبوة مو بنية واني انتظرتهة تكمل اعدادية واخطبهة وهاي اجيت من الباب لا محاجي البنية ولا عندي اي شي وياهة
_ بابا اني مااريد ازوج
_ فكري بابا قابل اني راح اغصبج هاي حياة انتي تعيشين لا اني ولا امج
بس الولد مينرد استاذ متزن وخلوق وعمره موالمج وشكله ممتاز يعني مابيه عيب والكمال لله واخوه اعرفة صار سنين خوش رجال والة سمعتة بالمنطقة ليش هيج بسرعة رفضتي
_ بابا شنو مال مني تريد زوجني
_ شنو هذا الحجي بنيتي شنو مال منج اني اذا ترجع علية انتي واختج نرجوسة اخليكم بكلبي واقفل عليكم متدرين من كلي يريد يخطبج حسيت كلبي نفطر
شلون ياخذج مني بس هي هاي سنة الحياة ولا اني ولا امج دايمين الج
شنو سعاد شو ساكتة ليش متحجين
_ انت كفيت محمود كلامك مابعده كلام والقرار الغزل اني شحجي بعد
_ اترخص منكم اني رايحة الغرفتي
_ روحي بابا وفكري صح بعقلج لا بكلبج
_ ان شاء الله
رحت واني الدنيا دور حوالية شنو تقدملي سيف يعني هذا جان يحبني لو شنو ؟ وين جان هاي سنتين مضن
معقولة صدك منتظرني اكمل دراسة يلة يخطب
بابا مقتنع ومن سكوت ماما هم مقتنعة
هذا شجابة
بقيت دايخة محسيت الة على ماما يمي
_ هاا غزل شو صافنة
_ دايخة ماما
_ لادوخين حبيبتي المفروض تفرحين
_ علشنو افرح
_ سمعة ابوج واخلاقج الحلوة تخلي الكل يتمناج
_ الحمد لله ..بس مااريدة سيف
_ فكري يلة تجاوبين مامستعجلين
_ ماافكر مااريدة
_ ماما انتي موعبالج بعدج  جاهل وهذااريدة وهذا مااريدة كبرتي وكمتي تعرفين وين مصلحتج
_ ومصلحتي بسيف؟
_ لعد شبيه سيف بس انتي مستحكرتة عالشنو
الولد كامل مكمل كلشي بيه حلو ومقنع عالشنو انتي بلة ترفضيه ؟
_ تعرفين بيه مااحبه
_ شنو ماتحبيه فكري وانطي النفسج مجال
_ مااا مااريد افكر
_ ولج شجرالج هذا ازغر مني وهذا مااحبه احنة صدك منطينج مجال زايد عن الزوم كمتي تشوفين الناس بعين زغيرة شتردين يجيج حسين فهمي
_ لا هسة مو زمن حسين فهمي هذا بزمنكم هسة زمن
بوراك أوزشيفيت
_ هذا نوب منو ؟
_ ههههه لاتهتمين ميفيدج خليج على حسين فهمي
_ اشو تقلدين علية ولج
_ لا والله ماما بس تعرفيني هسة ضايجة وانتي تلحين علية
وبعدين شوكت اني اباوع على الناس بعين زغيرة
هاا ليش هيج جرحيني
_ ولج ماما مو اجرحج بس اذكرج ميصير اطلعين بالناس عيوب ولا تشوفين نفسج احسن من غيرج
_ لا ماما اني مو هيج وانتي تعرفيني كلش زين بس امير وسيف ماعندي اتجاهم مشاعر واعرف بنفسي مراح يصير واذا ارتبط بواحد بيهم راح اظلمة واظلم نفسي لان زواج فاشل
_ اني بعد ماالح عليج ولا ادخل بقرارج انتي فكري ورجعي الجواب لابوج اني مالي علاقة
_ فدوة ماما لازعين
_ لا ماما ماازعل هاي حياتج انتي قرري براحتج
اني رايحة اسوي جاي لابوج
راحت ماما وظليت افكر
ااخ كلبي  قافل عليك ميقبل يفكر بغيرك
طلعت رسوماته وبديت اتأمله
صارلي هواي ماراسمتك
قلمي يخوني من اريد ارسمك
خاف ضاع رسمك من خيالي
خاف صرت عاجزة وضاعت موهبتي بعيونك
اخذتني افكاري واخذت النوم من عيوني
ظليت كاعدة افكر
حبي الهيثم صحيح لو خطأ
واذا خطأ شلون اصححه
انساه
لو ازوج
ازووج ؟ اكيد تخبلت
شلون ازوج وعقلي وقلبي وية غيره
اكيد مااكدر
لا انساه ولا ازوج
ااااخ عقلي تعبت ااخ هيثم شجابك يمنة ليش صرت جاري
ليش حبيتك تعبت والله تعبت من كل احساس
'قيل لي  الحب ك الافلاونزة كوب شاي دافئ وحبة دواء فتشفى ..فمابالي جربت كل انواء الدواء وما زدتُ الا وجعاً وسقمى......
نمت بوقت متأخر وكوة كعدت على صوت المنبه
لو ما ساره تريد الحاجيات مني فلا اداوم
كعدت بملل
بدلت ولكيت ماما مسوية جاي
شربت جاي مالي شهية اكل
وطلعت الخط اجة ورحت للكلية
مشى اليوم عادي
حست علية ساره حاولت تعرف شبيه
بس مانطيتهة جواب
كتلهة بس مريضة ماكو شي
...مرت عشرة ايام على طلب سيف الخطبتي
كل يومين انطي جواب البابا ويكلي فكري بعد لاتستعجلين
وارجع افكر واكله مااريد
اخر شي مل مني كلي بكيفج بابا هذي حياتج اهم شي
تتخذين القرار الصحيح واني وياج باي قرار
رجع خبر لاخو سيف بعدم القبول
ارتاحيت من خلصت من هاي السالفة
اجت علينة رغد وكعدت وية ماما اني سلمت وطلعت بالصالة
واسمعهة تشكي لامي وضع هيثم
صار يومين مو على بعضه ضايج ومهموم
_ حاولي تخففين عليه خل يحجيلج
_ هو مو هيج طبعه ميحجي
ولايشكيلي
_ ليش ميشكيلج
_ اني معتبرتج مثل اختي واشكيلج
ترة اني وهيثم علاقتنة مو مثلج انتي وابو احمد
_ شلون يعني
وبدن يحجن بصوت ناصي مسمعت شي
حاولت اسوي نفسي داخلة اخذ حاجة من المطبخ
بسرعة سكتن وغيرن الموضوع
اني رحت الغرفتي أيست منهن
وبعدين شعندي اعرف بعلاقتهم اني اريد اعرف ليش مهموم
لو بس اكدر اعرف شبيه
خاف مريض
لا مو مريض جان عرفت رغد
اكيد بيه شي