لاني احبُك شاركتها اياكَ (غزل )

بارت ٢٠

صار يومين على وجود ميادة يم رغد
دام ميادة موجودة هيثم يمي ماراح
_ الله شكد حلوو هيج كله يمي
_ لا تكيفين بس تروح ميادة ترجعين مثل قبل يوم بيوم
_ اااووو خليني احلم الة اطير الحلم
_ يعني تحلمين اتخلى عن عائلتي؟
_ لا مااتمنى تعوفهم شنو ذنبهم بس هيج رغبة تملك تجيني
اتمناك بس الي بغير عالم وغير زمان
_ اني هم اتمنى عرفتج من زمان جان كلشي تغيير
_ يعني تتمنى ممزوج رغد؟
_ ههههه راح تموتين وتعرفين شلون ازوجت رغد
فلا اسولفلج
_ غثيث مو بيدك
_ كم مرة كايلج لادكولين غثيث هااا.....
ندك الباب ودخل باقر بابا خالة ميادة راح تجي
على غزل
_ ياساتر
_ دغيته هاي شبيك ... اي حبيبي كلهة هلة بيج تعالي
_ لا تغيرين ملابسج خليج هيج
_ هذا انت تحجي لو غيرك مو ماتقبل احد يشوفني بهيج ملابس نوب ميادة  مااعرفهة وثيابي فاضحة اكثر ما ساترة
شبيك هيثم
_ ماكو شي  يلة روحي بدلي البسي كونية ولا احجي بعد
_ اني البس كونية بسيطة احاسبك بعد ماتروح ميادة
_ واني حاضر وعضلي شفة
_ اكلك غثيث غثيث موبيدك
_ هاا اجيج
_ روح وين جاي ح تجي المرة
_ اي هي هاي هادمة اللذات
بدلت واجت اول مااجت طلع هيثم
ميادة_ خاف اجيت بوقت مامناسب
غزل_ لا  ماعدنة شي هلا بيج
_ صار يومين مااجة هيثم يم رغد ليش
_ لان انتي موجودة ماحب يضايقكم
_ لا عادي قابل اني غريبة بنت عمة ورابين سوة
_ ماادري  هو كال خل ياخذون راحتهم
_ خاف انتي جلبتي بيه حلالج الجو
_ حتلو حلالي الجو هو مياخذ حق وحدة
يوم الي ويوم الهة
_ هم تغارين؟
_ ماافكر حتى مااغار
_ وليش تغارين نيالة هيثم على الحسن والجمال
حقة يحبج
_ شكراً من ذوقج
_ هو هيثم يرد الروح تلوكلة وحدة مثلج خوما رغد ام الخللاكين
_ الجمال جمال الروح اكيد الشكل مايمنع الحب
_ ياحب عيني هههههه وين اكو حب بيناتهم
_ شتقصدين؟ همة مو زوجوا عن حب ؟
_ ياحب يابطيخ اكيد جذبة من جذبات رغد هي كلتلج
_ هاا لا سمعت
_ ليش هيثم مامسولفلج عن حياته؟
_ هاا اكيد مسولفلي ( اتمنيت اسئلهة بس هيثم حذرني منهة)
شوف نسيت العصير
اترخص بس اجيبه
_ لا عيني لاتكلفين نفسج
رحت للمطبخ حضرت العصير
اجيت مالكيتهة بالصالة
رحت الغرفتي شفتهة واكفة يم السرير
ولازمة ملابس هيثم وشمهم اني متأكدة شفتهة مغمضة وشمه
بس الموقف ربكني 
_ ميادة؟؟؟
_ هااا اعذريني شفت باب الغرفة مفتوح اخذني الفضول اشوف غرفتج
رغد كالت غرفتج حلوة بالعافية
_ هاا الله يعافيج
تقربت منهة وجريت قميص هيثم من ايدهة
_ عجبني العطر اول مدخلت الغرفة فشميت قميص هيثم عرفت الريحة منة
طول عمره هيثم عطره يترس البيت
عجبني شنو اسمه
_ هواي عنده عطور مااعرف شمخلي بالقميص وحتى عطر الغرفة يختلف عن عطر القميص  جاوبت بثقل
_ اااي يمكن مانتبهت ..يلة فرجيني على ملابسج شتلبسين شيحب هيثم تلبسين
_ طلبهة غريب حتى ماما ماسائلتني
ماكو شي محدد
_ شفتج من دخلت ذاك اليوم  لابسه شورت وكيمونة كلش حلواات
_ اي
_ شوفيني ثياب النووم
_ اعتذر مااكدر
_ ليش ؟
_ لان شي خاص بيني وبين هيثم
_ حقج بس اني مو غريبة ان شاء الله نصيرصديقات
_ ان شاء الله
تعالي اشربي عصيرج خليته بالصالة
_ اي
شنو ماكو شي بالطريق وتفر بايدهة
_ تقصدين حمل؟ لا ماكو هيثم ميقبل هسة
_ شعجب؟
_ يكول بعدنة عرسان والطفل ياخذج مني
_ هو يحب الجهال هو جهالي ويشمهم شم
_ ماادري هيثم هيج يحب جهالج هو وين شايفهم
_ جان يجينة بيت عمي ويبقى يمنة ويجيبلهم حاجات ومصرف بس من ازوجج كطع
_ اني ما مانعته
_ لا مو انتي بس غير علمودج
_ علمودي؟
_ شنو ماتدرين
_ شنوو؟
_ عمامه كلولة بس تزوج نتبرة منك
_ شنووو ؟
_ اي محد قابل على زواجكم
كلولة اذا تريد تاخذ مرة ثانية اخذ من بنات عمك
بس غريبة لا
_ بس اجوي عمامة بالمشية
_ اي اجة ابوية وعمي الثاني هو طلب  منهم يجون
لان ابوج كلة جيب عمامك اجوي الخاطر ابو هيثم لان حلفهم بروحه بس ماحجوا شي بالمشية ومقابلين 
_ ماادري
_ شنو مخليج بس للنوم مايسولفلج شي
_ طلعت روحي من حجايتهة بس
سيطرت  ..
اكيد  لاا بس ميحب يشغل بالي يعرفني عاطفية وانقهر
_ ااي ليش لا اكيد يخاف عليج
اي سولفيلي قبل هيثم هم حبيتي لا تستحين عادي
كلنة مرينة بتجارب
_ اني الحمد لله مامارة بتجربة
هيثم اول حب واخر حب
_ منا منا ماكوو
_ لااا مالحكت اول مافتحت عيني عليه
_ هاا ..اي الله يسعدكم
اترخص مظل وكت
_ ابقي تعشي يمي
_ لاا شكراً ماكو فرق انتي ورغد بيت واحد
_ هلا بيج
وراحت وبقى باب الصالة مفتوح
دخلت شلت الصينية للمطبخ من رجعت باب الصالة مفتوح
شفت هيثم باب الوسط البيني وبين رغد
مدخل نص جسمه بيتي
ويحجي بس شكله عصبي
رحت بسرعة بس بلا صوت
اقتربت بلا حركة وسمعته يكول الوحدة
انتي صدك ماتستحين شلون تلزمين ايد
عوفيني ترة افضحج والله
اقتربت وهو انتبه اني اجيت
قبل لا اوصل سد الباب وقفله
_ ويامن جنت تحجي
_ مااحجي تعالي ندخل جوة
_ شنو ماتحجي اني سمعتك تصيح
_ تعالي ياغزل بعدين افهمج
_ ليش مو هسة ؟
_ تعبان غزل يلة حبيبتي تعالي
اخذني من ايدي ودخلنة للبيت
ظل بالي الموقف معقولة يحجي وية رغد
وشنو يكلهة افضحج
صحاني من صفنتي هيثم
_ لا تفكرين ولاتشغلين بالج موقف سخيف
_ هيثم شنو علاقتك باولاد ميادة
_ علاقة ؟ اي علاقة ماعندي وياهم شنو هذا من سؤال
_ عبالي تحبهم وجنت تصرف عليهم
_ منو كلج هاي الخرابيط
_ محد
_ قصدج ميادة
_ اي
_ لا تصدكين شتسمعين ختولي تريد اتغثج
_ وليش تريد اتغثني
_ عوفج منهة خلتولي
تعالي شوفيني شلون تحاسبيني
_ بعدك تذكر
_ هو منتظر كل هذا الوقت للحساب وسويلي محاكمة ترة مجاي اتوب الجريمة تجري بدمي
_ اي اضحك علية بسوالفك
_ مااضحك هاي حقيقتي ويااج
يلة وج حاسبيني ......
.....
ثاني يوم الصبح اجة اخو رغد ياخذ ميادة
اني استغربت هي كالت اظل بعد ليش غيرت رأيهة
ندك باب الصالة سمعت صوت ميادة
هيثم من سمع صوتهة دخل للغرفة
اني فتحتلهة اشو وجهة ثكيل كوة سلمت
_ اجيت اسلم عليكم قبل لا اروح
_ الله يسلمج عيدي الزيارة
_ لا عيني الظاهر اكو ناس متريدني
اني بقيت صافنة
_ وين هيثم اريد اسلم عليه
_ بالغرفة هسة اصيحة
_ لا عليمن اني رايحة اسلم عليه
وراحت للغرفة اني متعجبة من تصرفاتهة
دخلت هيثم امدد على الجرباية وحاط اديه جوة راسه
من شافهة بقى على وضعة ماغيره
_ مشكور هيثم مقصرت خوش اكرمت خطارك
_ جاوب بلا مبالات..اهلاً
_ على الاقل جان انت وصلتنة ليش خابرت على جواد وخليتة يجي من الصبح
_ عندي شغل
_ خوش الله كريم
وراحت اني بقيت مثل الاطرش بزفة
كلبي يكلي ميادة عدهة شي بس من اشوف هيثم
يروح الشك تصرفاته حركاته كلامة كلة طبيعي
وبلا اي اهتمام حتى على نفس وضعة مدد واديه جوة راسه ويحجي ...
سديت باب الصالة ورجعت
_ هاي شنو هيثم شنو الصار هسة
ولا دكول مصار شي
_ شنو تردين تعرفيه
_ ليش هيج تعامل ميادة
_ هذا مقدارهة وكل شخص اتعامل وياه بمقداره
_ ماشفتهة هيج سيئة
_ بنت عمي واني اعرف بيهة
_ شتعرف عنهة
_ غزل لاتسألين عن شي مايخصج كتلج خليج بعيدة
_ شنو كلشي وكلت لا سئلين ولا تفكرين شنو اني بالنسبة الك بس فراش و ونسة
_ اولاً انتي كلشي بالنسبة الي وانتي تعرفين معزتج ومكانتج بكلبي ومن مااحجيلج مو معناهة مااحبج بس اكو امور مااحجية احسن ثانياً هاي مال مخليني بس للفراش هاي مو حجايتج غزل مالتي واعرفهة زين مو الج هاي الحجاية
واذا على الفراش هذهو خلص اذا  مايعجبج بعد ماكو
ودار وجهة على الجهة الثانية
_ كعدت بصفة ودغيتة بعكسي مو هذا قصدي
واشو انت كيفت
_ يعني افهم منج انت تردين
_ اااوو هيثم لازم اتغير الموضوع بسوالفك
خل اكوم انظف البيت احسن
.....
بدة الدوام وبديت اداوم
مضت هاي المدة ايام هادئة وحلوة
كلهة حب ورومانسية نفسيتنة مرتاحة
صح رغد اسوي حركات وتصرفات تثير غيرتي
بس تعودت اسيطر على غيرتي ومااهتم
وماحسس هيثم واضوجه اي موقف 
يثير غيرتي اتفاداه ..مااسئل اسئلة اعرف اجابتهة تغثني
مرات الانسان هو يجيب المغثة
النفسه بالتبحوش والفضول
فكمت اجنب اي شي يعكر مزاجي
مدام هيثم غامرني حب وحنان مااهتم الغير شي
وهو فرحان يكلي هيج اريدج ذكية وقوية متهزج ريح
....... بليل امددين بالسرير ونايمة على صدره ونحجي
مندمجين
فززنة صوت موبايلي يرمش
_ منو هذا هسة اتصل الوقت متأخر
_ ماادري خل اشوف خاف ماما
باوعت للموبايل رقم غريب
_ منوو؟
_ غريب
_شنو مضيع شي بهيج وقت
_ لا تهتم يلة كمل وين وصلنة
_ فلاتنسين سالفة
_ هههه بيهة حب اكيد ماانساهة
_ اي كتلج مهند عاجبتة بنت خالي فيريد يخطبهة
_ اي اريد تفاصيل
_ شعليج بالتفاصيل .ااااخ نسوان تموتن على التفاصيل
_ لعد شنو سالفة مكطمة  شنو معجب يعني يحبهة
_ اي يحبهة
_ هو ساكن بنفس منطقة خالك لو بغير مكان
_ بنفس الولاية وعنده شقة
_ هو ليش اختار هندسه تقنيات حاسوب
_ هو من زغير هيج يحب وبالخارج هيج دراسه ماشية اكثر من العراق
_ زين شوكت يخطب
_ منتظرني يريدني اسافر واحضر الخطبة والسفرة على حسابه
_ شنوو تسافر ؟
_ اي وليش لاا بلكت اشوفلي سويدية حلووة
_ حتة افكس عيونك واني شناقصني ودور حلوة
شوبلة كومي افتري خل اشوف حلوة لا
_ اعجبك غصبن عليك .وعضيتة
_ ااااخ اكو واحد يعض بالصدر
_ اي اني ومرة الثانية بحنجرتك بس دكول زوااج
_ يمة مفترسة اني مزوج مفترسة
_ اي عفية اني مفترسة ديبالك
_ ولا عبالك غزل الرقيقة
_ مودوم رقيقة مرات احتاج اصير مجرمة ومفترسة حسب الموقف
_ شووو شوفيني الاجرام ....
_ لا تغير السالفة بعدين اجرم بيك هسة سولفلي صدوك تسافر
_ هو لح وكال اخذكم يشوف الجهال لان بس كام ماتفيد يريد يشوفهم ويشوفج يريد يتعرف عليج
_ الله صدوك نسافر
_ شوكيفتي
_ اكو احلى من السفر انوب لسويد
وهم حفلة عرس وهم اتعرف على اخووك اني شايفتة بس بالكام هو خجول مو مثلك طالعة عينك
_ وج بس وياج ماتذكرين شلون جنت حباب بس شسوي انتي طلعتي عيني
_ اي كلشي ذب براسي
شوكت نسافر
_ وووين هوب هوب اشو صدكتي وراح تجمعين الجنط
بعدني يراد معاملة وتحضير يجوز منلحك للخطوبة نأجلهة على الزواج
_ اااووو حرامات
_ شوضجتي ترة موبس انتي والجهال حتة رغد تروح ويانة
_ هااا ..ميخالف اهم شي سفر
_ يعني عادي ماتغارين
_ لااا
_ خوش حتة ءأجر غرفة وحدة عليمن خسائر
ونام كلنة على السرير ..وحدة من هاي الجهة وحدة من الجهة الثانية
_ طفرت وكعدت على ركبي على السرير وتخوصرت
لااااا بلة واني هيج اعوفك
محسيت الة دفعني وجيت علية.......
.........
كثرت ترميشات الرقم الغريب والغريب بالامر يرمش بس من يمي هيثم
هيثم انتبه
اخذ الرقم اتصل عليه مغلق
كلما يرمش يخابر مغلق
بالبداية مااهتم للموضوع
وبعدين الترميشات صارت رسائل
كلهة غزل بشكلي وبجسمي
كأن واحد يعرفني وشايفني
ماكلت الهيثم على الرسائل لان جان الوضع مو مال اعكر مزاجه ..بعدين قررت اكلة...
انتظرتة يجي من رغد واكله
اجة منهة ضايج كانه متعارك ماسئلتة
لان ادري ميجاوب ويغير الموضوع
شوية وسئل
_ متصل عليج العصر ابوج
_ لااا
_ امج
_ لاا اتصلت الظهر من اجيت من الدوام ليش شبيهم اهلي
_ لا مابيهم شي زين احد.اتصل عليج العصر
_ لااا  هاي شبيك قلقتني
_ ماكو شي شبيج تورطت اسئل
ظل بالي مااعرف شبيه
كاعدين نتعشة ودك الرقم دكة كاملة
اني استغربت اول مرة يدك دكة كاملة
باوعلي هيثم هذا الرقم بعدة يخابر
_ اي ..اريد انطيه حضر
_ لاا عوفيه اريد اشوفة انطيه الجماعتي حتة يعرفوه
انطيني الموبايل
_ تفضل
_ فتحه اني مااخلي رمز لان ماعندي شي حتى صور احطهن برام واشيلهن هيثم ميقبل صور بالموبايل خاف يضيع بالدوام
بس صور وفديوات بقوري وشهودة
وهم بقوري كل شوية ياخذة يتفرج يوتيوب
لو اللعاب
_ غززل شوكت متصل عليج الرقم
_ هو مستمر يرمش على طول بس من انت يمي
بس ميتصل بس هاي اول مرة اتصل اتصال كامل
_ يعني مافاتحة خط ؟
_ لاااا ابد
_ لعد شنو هاي اتصال عشر دقائق
_ شنو اتصال اكلك مافتحت خط
_ هذا تصال العصر

ولحكايتي تتمة