ثاني يوم كعدت صحتي احسن
بس نفسيتي تعبانة
ماما اهتمت بيه وباأكلي وبعلاجي
فحسيت صرت زينة
_ ماما هيثم هم خابر؟
_ كل شوية يخابر يسأل عنج راد ياخذج اليوم الطبيب
بس كتلة ماحاجة صارت زينة هي هاي غزل ترفة من كلشي تتخربط
شعدكم متعاركين ؟
_ هو كلج ؟
_ ماكلي بس مبين عليكم لا يخابرج ولا دخل للبيت
بس كل شوية مخابرني قلقان عليج شنو معناهةغير متزاعلين ؟
_ مالهة معنة وماكو شي
_ اريد اعرف شنو الهيج خلة حالج
_ مااريد احجي بالموضوع ماما مو هسة
_ براحتج من ترتاحين احجيلي
ولاتخلين ابوج يحس بيج زعلانة تدرين يحبج بس ميقبل تزعلين حذرج قبل الزواج
_ ااااووو ولا بالي اصلاً مامفكرة اجي زعلانة
_ سهلة لا تفكرين وتنقهرين هيثم يحبج ميكدر على بعدج
_ ااااوووف
_ شبيج ؟
_ مابية اني رايحة بالغرفة ارتاح
رحت واني افكر بالصار
كلماافكر اطلع اني الغلطانة
هو مامسوة شي غلط اني غلطت بحقه
وحتى السويتة عيب
ولا عندي جرئه احجيه حتى وية نفسي
اااخ اعوذ باالله من الشيطان
صدك موقف واحد يودينة للتهلكة
طار عقلي وطير ايماني
استغفر الله
... اليوم الي ثلاث ايام يم اهلي
صحتي تحسنت بس نفسيتي تعبانة
احس بفراغ وضياع
اليوم الثالث لا شايفة هيثم ولا سامعة صوتة
احس نفسي تايهة
جسد بلا روح حتى الموقف الشفتة نسيتة
احس نفسي اريدة
اي اريدة شيسوي اظل اريدة
هو نبض كلبي وهوى ريتي
بلياه مااكدر اتنفس
..
_ ماما
_ هاا غزل
_ وديني البيتي
_ هاا راح ترحين؟
_ اي اروح البيتي
_ زين خل اخابر هيثم يجي ياخذنة
_ لااا لاتخابريه اني اريد اروح
_ انتي تعبانة مابيج مشي وابوج طالع بمكان بعيد للعصر يلة يجي
_ لا هياتة بيتنة بعد كم شارع مااتعب
-بكيفج ..الله يهديج ماما ديبالج على هيثم لاتزعليه
_ ان شاء الله
..رحت للبيت وصلتني ماما ورجعت
شفت البيت منظف ومرتب
اكيد هيثم نظفه....
من دخلت حسيت بانتماء
الهذا البيت انتمي
هذا مملكتي اني وحبيبي
لازم اجاوز الصار وانسى
بس شلون اواجه هيثم شنو تبريري للكلام الكلته اله
شنو عذري
رحت للمطبخ احضر اكل
واجة بقوري
_ هلوو غزل هاي شوكت اجيتي
_ هلوو حبيبي هسة اجيت تعال ابوسك
_ اني سالت عليج بابا كال مريضة وماما كالت راح تموتين
بجيت عليج ودعيتلج اطيبين بس بابا كال لاماتموتين صرتي زينة وفرحت
_ هو اني صرت زينة لان انت دعيتلي وتحبني
اني احبك بكد الدنية
_ واني هم احبج
بابا اليوم يظل يمج؟
_ ماادري حبيبي
_ هو يومية هنا ينام
_ بابا ينام بيتي؟
_ اي ينام هنا اول ينام يمي وبعدين يجي هنا
_ وانت شمدريك مو تنام من وكت
_ من انام هو يمي ومن اكعد الصبح الكاه هنا نايم وانام وياه
_ يعني انت تنام بفراشي
_ اي هههه
_ الة اكلك شلون تنام على مخدتي
_ لا بابا ينام علمخدتج واني انام على مخدة بابا
صفنت على كلام بقوري
شلون بغيرتي راح اطير الرجال مني
وهو يموت علية
اااخ منج غزل شكد عوبة
_ انت ماكل لو جوعان
_ امممم جوعان
_ اسويلك لفة لو تنتظر يكمل الاكل
_ سويلي لفة واروح انتظربابا بالحديقة
_ ليش بالحديقة؟
حتة من يجي اصيح بوجهة اجتي غزل اجتي غزل
_ ههههههههه حبيبي فدوة اروحلك تفكر احسن مني
يلة هاك الفة وروح نفذ الخطة
_ ااااي ..وراح يركض
اني بدلت ملابسي وانتظر
بلكت الله يجي
ساعة ونفتح باب الصالة ودخل هيثم
من شفتة حسيت بشوق وبخجل مااعرف شلون اصرف
_ السلام عليكم
_ وعليكم السلام
دخل للغرفة يبدل اجيت وراه كعدت على السرير
_ شلون صرتي ؟
_ الحمد لله زينة
اصبلك غدة ؟
_ ماحاجةاني اصب
وراح صب وكعد على المائدة بالمطبخ ياكل
_ بلة هسة شسوي
هو من ينجرح هيج يسوي اني جرحته وماادري شأسوي
خل احاول وياه مااعوفه ...
_ هيثم محتاج شي
_ لا
_ احضرلك جاي
_ لا
_ اريد احجي وياك
_ احجي
_ اني اسفة
_ علشنوو؟
_ تجاوزت عليك مجنت بوعيي
_ غزل اسألج سؤال
_ شنو
_ ليش طلعتي بذيج اليلة بالحديقة وليش اجيتي يم الشباك
_ هااااااا ماطلعت
_ لا تنكرين اني من اسأل اريد اعرف السبب لان متاكد طلعتي
_ دنكت ..بلا سبب
_ انتي جنتي مصخنة قبل لا طلعين
لو صخنتي من الشفتيه؟
_ مكدرت اجاوب كعدت خليت ايدي على وجهي
وكمت ابجي
_ ليش غزل تنزلين نفسج الهيج مستوى
انتي غزل البنت المؤدبة الشفافة الرقيقة التخاف الله
تسوي هاي السوايةوالله عقلي مجاي يستوعب
_ مو قصدي والله موقصدي
_ شنو موقصدج داخلة بالحديقة واكفة يم الشباك شنو موقصدج جنتي نايمة وماتدرين لو مخدرة
_ لااا بس مجانت نيتي اباوع بس رحت اجيب ملابس من الحبل و اخذت ملاعيب بقوري خليتهم بالحديقة
شفت الضوة مفتوح
ماادري شوداني والله موقصدي اباوع احجي واني ابجي بحركة
_ اااخ غزل ذبحتيني بذاك اليوم
_ انت شلون عرفت اني لان حجيت وصيحت؟
_ لاااا
_ لعد شلون
_ من اجيت اشوفج ردت اتاكد مو انتي بالحديقة السوة الصوت من شفتج نايمة كلش ارتاحيت مو لان اخاف من ردت فعلج لا بس لان مااريد حبيبتي توصل الهيج مستوة رذيل.
_ بجيت بعد اكثر كلامة جرحني
_ من رفعت البطانية وبستج خدج جان بارد
عرفت بيج جنتي بالحديقة حسيت اختنكت
ثاني يوم اجيت لكيتج مصخنة وتهذين وتغلطين عرفت شفتي شي خبلج
_ ثق مو قصدي اني مو هيج
_ اعرف انتي شنو بس اخاف عليج اخاف الغيرة تخليج غير انسانة ..ليش سبحتي بملابسج وليش ملابسج ذبيتيهن بزبالة؟
_ ماااادري فقدت عقلي كمت اتصرف بلا وعي
_ اكيد غسلتي نفسج من لمساتي الج موو هيج قصدتي؟
_ زدت بجي كافي هيثم دااكلك مو قصدي اشوف ومن شفتك بذاك الموقف انجنيت مافكرت ولا وعيت على نفسي
_ وهسة؟
_ هسة شنو
ا_ انتي بوعيج وفكرج
_ اي
_ شنو موقفج مني بعدني مقرف و وصخ مو نظيف
_ اكيد لاااا
_ اني متعجب شلون فكرتي هيج وشلون تصرفتي
يعني قابل اني نايم وية بنت شارع مو زوجتي وام اطفالي يعني شنو اجة بالج بس وياج انام ماانام وياهة
_ كافي هيثم فدوة كافي
عفتة ورحت اركض الغرفتي
ذبيت نفسي على الفراش
وتغطيت بالحاف وكمت ابجي
شوية واجة يمي
_ كافي بجي جسمج بعده تعبان من الصخونة
_ عوفني بلكت امووت
تقرب مني وخلة راسة على ركبتي
اذا تموتين امووت وياج
_ ليش تموت وياي انت مو بعد ماتريدني وكرهتني
_ اني مااكرهج لو امووت بس ضجت من تصرفج
_ شسوي حتى تنسى الصار
_ انتي نسيتي الشفتيه؟
_ لاااا وكمت ابجي
_ من تنسين اني انسه
_ درت جسمي عليه هيثم اني احبك
_ واني مجنون بيج بس.....
_خليت اصابعي على شفايفة .اشششش بلا بس
كافي خل ننسة مااريد نعيش هيج مشاكل وزعل
اريد اعيش وياك مثل ذيج الايام بس حب وشوق
_ اعيشج وانسيج بس لا تلحين بالغيرة
_ بعد مااغار
_ هااا ماتغارين؟
_ ااي
_ حتلو شوفيني وية وحدة
_ لااا مااغار بس اجيب سجين واقتلك
_ اااه بالسجين
_ اي لعد شعبالك مااتحمل اشوفك واعوفك
_ تدرين هسة شاتمنى
_ شتتمنى
_ اتمنى الصرصور الخلاج تكمزين وشمرج على الاستقبال
كون هسة يجي ويشمرج علية
_ ههههههههههههههه الله عليك تذكر
_ ولا ناسي احلى موقف يخبل شلون اجيتي تكمزين
عبالك طفلة تخاف مو شابة
_ وانت لا سويت صوت ولا حركة
_ اي بقيت مستمتع بشكلج الطفولي وحركاتج
حركتي كلبي بيومهة
_ وهسة انت تتمنى الصرصور
_ اي ثقي على ذاك الموقف احبه
_ ياااااي
_ هااا هاي ضيفيهة للقائمة ويااااي يعني تعال
_ اااي تعال
_ يعني هسة اني مو مقرف
_ ماادري تعال وخل اشوف
اقترب مني مرر ابهامة على خدي برقة
وعلى شفايفي وباسني ورحت وياه بغير عالم
ابتعد شوية وكال بهمس شفايفي مضايكة بس طعم شفايفج ومااريد اضوك غيرهن
أنت تقرأ
لاني احبُك شاركتها اياكَ (غزل )
Romanceاحبته حين لم يحق لها ذلك عشقته فحاربت الكل لاجله حتى نفسها فهل يكفي الحب لتجد معه السعادة ؟ تابعوها انها غزل
