البارت العاشر
بعد وداع عمامي ونسوانهم وبناتهم رحنة البيت جدي بعد مسافة ساعة عن عمامي
وصلنة البيت جدو والكل رحب بينة
خاصة بيبي وجدو كلش فرحو بينة
واحنة هماتين كلش مشتاقيلهم
بيت جدو كبير عايش وياه خالو الكبير
وخوالي الثنين الباقين جدو مسويلهم بيوت بحديقتة الكبيرة
يعني كلمن بيت بس نشترك بالحديقة
اولاد خوالي كبار ومزوجين واكو ممزوجين يدرسون
علاقتي وياهم متتعدة السلام
لان اكبر مني
مدام اني بيت جدو مااطلع الة وية ماما لان موجودين اولاد خوالي
ومن اشوفهم بس اسلم
احسن هيج الاختلاط ميجيب بس الحرام
خليني بعيدة احسن مااريد موقف امير يتكرر
همة من شافوني منعزلة وومااختلط بيهم محد تعدة حدوده
ومع الاسف ماعدهم بنات بكدي بس كبار ومزوجات وزغار بكد اخوتي ونرجس
يعني المستفيد اخوتي
التهيت وية بيبي وجدو وسوالفهم الحلوة
وبين يوم ويوم يطلعوني بمكان
يعني سفرة حلوة وممتعة وشوفة الاحباب
مينشبع منهة
بقينة عشرة ايام بيت جدو
وبابا خابر راح يجي ياخذنا بعد كافي ميتحمل وحده
اجة وبقة يوم بيت جدو
ورجعنة البيتنة ثاني يوم بعد سفرة طويلة
جنة كلش مشتاقين البيتنة
صح الكل رحب بينة وتونسنة بس مو مثل البيت
البيت مملكة
رحت كبل الغرفتي عدلتهة ومسحتهة وسبحت ونمت
امي خطية ظلت ترتب بالبيت والغراض
العصر كعدت على صوت بالمطبخ ركزت صوت ام باقر
صراحة فرحت من سمعت صوتهة طلعت غسلت وعدلت نفسي ورحت سلمت عليهة جنت مشتاقتلهم
واخذت بقوري بقيت اشم وابوس بيه افيش ياريحة الحبايب
ام باقر قربت ولادتهة هي اجيب عملية وحتجي امهة يمهة تجيب بيتهة متروح لاهلهة دكول بيتي احسن
بقت يمنة للمغرب بين سوالف عن روحتنة وعن بيتهم
ماما سألتهة عن ابو باقر جان كلبي يفرفح اي هو هذا هو هذا الاريد اعرف اخباره اريد اسمع صوتة اريد اشوفة
_ والله ابو باقر مو على بعضه
_ ليش عيني خير شبيه
_ مااعرف والله ام احمد اشو صار فترة ضايج
ويتصفن هو ممقصر ويانة وخايف علية ومداريني حتى ميخليني اشتغل بس احسه مو علبعضة هواي يتصفن واحس شي شاغل بالة
_ لاتهتمين الرجال مو مثل المرة محمل صدره هموم وميحجي و ضنكة الحياة تاخذ من حيلة وفكره اكيد شي يخص شغلة لاتخافين
_ اي اكيد..صدك ردت اسألج ابو احمد هم هادي لابو باقر سبحه
_ هاا لا ماادري سبحة شنو
_ سبحة هيج جوزي او عقيقي حجر صار فترة عندة متنزل من ايدة يكول هدية عزيزة كلت اكيد.من ابو احمد
_ امي خزرتتي وكالتلهة ماادري مكلي ابو احمد
وغيرت السالفة
اني طرت من الفرح رحت للغرفة اكمز فرحانة يعني يحبني اي والله يحبني
نوب اذكرت مرتة ونقهرت اااوف شداسوي معقولة
اااااوف
راحت ام باقر ودخلت امي
_ شنو الديصير واني ماادري
_ شنو ماما شتقصدين
_ شكو بينج وبين ابو باقر
_ كلشي ماكو ماما ثقي قابل شيصير
_ شوفي غزل ابو باقر شيلي من بالج وخاف عبالج ماحاسة عليج لة حاسة وحاسة عدل اعرف كلش زين بمشاعرج
انصحج انسيه لان مستحيل اوافق على هيج شي
وطلعت من الغرفة عصبية
بقيت ابجي ومقهورة على حالي
وتالي شلون بية
مدام امي كالت مستحيل يعني مستحيل
شبية معلقة روحي بوهم شجرة الحالي
شنو تخبلت احب واحد مزوج نوب زوجة صديقة امي
ياالله ساعدني حتى انساه
او اطلعة من كلبي
اي اريد اطلعة لازم اكدر انساه
لازم مااريد انجرف اكثر
بقيت افكر وضايجة الحد.منتبهت صايرة الصلاة ومتعدية
وماادري
كمت صليت وقريت دعاء حسيت براحة
كمت حضرت الاكل وية ماما كليت نواشف
سمعت الباب ندك طلعو اخوتي وبعد محد رجع
اني رحت الغرفتي شفت ملابسي صارت بيهم ريحة رحت للحمام سبحت بسرعة ولبست تراكي جديد جبتة جديد بسفرتنة
كلش حلو علية
مشطت رفعت شعري وطلعت ادور على ماما ماكو بالمطبخ
باوعت عالطرمة ماكو احد بالغرف هم ماكو
شنو القصة وين راحو
رحت اتقربت على الاستقبال مسمعت صوت يعني فارغ
ردت ارجع جان شفت صرصور احنة بيتنة نظيف ماما تحط اشكال التعقيم بس لان تاركيه فترة طالعة حشرات من الحر
اني من شفتة صرخت
وشمرت نفسي على الاستقبال
دخلت اصرخ واكمز واباوع على الكاع خاف يلحكني وكلما اكمز يكمز الصرصور علية
جان رفعت راسي وانصدم .......
عززة ابو باقر 😲
رفعت راسي وشفت ابو باقر كاعد ويباوعلي لا اني كدرت انزل عيني ولا هو ثنينة مصدومين بعدين هو دنك وبتسم
واني حسيت على نفسي
اني بلا حجاب جان طفرت بسرعة
طلعت ودخلت للمطبخ مرعوبة وحتى الصرصر نسيتة ولاشفتة وين راح
جان ماما تجي شايلة سلة الملابس
_ شبيج غزل ماما ليش صرختي جنت فوك اشر ملابس
وسمعتج
_ هااا لا ماكو بس هذا اجة بوجهي ونصدمت
_ منو هذا
_ هاا صرصور خرعني
_ والله ياغزل صياحج وكلبتي الدنيا علمود صرصور
_ والله ماما حسيت كلبي وكف اشوف حرامي ولا صرصور
_ هذا صياحج والرجال بالاستقبال بسلا سمعج
_ هاا يارجال
_ ابو باقر اجة على ابوج علمود شغل بينهم ابوج دخلة للاستقبال وندك الباب واحد يريد ابوج بالباب لايقبل يدخل ولايروح وبقى ابوج مشتول برة ورجال وحده نوب ذول اخوتج صدك زعاطيط واكفين برة وعايفين الرجال وحده
_ انتي ليش مكلتيلي اكو احد بالاستقبال
_ اجيت اكلج لكيتج بالحمام ..ليش خوما طلعتي
_ هااا لا بس صيحت اكيد سمع
رحت الغرفتي
يلة كدرت اتنفس عدل يمة شنو من موقف هم شفتة واني كلبي طاك على شوفتة وهم عيني بعينة وشفت الشوق بيهن وهم مفرعة استغفرك يارب اغفرلي موقصدي احد يشوفني بلا حجاب
اااوف عبالي ح نساه طلع حجي العصر وية روحي كلة
خرط بس شفتة كلشي نسيت
ماكدر انساه مااكدر بس شفتة شكو
مشاعر طلعت
عززززة وتالي وية كلبي شنو الحل
.....
بعد يومين ولدت ام باقر وجابت بنت سموهة شهد
اول يوم بالمستشفى وماما
وبابا راحولهم
وبعدين رجعت البيتهم
يمهة امهة اداريهة بس ماما مارتاحت لامهة
دكول مو حنينة عدهة قساوة ومايعجبهة شي
بهاي الفترة كمنة ناخذ بقوري يمنة حتى لايغار من اخته
ولان محد يهتم بيه
اني تكفلت اداريه اسبحه و واكله وبليل
ندزة ينام يم اهلة بس شنو
بكد ماداريته الولد تفح وردت روحه هههه
_ مادارين اخوتج هيج
_ وانتي مقصرة ماما اشو نهاركلة ايدج بحلكهم
مشوفيهم ح يطكون من السمن
_ قول اعوذ برب الفلق لاتحطين عينج على اخوتج
_ محاطة سوسو بس هذا خطية محد يداريه بهلفترة
_ اي خطية ام كلب الطيب وتباوعلي صفح
ثاني يوم ماما كالت عيب لازم اروح اباركلهة لان جابت اني كيفت طلعت من ماما مو مني
رحت بسرعة بدلت ورتبت نفسي اني صح البس عباية بس مااطلع اذا مامرتبة ارتب الحجاب والبس جوة ملابس حسب المكان الرايحيلة وحسب المناسبة
كملت ورحنة ماما دكت الباب
جان فتح الباب ابو باقر باوع لامي دنك وسلم عليهة بترحيب
دخلت ورة ماما باوعلي ابتسم
_ شلونك ابو باقر الحمد لله على سلامة ام باقر
_ الله يسلمج شكرا
دخلت ماما باوعلي مبتسم تفضلي غزولة
اني كلش فرحت من هيج سوة دخلت
سلمت على ام باقر وامهة
طول الكعدة امهة تباوعلي وكلشوية تسألني سؤال
حتى ضجت منهة مااخذت راحتي
بالاخير عرفت ليش تباوعلي
من قدمتلي عصير
_ تفضلي خالة شربي عصيرج
_ شكراً خالة
_ ماشاء الله شكد حلوة وكلشي بيج نازك
_ شكراً من ذوقج
_ اني حبيتج راح اخطبج لابني
جان اني شركت بالعصير امي ضلت ادك على ظهري ودكول اسم الله ماما
_ يا خطية خجلت البنية نوب شركت
_ خالة شنو تاخذيهة لابنج ميصير هيج تحجين كدام البنية وراهة سادس واريد عقلهة فارغ بس لدراسة
_ يا خالة وشحجيت هو اكو احسن من الزواج يادراسة مدكليلي وابني مينرد كلهة تتمناه
هاي بنتي خريجة معهد مادري شني هاي كاعدة كبالج للرجال والخلفة نوب ياريت قابل عليهة كاظيهة يتعيقل عليهة
جان ام باقر تخزرهة يوم شنو هلحجي
_ ياا هو شكلت غير الصدك فوك مازوجناه نوب هو اليتعيقل علينة
امي ترخصت منهن مارتاحت امي لام رغد
وطلعنة لكينة ابو باقر كاعد بالحديقة وبيدة كتاب يقرة وبقوري بس شافني اجة يركض
عذل عذل
حضنتة حبيب عذل تجي وياي ..هو السانة ثكيل بيه رتلة فيلفض ال ز ذ
ضحك ابو باقر كال خابصنة بعذل نوب تعبكم
ماما جاوبت لا ابو باقر باقر مثل اولادي لاتعب ولاشي بلعكس متونسين على سوالفة
وهو حاضني باقر عذل جيبيلي جبس
ههه اي اجيبلك جبس ونستلة
اي اني احبج
هههه واني هم احبك
شفت هيثم صافن علية ومبتسم
ماما ترخصت ورحنة
واخذتني رزالة الحد ماوصلنة شنو تبوسين الولد كدام ابوه وشنو دكليلة احبك متستحين
والله مجنت متقصدة غير شي حجيت بشكل عفوي بس بعد ماما شيقنعهة
بقيت اداري باقر يومية الحد ما صارت امه زينة
وام رغد زوجة هيثم فاتحت ماما تريدني لابنهة العطال بطال
ساكن الكوفيات مدمن النت والنركيلة وحاير بالتسريحة والكذلة 🙄
طبعاً المعلومات من ابو باقر من والدي كلة ماعندي بنت لزواج
ابو باقر كلة لو انت موافق اني مااوافق لان مو خوش شاب
صدك ابن عمي بس هاي حياة مولعب
فديتة لابو باقر 😍
بابا سجلني بالدورات الخصوصية بالمدرسة هي على حسابنة بس تنظيم الدورات المدرسة تكفلت بيه
وبديت اداوم اخذ احمد وياي
التقي بزمن بس تعلمت مااسولف شي خاص بيه لاحد
سمر علمتني درس سري بس لامي
ماانطي سر بعدين اصير اسيرته
خلصت العطلة وبدة الدوام واني كلشي مشفت بس
دراسة وبعدني بالبداية التعب الصدك بعدة مجاي
شديت حيلي وبذلت جهدي
حتى انجح
مصار شي مهم خلال السنة علاقتنة بيت ابو باقر
بازدياد ماما وام باقر نفسهم علاقتهم قوية
وابو باقر دخل شريك وية بابا بشغلة
بابا كلش يحبه ويأمن بيه فصار شغلهم مشترك
ابو باقر عندة وظيفة بس شراكة بالمال
بابا بدة يستشير بابو باقر ويطلعة حتى على حياتنة الخاصة لان صار الة اكثر من الاخ
وهلشي يفرحني
اما اني فنفس مشاعري اتجاهة زادت مقلت هذا الشي فوك ارادتي
اشوفة صدف مرات معدودات مجرد لمحة وهلشي ينطيني
طاقة وحافز للاستمرار
من اشتاقلة كلش واختنك لشوفتة اصعد عالسطح
رغم برودة الجو بس ابقى اباوع
البيتهم واتنفس بقوة مرة وحدة شفتة بحديقتهم
مكدرت انزل عيني ولا كدرت اوخر بس
بقيت منزلة عيوني عليه هو شافني باوعلي ودخل
مرت السنة نفس الروتين مع جهد وتعب ودراسة مكثفة الحد مااجت الامتحانات الوزارية
ودخلوا اهلي بانذار
مو بس اني امتحن عبالك العائلة كلهة تمتحن
تلفزيون ممنوع
طلعة ممنوع
سهر ممنوع
اي شي يقلقني ممنوع
اي شي يلهيني ممنوع
يعني كلشي ممنوع وهلشي اثر حتى على خواني خطية
رغم التوتر بس من اشوف اهتمام اهلي احرص
على ان اجيب نتيجة
خلصت الامتحانات والكل منتظر النتيجة
ومرة دخل بابا من الباب وصاح غززززززل
ولحكايتي تتمة
أنت تقرأ
لاني احبُك شاركتها اياكَ (غزل )
Romanceاحبته حين لم يحق لها ذلك عشقته فحاربت الكل لاجله حتى نفسها فهل يكفي الحب لتجد معه السعادة ؟ تابعوها انها غزل
