لاني احبُك شاركتها اياكَ (غزل )

البارت الثامن

البارت الثامن

_ شنوو شتقصد انت عندك مشاعر اتجاهي
_ غزل انسيني ماافيدج ولا تتعلقين باوهام
_ اني مطلبت منك شي ولا كتلك شي ليش هيج تغثني
_ اني من عرفت مشاعرج نار صارت بصدري واحس بالذنب
_ انت شعليك ليش تلوم روحك عوفني واعتبر ماكو شي صار و هو اصلاً ماكو شي صار
_ هذا هو غزل اني انسة وانتي انسي
وبقة ساكت مدنك بس حزين
رفع عينة وتلاقت وية عيني شفت الكلمات المتزاحمة والمشاعر المحبوسة المحكوم عليهة بلاعدام قبل لاتنولد
محجينة بس نظراتتة باحت بالكثير عندهاسقط الكلام ولم يعد له معنى واصبحت النظرات هي سيدة الموقف...
_ اني رايح ....راد يذكرني ويفيقني من غفلتي
رغد تعبانة وتحتاجني يمهة وباجر اكمل الدرس وراح اركز على المواضيع المهمة
_ اني بقيت مدنكة ودموعي تجري
_ كافي لاتبجين انتبهي للامتحان
_ رفعت راسي هو اني ابجي من الامتحان لعد من شنو
_ ههه ياالله ..ضحك وشفت ابتسامته ابتسمت وياه
_ خليك دائماً مبتسم
_باوعلي ارجوج لاتصعبيهة
_ انت مو تريد تروح الرغد تعبانة شعندك بعدك كاعد روح الله وياك
_ ههه انتي اكيد مو صاحية وكام
راح للباب ورجع غززل اااااا وسكت
رفعت راسي تصبحين على خير وراح

رغم قساوة وتلعثم الكلمات بس عرفت هو يبادلني المشاعر اي شفت بعيونة ووتلعثم كلامة من تصد عيني بعينه
بوقتهة حسيت نفسي طايرة وسعيدة على رغم مكان اكو تصريح ولا اعتراف بس هلشي يكفيني مااطلب بالمزيد
من هليوم اعتبرت شرارة الحب انوقدت اما تنور حياتي واما تحرقني
،،،،،،
ثاني يوم كعدت كلني نشاط وحيوية واحس الدنيا تغنيلي بس حاولت اتجنب نظرات سعاد الثاقبة بس تنظرلي اضعف و اسولفلهة كلشي فلازم احافظ على راسي يظل بمكانه لا سعاد اطيره
اجة هيثم عالموعد وانطاني درس بس محجينة اي شي بس نظرات متبادلة خلت كلبي يدك بسرعة بلا توقف
من كمل الدرس راد يطلع حاجاني بصوت ناصي حنين كأنه عنده كلام عاجز عن اخراجه
_ غززل اااا
وسكت وطلع باب الاستقبال نوب رجع
غززل انتبهي لامتحانج وانجحي الخاطري وراح.......

بكلبي كلت يمة فديت خاطرك اكيد انجح مدام انت طلبت كلشي اسوي اذا انت ردت
صار موعد الامتحان وامتحنت واني احس براحة نفسية
وخلصت الامتحانات وخلصت من الضغط والقراية
وكعدت بالبيت ومن الملل اعارك بسوسو
بابا قرر نسافر لديوانية نزور خوالي واعمامي كلهم بنفس المحافظة
وكال نظل فترة هناك مدام عطلة وماعدنة شي احنة كل عطل نروح الهم حتى يبقى التواصل بيناتنة بس همة قليل جداً يجونة
حضرنة ملابسنا وحاجياتنة الضرورية ورحنة اني اول مرة مااحب اروح كل مرة اني الح عليهم حتى نروح هلمرة غير شكل كلبي تعلق هنا مااقوى على البعد
حتلو مااشوفة بس احساس انه قريب علية وبنفس المكان احس براحة وسكينة
طلعنة من الفجر بالاول لاهل بابا نبقة يمهم كم يوم وبعدين نروح الخوالي
عمامي ثنين ساكنين بيت جدو الكبير جدي وبيبيتي متوفين من كنت بصف اول متوسط توفوا نفس السنة
وعمامي شاكر وهادي ازغر من والدي واولادهم ازغر مني
وعندي عمات ثنين وحدة بنفس المنطقةحميدة والثانية مزوجة بالبصرة نادراً اشوفهة كل كم سنة يلة تصدف نشوفهة لان مو علطول نروح البيت جدو
رحبوا بينة وفرغولنة غرفة اخذنة راحتنة بوسط الاهل وترحيب شعور حلو
بابا يومين ورجع البيتنة لان عنده شغل ميكدر يبقى اكثر
اني احب بنات عمي حبابات ومؤدبات بس علاقتنة مو كلش قوية بحكم البعد فحاولت هاي زيارتنة اقوي العلاقة وياهن
عمو شاكر عنده ثنين بنات وثلاث اولاد
سمر وسحر وعمو هادي ثلاث بنات ولد
البنات غفران وعبير ومنى والولد امير
كلهم ازغر مني الفرق من سنة وفوك حتى البنات فرق لو سنتين لو تلاثة لو اكثر
بس هذا ميمنع ان نصير صديقات
اجتي عمتي حميدة ورادتنة نروح وياهة البيتهم بس ماما مقبلت فظلت يمنة تشوفنة
تعودت على بنات عمي حلوة مجموعات ونسولف ممارة بهيج شعور اختي نرجس صغيرة فمفتقدة هيج علاقة بالعائلة بس جنت حذرة ابد مسولفت على مشاعري شكد يسئلن اكلهن ماعندي شي
بس عرفت من نظرات سمر تحب أمير ابن عمي هادي بس هو مشفت عندة شي وياهة يتصرف وياهة عادي حالهة حال خواتة
ومرة كاعدات عمتي ونسوان عمامي وامي يسولفن واني والبنات قريب عليهن جنت ارسم وهنة البنات متعجبات برسمي وكلساع وحدة جايبة ورقة تريدني ارسمهة حتى ايدي تعبت بس جنت فرحانة لان حبوا رسمي
دخل امير واحنة مجموعات
امير _ الله يستر من جمعتجن شجاي سون
سمر _ سلامتك بنات ومجموعات انت شخصك
امير_ وانتي منو يمج ام خشم
سمر _ احلى من خشمك
امير _ شو خل اشوف شسون
غزل _ دنرسم ماكو شي
امير _ اه من شوكت ذن يعرفن يرسمن
غزل _ اني ارسم دارسم البنات تريد ارسمك
امير_ هم اسمج غزل وهم ترسمين هاي شنو لعد شخليتي للبنات ....شفت سمر ضاجت
غزل _ هههه واسمي شعليه بالرسم
امير _ مو كلة نغمة ونوب يرسم
غزل _ شكرا اخي الصغير
امير _ اخوج شنو وشنو صغير مو بعينج
غزل _ هههه هاي شبيك اشو عصبت اي غير انت ازغر مني لعد شكلك يلة نعتذر استاذ امير
صاحت عمتي وهي تضحك ادري ضوجتي شلون دكليلة اخي
غزل _ لعد شكلة عمة هو مثل اخوتي
عمتي_ هاا شلون مثل اخوتج شنو القصة ام غزل انتي مكيلتلهة
ام غزل _ شأكول دادة ماكو شي ينكال
ام امير _ شلون خية هي غير موكفينهة الامير
اني هنا وكفت بيه الدنياوضليت بس فاكة حلكي شنو موكفيني لامير ومن شوكت اشو كلشي ماادري
ام غزل _ عمري شنو هذا الحجي وشلون نحجي بيه كدامهم ميصير هيج
عمتي _ ليش منحجي بيه دادة هو احنة من زغار كنالكم غزل لامير مصير الغيره
غزل _ عمة تحجون صدوك لو مسوين بيه مقلب
ام امير _ مقلب شنو عمة هو انتي لامير
غزل _ مستحيل
امير _ ليش مستحيل شناقصني
غزل _ اولاً مستحيل بابا موافق على هيج حجي وثانياً اني اكبر منك بسنتين
امير _ لا بسنة وحدة وعادي انتي ناعمة واني هسة اضخم منج مامبين العمر
غزل _ تحجي من كل عقلك
امير _ شنو شوفيني مخبل
غزل _ هلشي ميصير وين حرية الاختيار وين التوافق شنو حاجزينة من الزغر يجوز نكبر ومحد يطيق الثاني او يصير حب من طرف واحد احنة باي عصر عايشين
عصب امير وطلع
ام غزل _ شلون تحجون بهيج مواضيع كدامهم وهمة بعدهم زغار ميصير تشوشون عقولهم وسنة التجي عدهم وزاري الاول يهتمون بدراستهم