لاني احبُك شاركتها اياكَ (غزل )

البارت السادس

البارت السادس

لى ان بيوم موعد الدرس
اني بدلت ورتبت روحي لان متعودة دائماً مرتبة واغير ملابس مرتين وتلاثة باليوم احب اكون مرتبة وحلوة فكيف اذا كان البرمة يمنة اكيد ارتب روحي
_ روحي للاستقبال ابو باقر جوة
_ماما انتي روحي بالبداية
_ مااطلع هسة ماما هو جاي يدرسني لو يدرسج غير انتي تروحين
_ موزوجتة موجودة بالبداية سوالف وسلام خليني اطلع بعدين
_ مجاية زوجتة
_ شعجب فكت منة ياخة
_ خنزرت علية ..مريضة مالهة خلك
_ ممم سلامتهة
رحت للاستقبال
_ السلام عليكم
_ وعليكم السلام اهلا غزل
اني بتسمت اول مرة يكول اسمي
_ تجرءت وسألتة ..شلونهة ام باقر سلامتهة
_ الله يسلمج تعب حمل ماكو شي
_ اهاا دكوم بسلامة
دخل اخوية احمد جايب مي طبعاً اخوتي ابيض مني اني مو سمرة بس همة ابيض واسمن بكد ماسعاد توكل بيهم وخاصة احمد شوية سمين بس فطير كلش
كعد عالقنفة ويباوع علينة وساعة يصفن ساعة يدندن
واني وابو باقر ندرس
_ هسة راح امتحنج واشوف شلونج بالمادة
_ اي بس ياريت اسئلة سهلة
_ هو الاسئلة من المادة مجايب شي جديد
_ميخالف اكو اسئلة صعبة
_ ماكو شي صعب بس خلي بالج وكلشي صعب يسهل
_ ان شاء الله
_ امتحنت باوع ابتسم وكلي عفية خوش جواب اكو تقدم
_ شعجب مكتبتلي عفية اشو اليوم شفهي مو تحريري
وجان انتبه على نفسي بعديش فلتتهة
_ ابتسم وسكت
باوع على احمد شافة مسنح ومدد على القنفة ومال
_ هاا ابو شهاب اشو منعس كوم جيب كتبك واقرة يمنة
ظل ساكت اخوية
_ ابو باقر هذا مطلعي صخرة وهسة هو بواجب مالة واهس الشي
ضحك وانتبهت على سنونة هو شفايفة وردية واسنانةالاثنين الفوك بيهن فتحة خفيفة مطية الضحكتة جاذبية
نسيت نفسي واني صافنة
_ يلة غزل جيبي دفترج
_ هاا استاذ
_ هههه شبسرعة سويتيني استاذ
_ لا  مو متعودة نكول استاذ
_ ليش انتم عدكم اساتذة؟
_ لا ماعدنة بس مدرس ينطي محاضرات رياضيات لان المدرسة عدهة نقص ومدرستنة عدهة امومة
_ ينطيكم رياضيات
_ اي
_ شلونة
_ غثيث
_ ههه ليش
_ هيج احسة غثيث
_ خاف ماعندة خبرة لان مستواج جان ضعيف
_ مادري
يلة خل نكمل الدرس
طبعاً جان الدرس مريح وبلا ضغوط وفتهمت بسرعة وهو كلش مؤدب وحباب اني عبالي دمة ثكيل ومتكبر طلع كلش اريحي بس خجول ميباوع يحترم مرات قليلة رفع عينة بعيني وبسرعة يبعد عينة
استمر الحال هشكل مرات يجي وحدة ويكون الدرس مريح ومفيد ومرات وية زوجتة ويصير الدرس ثقيل وبلا فهم وبس سوالف وهوسة 
الى ان اجتي الامتحانات نصف السنة وامي عزلتني عن كلشي سوتلي جو بس للقراءة وبامتحان الرياضيات اجة ابو باقر درسني وقبل لا نكمل كلي مرتبكة ؟
_ بس برياضيات
_ ليش
_ اخاف ارسب
_ على هذا مستواج مترسبين انتي ذكية وبسرعة تحفظين بس يراد تخلين بالج بدرس
_ شكراً مااعرف شلون اعبرلك عن امتناني
_ لا ماكو داعي اشكريني بنجاحج وتبيضين وجهي غزولة وسكت فجأة
_ اني اتعجبت كلي غزولة بس هو بسرعة كام كال خل اروح وانتي راجعي الكتبتهن الج ولا تخافين ماكو شي صعب
طلع وياه احمد وصلة للباب وراح
اني بقيت اقرة واراجع و نمت وكعدت من الفجر اراجع
رحت لامتحان وامتحنت واذكرت شنو كلي وعلمني حسيت الامتحان سهل امتحنت وطلعت
_ هاا غزل بشري شلونج بالامتحان
_ الحمد لله جاوبت
_ صدوك ظل بالي كلت بسلا مجاوبتي
_ شنو القصة زمن شكلولج علية ماافتهم
_ مبين الدروس الخاصة جابت نتيجة عبالي كاضيتهة صفنات😉
_ لا  لاتخافين مكاضيتهة صفنات الحمد لله مراقبين من كل الجهات
_ هههه اويلي يابة شلون تحجيهة بحركة
_ علشنو الحركة هو درس قابل شكو
_ اي علينة ام البرمة
_ دمشي مو صوجج صوجي اني احجيلج كلشي
_ممصدكة بعد يومين ونكمل امتحانات صدوك وين تطلعين بالعطلة
_ حالياً مامفكرة فكري كلة اكمل امتحان ونشوف محمود وسعودة وين يطلعونة
طلعنة من المدرسة وجان يصير بوجهنة استاذ سيف كتلهة امشي بالعجل اني جنت مدنكة وحاضنة كتابي ولابسة جنطة صغيرة للقرطاسيه
_ هلوو بنات شلونكم بالامتحان
_  اني وزمن ..هلو استاذ الحمد لله
_شلونج غزل جاوبتي لا
_ جاوبت الحمد لله
_ اكيد
_ ان شاء الله ..اترخص استاذ
ومشينة
لكيت زمن تضحك كالت مشفتي شكلج صار وجهج ينطي الوان وحواجبج معكودة وخدوج حمر مدكليلي شبيج هيج ضوجين منا
_ هو اني متعجبة من روحي ليش هيج اضوج منه وليش احسه غثيث
_ احس استاذ ليث سالفتة وياج بيهة انة
_شلون يعني
_ مادري اصلاً منزل عينه منج
_ امشي لا تخبصين افكاري اني بلا شي عقلي مضغوط من الامتحانات
_ اي ومن اكل البرمة
_ وج يابرمة امشي