لاني احبُك شاركتها اياكَ (غزل )

بارت ٢٥

مسائكم مسك وعنبر

*******
_ بابا وين؟
_ بابا راح اخذ ماما البيت جدو
_ هااا
يلة حبيبي لاتبجي انت مو بطل وصرت جبير
شلون تبجي هسة شهودة ساكتة وانت تبجي
هسة تضحك عليك
_ مسح دموعة لا ماابجي اني جبير بس اريد ماما
_ حبيبي كم يوم وتجي ..وبعدين اكلك انت مويومية تبقى يمي من الصبح لليل امك اشوفهة بس من تنام اعتبرهة هسة هي بالبيت وانت يمي مثل كل يوم
وبابا اذا قبل تروح اني مااخليك
_ ليش غزل
_ اخاف عليك من بيبي فضيلة مو دكول كلما شوفني تضربني
_ هااا اي ..يلة همزين مارحت
غزل جوعان واريدج ترسميلي
_ يمة فدوة للرجال جوعان ...اااووووو صار شكد ماراسمه
جنت ماافارك الرسم هسة نسيته
تدلل بقوري شتحب ارسم
_ اني بالبايسكل
_ يأمر البطل
هسة اريد منك عينك على شهد الحد مااسوي اكل
لان بعدني ماطابخة تمام حبيبي
_ اااااااف ..يلة ميخالف
_ ههههه فدوة الهاي الخدود خل ابوسهن..
رحت احضر الاكل وبالي بالصار
عقلي مشتت ودايخة عبالك الصار حلم
لا على كولت رغد كابوس
اسولف وامشي الوضع على مود بقوري
الة حالتي حالة مية حسبه وفكرة براسي
نوب موبايلي يم هيثم جان خابرت ماما تجيني
او تصلت بهيثم خاف تعبان بي شي
والله اخاف عليه من بيت عمه
مااعرفهم بس من امهم مبين ناس شرانيه
وهيثم مو كدهم
شنو قصة هيثم ورغد ليش هيج علاقتهم
مو متوترة لا خربانة
ومو من زواجنة قبل زواجنة
عفية هيثم شكد اضم وتستر على رغد
شكد انسان محترم زوجتة سيئة وصابر عليهة ومايحجي عنهة بسوء
ابد محاجي عنهة بسوء
ااااخ كتلني الفضول اريد اعرف كلشي عنهم
..خل اغدي الجهال شنو ذنبهم تبهذلوا خطية
صار العصر وهمة بلا غدة
نوب هيثم اكيد بلا غدة سودة علية شصار بحالة
....غديت الجهال ونظفت البيت
ولعبتهم ورسمت الباقر
بس بالي فلا ارتاح مشغول ويفكر
صار الليل وهيثم ماكو نوب لا موبايل اخابر
واطمئن ولا اكدر ادز على اهلي
الجهال تعبوا اكلوا ونامو
نومتهم بسريري
...افكر وسارحه وسمعت صوت الباب الرأيسي نفتح
باوعت من الشباك هيثم
دخل سيارته
انتظرته يسد الباب
ورحت ركض عليه هو شافني نزل من السياره
وظل واكف اني كبل شمرت نفسي بحضنه
حاضنتة حيل واشم بصدره
_ موتتني وين صرت
_ ليش هيج قلقانة
_ خفت عليك
_ من شنوو؟
_ من كلشي خفت... على صحتك
ومن الطريق ومن بيت عمك
_ بيت عمي شنو شحدهم يسون شي
_ تعال للبيت حيلك مهدود
_ اي ميت تعب
_ اسم الله عليك هسة اسبح واعشيك ترجع زين
_ اااخ غزل تعبي ميروح لا بسبح ولا بعشة
_ لا دكول هيج امووت من اشوفك هيج وضعك
ارجع مثل قبل كلك حيوية وحياة وابتسامتك
مالية البيت حتى اطفالك يردوك مثل قبل
بقوري مشتاق الهيثم القديم
_ انتي ليش هيج؟
_ شنوو شبية؟
_ ليش هيج طيبة وتسامحين
_ لان انت طيب الله انطاني الك
_ مااستاهلج
_ شنو هذا الكلام
_ جنت اعلمج على الثقة طلعتي انتي الاستاذ واني منج اتعلم
اعلمج على النباهة صرتي انتي الذكي واني الغبي
اعلمج على الحب لكيتج بحر واني قطرة بيه
اااخ غزل تعبي انتي مو احد غيرج
انتي تعبي
بالاول فراكج ذبحني وهسه وفائج قضة عليه
_ كمت ابجي كافي هيثم حجيك يذبحني
شبيك شجرالك شو حجيك غريب
تعال ياعيني
حقك كل هاي المشاكل اثرت عليك
_ لا ثقي صحتني
غزل اني مااستحقج روحي اني اعتقج من حبي
كملي حياتج وية انسان غيري يقدر قيمتج
_ لا صدوك تعبان وكمت تخربط
مو انت ثوب انزعك واشوف غيرك ..تعال ياعيني الظاهر عندك هبوط وتريد تسويلي دراما
_ شنو اني احجي صدك
_ اي اي ميخالف كمل عشاك واشوف غيرك هسة
ارتاح وبعدين اغيرك
_ اشوفيني طفل وتاخذيني على كد عقلي
_ اي طفلي الكبير المدلل المتعبني
تعال اكعد بحضنك واوكلك بس طفلي اني عكس الاطفال اني اكعد بحضنه مو هو بحضني
_ امممم خل نأجل التغيير لا هسة تغيريني
_ هههههه تمام بعدين اغيرك بعد مية سنة
_ الاطفال ناموا ؟
_ اي قبل لا تجي بنص ساعة
_ بجوا علية
_ بس بالبداية بقوري بجة بعدين كتلة رجال البيت شلون يبجي بسرعة مسح دموعة وسكت
_ حبيبي مشتاقلة
_ هو هماتين مشتاقلك
_ شكد اتمنى انتي امهم من زوجتج هواي باقر تغير
صار احسن بكلشي وهواي يحبج
_ اني امووت عليهم بس مو احسن من امهم ماكو احسن من الام
_ لااااا اكو ااااخ
_ يلة شلون طفل متعب تعال اني اسبحك خاف ماتنظف نفسك
_ رفع تك حاجب الغي سالفة التغيير
ولا تفكرين بيهة
_ هههه تدلل
_يلة هسة راح ارجع نشاط بس سبحيني ....
..........
من أجمل اللحظات التي قد تحصل في الحياة، هي لحظة اللقاء خاصة بعد فراق طويل وبعد أن فقدنا الأمل بالرجوع، فترى هناك مشاعر الحزن والفرح ممزوجة بدموع الشوق وألم الفراق
لحظات مع الحبيب تنسيك كل الم وحزن السنين