البارت السابع
كان موقف محرج بالنسبة الي اني حريصة مالفت انتباهة بنظراتي لان طول الدرس احاول مااباوع بعيونه لان اذا باوعت مشاعري ح تنفضح وهشي مااريده اريدهة اظل بداخلي دفينة اسلم للكل
نظرات هيثم من شاف الكراس كانت مرتبكة وبنفس الوقت مذهولة
بعد سكوت لدقائق
_ غززل خلص الدرس اليوم وكام....احمد شوفلي الطريق اريد اطلع
وخلة الكراس على الميز وكام اني بقيت كاعدة و مدنكة
ولا رفعت راسي
من طلع احمد
رجع قريب علية وكال هذا خطأ غزل خطأ
وطلع
اني متت حسيت اريد اموتة لاحمد على هذا الموقف السخيف بس سمعت نسد الباب رحت ركض على احمد ردت بس الزمة وصحت بصوتي اااااحمد
هو من شافني صرخ وركض الماما
_ وج ماما لحكيلي غزل تخبلت
_ وين تروح مني اليوم
_ هااي شبيكم شنو هذا الصياح غزززل شبيج تخبلتي تركضين ورة اخوج
_ ماما فدوة بس خليني اكتلة فدوة
_ شبيج هيج عصبية ولك شمسوي الاختك هيج معصبة
_ مسويت شي والله بس جبت الكراس لابو باقر
_ ياكرس ؟
_ كراس غزل مالت الرسم اني اخذتة لابو باقر
_ ليش اخذته ومنو سمحلك
_ هو كال تعرفين ترسمين هي مجاوبتة اني ردتة يشوف شلون رسمهة حلوو
_ شلون تصرف منكيفك وبشي ميخصك روح هسة وحضر نفسك للعقاب
وانتي غزل شدعوة هاي العصبية ؟
_ ماما محبيت احد يشوف رسماتي
_ يلة عادي مصار شي قابل انتي شراسمة
_ ها مراسمة شي عادي بس خاصة بية بنات واشياء خاصة
_ ديلة ماما لاتكبرين الموضوع
بعد هذا الموقف دخلت بغرفتي وشبعت بجي حسيت نفسي تافهة وهسة شيكول علية شنو من صورة نطبعت بالة علية واني راسمته بنظرات جريئة وبصفه قلوب وكاتبة البرمة
بقيت ايام واني اكل بروحي مااعرف شنو بالة علية ومخليت ماما تحس بية او اوهمت نفسي ان ماما محاسة اكيد حاسة بس منتظرة اني احجيلهة ..مستحيل احجيلهة شكول شحجي اسكت احسن
بيوم موعد الدرس اجت ام باقر طلعت سلمت عليهة واني خجلانة منهة مااعرف حسيت بخجل وذنب
بس هي عادي مكأنهة ماتعرف شي
بقيت اروح وارجع اسمع حجيهة هي وماما العرفتة ميجي اليوم عنده شغل شي توقعتة ان ميجي
وبقيت كاعدة قريب عالمطبخ بس ميشوفني حتى اسمع اكو شي او حاجي شي
الحد مسمعت ماما تسألهة شلون تعرفت على ابو باقر
طبعاً اني قبل طلبت من ماما تسألهة بس ماما مقبلت كالت شي ميخصج ليش تسألين فبدت ام باقر تحجي الماما
_ ابو باقر ابن عمي ..هو واخوه مهند اصغر منه عايشين ويانة من عمر ابو باقر ست سنوات واني ثلاث سنوات واخوه بكدي هم ثلاث سنوات
_ شعجب عايشين وياكم
_ ابوه كان ضد النظام السابق وبيوم باليل اجو عليهم الرفاق والقوا عليه القبض هو ما قاوم كان متوقع يجي هذا اليوم بس زوجته تخبلت بقت ادفع بيهم وتصرخ
واحد من الرفاق ضربهة بظهر السلاح حيل على صدرهة حتى يبعدهة عن طريقهم واخذوه ولليوم منعرف وين بس وصلتنة اخبار واجةاسمة من المعدومين سياسياً
_ خطية والله قصة توجع وبقت امه يمكم
_ امه خطية بعد الضربة قوية بصدرهة هملت نفسهة وبقت تركض هي والدي عالواسطات بلكت يعرفون مكان زوجهة
الحد.ماتعبت صحتهة كلش وبعد مراجعات اطباء طلع عدهة التهاب قوي بمكان الضربة متمزقة انسجة ومتضررة المنطقة كلش من الضربة مطولت شهرين وماتت
_ يايمة شلون مصيبة خطية الله يساعدهم
_ بعد بقو ويانة عاشوا حالهم حالنة
_ واكيد حبيتوا بعض
_ هااا اي حبينة بعض بعد هو ابن عمي ومن الزغر كدامة اكيد يصير حب بيناتنة
اني من سمعت قصة حياتة كلش نقهرت عليه ودموعي بدن يجرن بلا وعي شلون مأسات واحد يخسر امه وابوه بنفس الفترة
بس بقة بالي جوابهة لامي عن حبهم ركيك
......
مرت الايام واني مشايفة هيثم ولا يجينة وبوقت الدرس يطلع عذر وميجينة مرات اشوفة من اطلع للمدرسة بس يشوفني يباوعلي وبالعجل يرجع للبيت ويسد الباب
حسيت نفسي مكسورة بس كلشي بية يريده ومشتاقلة
.....
سمعت بابا يسولف الماما لازم يحطلي مدرس للرياضيات وان ابو باقر عندة شغل ومنريد نكلفة بزايد
ماما ايدت بابا وبدة بابا يدور على مدرسة بس محصل نوب اتفق وية استاذ ... ؟
بيوم الدرس الموعود حيجي استاذ ..؟ايدرسني
اني جنت كارهة هلشي ولا حابة ادرس على امل يرجع هيثم يدرسني بس بابا اصر اخذ درس رياضيات حتى انجح وراد الدرس يمنةبالبيت محب اروح اني للمدرس بس محصلنة حلقة درس لان الكل مسوي حلقات بالمدرسة
كال والدي ادرسي كم درس الحد منشوف بنات وياج
صار موعد الدرس وتحضرت ندك الباب وبابا راح يفتح
وسمعته رحب بالاستاذ ودخلة
اني لبست عباتي ورحت دخلت عليهم
_ السلام عليكم
_ وعليكم السلام
😲😲 استاذ سيف
_ اي غزل اني شنو متدرين
_ لا استاذ
بابا جان كاعد عالصفحة مراح للشغل لان المدرس غريب
وشاب
اني اذا ذبحوني متلكون بية قطرة دم بين متفاجئة وبين ضايجة وبين متسائلة هذا شجابة علينة !
_ يلة غزل طلعي كتابج ودفتر
طبعاً نفس درسنة بالمدرسة بس حركز على كم موضوع واعيد الشرح الحد متفهمين اوك غزل
_ هزيت راسي بالموافقة
بدة الدرس وحسيت اختنكت كوة منتبهة الة بس كدرت افهم شرحة مُكرهة اخاف من بابا يشك بية
كام بابا يجيب عصير
_ شلونج غزل
_ الحمد لله
_ صار هواي مشايفج
_ لا مو هواي هنة بس سبوعين من انقلت
_ شو عبالك هواي
اني دنكت ضايجة
_ تلوكلج العباية عاشت ايدج زين سويتي
_ شكرا
_ شلون اجيت علينة
_ مااجيت اني والدج هو اجاني وطلب مني ادرسج
اشو عبالك ضايجة
_ هاا لا بس متفاجئة بابا منين يعرفك
_ يعرفني موووو
جان بابا يدخل وغير الموضوع للدرس
تفضل استاذ سيف اشرب عصير وضوك كيك ام غزل اكيد محتخلي شي بالماعون
ضحك كال اني اعشق الكيك وباوعلي بلا ما بابا ينتبه
اني روحي طلعت من هيج كال
بقيت مدنكة ولا رفعت راسي ولا شفتة
حتى من يشرح بقيت مدنكة
خلص الدرس وطلع اني بقيت عالكعدتي مكمت وراه مو مثل هيثم اوصله الباب الكليدور لا ظليت كاعدة هو كام بقة يتنحنح وطلب من والدي يشوف الطريق طلع بابا
_ اني رايح غزل محتاجة شي
_ سلامتك قابل شحتاج
_ براحتج ..وطلع
بقيت بالاستقبال الى ان اجت ماما هاا غزولة شلونة الدرس
_ جنتي تعرفين بيه سيف؟
_ يا سيف
_ الاستاذ الجابه بابا هو نفسه سيف
_ اااه صدوك ولا ادري
_ شلون متدرين ؟
_ كال اكو استاذ اخو صديقي بنفس منطقتنة بس يداوم بغير منطقة كال هو مياخذ دروس بس علمود ابوج قبل وابوج رادة لان كلولة كلش خوش انسان وشاطر بالمادة
شمدريني طلع سيف هو مو يداوم بمدرستج
_ انقل صار سبوعين واجت بدالة مدرسة
_ خوما ضوجج
_ لا بس تعرفين بية مااحبه
_ جان يدخل بابا
منو هذا الماتحبينه ؟!!!!
_ اني وماما 😲
_ هاي شبيك يارجال ادري تنحنح كح جفتت علينة وخرعتنة
_ ليش انتن وين كاعدات واتنحنح انتن بالاستقبال مو بغرفجن ومنو هذا المتحبه غزل
_ بابا قصدت الرياضيات
_ اي بكد ماالح عليهة تقرأ بزعت دكول مااحبة
_ بابا 😒
وطلع من الاستقبال
وماما بقت كل شوية دغني وتخزر دكلي ام السان السانج اطول منج نوب تاليهة نجذب عالابوج ......
ثاني يوم داومت عادي وشفت زمن وسولفتلهة تعجبت
_ وج متعجبة هو استاذ سيف حتى للمدرسة من طلبوه ينطي بعد الوام وباجرة مقبل ينطي درس ليش قبل الج ونوب وحدج يعني شغلة مصرف
_ ماادري
_ وانتي ليش دايخة بموضوع الدرس ليش مدرسين ويانة هي ساعتين بعد الوام بالمدرسة والمدرسة هي مخصصة اساتذة ومبلغ مو هواي
_ اي موكتلج بابا ميقبل يكول صعبة ارجع للمدرسة الظهر وحدي وارجع وحدي اخوي احمد عندة دوام ظهري و واجبات مااكدر اجيبة وياي
_ لعد شلون بيج بالسادس
_ الله كريم للسادس هسة خل انجح من الخامس
.......
مرت ايام عادية واني لسة مشفت هيثم وكلما اطول المدة اشتاقلة اكثر ﻛﺬب
ﻣﻦ ﻗﺎل : اﻟﺒﻌﻴﺪ ﻋﻦ اﻟﻌﻴﻦ ﺑﻌﻴﺪ ﻋﻦ اﻟﻘﻠﺐ ! .... فما أرﻫﻖ ﻫﺬا اﻟﻘﻠﺐ ﻏﻴﺮ ذاك اﻟﺒﻌﻴد.......
أنت تقرأ
لاني احبُك شاركتها اياكَ (غزل )
Romanceاحبته حين لم يحق لها ذلك عشقته فحاربت الكل لاجله حتى نفسها فهل يكفي الحب لتجد معه السعادة ؟ تابعوها انها غزل
