_امك حامل؟
_ اي بيهة اخوية اني مااريد بنية كتلهم اريد ولد
_ اني حسيت بنار بصدري
شنو حامل احجي وية نفسي
اي حقهة تحبل بس شنو شبسرعة شهودة زغيرة
شنوو شهودة زغيرة
كولي غرتي غزل كولي ضجتي لان حبلت
شلون حبلت
ثول شنو شلون حبلت قابل من الهوى
اكيد من هيثم
اي من هيثم
اااااخ ياهيثم
ليش مرادني احبل مخليني للونسة
وذيج اصير ام اولاده
عفتهم يلعبون ودخلت للغرفة صدعت ماادري صخنت
عزززة العزة الغيرة شكد توجع الفاد
شجاني مو على اساس قوية ومااهتم وعقلي جبير
طلعت ابيع مثاليات على روحي
لاقوية ولا مايهزني ريح
نهزيت بنفخة
ظليت بالغرفة على السرير
ماحسيت بنفسي نمت من الصداع
كعدت الدنيا ظلمة والجهال رايحين والباب مفتوح بعدني ماكايمة واجة هيثم
_ هاي شنووالبيبان مجلكة وانتي بالجرباية
شنو متحضرة الية على الموعد.....اقترب مني وبوسني
اني بادلته لان مشتاقتلة
بس ضايجة
_ شبي حبيبي مبوز
_ مابية وخر خل اكووم
_ واني لازمج مادكومين
_ اي شلون اكوم وانت حاضني وخر
كمت اعدل بروحي وامشط بشعري
كام يمي شبيج احسج مو على بعضج
_ مااكلك مابية لان بية
_ شكوو شصار
_ رغد حامل؟
_ اي حامل
_ بياشهر
_ بنهاية الرابع او بداية الخامس
_ صدوك ؟
_ اي
ليش ماكتلي
_ وليش اكلج
_ هااا يعني مو مهة اني
_ حبيبتي ليش تهتمين ومكبرة الموضوع
شي مايخصج ليش ماتعزلين حياتج عن حياة رغد
_ ماتنعزل لان البيني وبين رغد قاسم مشترك انت ..
_ عيشي حياتج وانسي رغد هي هم عدهة حياة
_ ليش اضم علية
_ مااضم عليج وهوشي عادي وجانت عدج كورسات وقبلهة مشكلة ميادةماردت اضوجج ولا اخليج تفكرين
_ ليش من اكلك نسوي طفل متقبل
_ لان كتلج اريد نعيش اني وياج على القليل سنة سنتين
يلة نسوي طفل وانتي قبلتي واقتنعتي
هسة شنو الاختلف؟
_ مااااا اريد طفل
_ ههههه يلة نسوي باجر اجيج ونسوي
_ اي ابقى اضحك علية
_ ليش اضحك عليج انتي شتردين اسويه بس بطريقتي مو بطريقتج
_انت مو كلت مااريد بعد طفل ليش سويت
_ صار خطأ
_ خطأ؟
_ كافي غزولة ليش تاذين نفسج والله انقهر من اشوفج تفكرين زايد
هياتني يمج واكلج احبج صار عندج طفل اولا
واذا صار لايزيد ولايقل حبي الج بس اريد نأجل لان الحد هسة مااحس شبعت منج اريد امل منج يلة تحبلين
_ واذا ما مليت شلون
_ اي هو اني ماامل منج منو كلج ناوي امل
_ هااي شنو مو اكلك تضحك علية
_ هههههههه نوب مكيفة تريدني امل منهة
كل هذا لان رغد حامل اااخ من غيرتج
نااار وراح تحركني
_ اضحك ليش لاااا تروح هناك مدلل وتجي يمي مدلل والقهر اموتني
_ اي مدلل
يلة كافي ارجعي غزولة حبيبتي التحبني ومشتاقتلي
_ شعذبني غير حبك
........
ثاني يوم يومي دانتظر هيثم
اجة باقر وشهودة يمي
_ احنة راح نروح احنة وبابا
_ وين ترحون
_ ماادري
شوية واجة هيثم سلم
_ حبي راح اخذ رغد مالهة خلك اليوم ديبالج على جهال ومااتأخر
_ ااي
بس ضجت
بعدهم ماطالعين بقوري كام يبجي يريد
يروح وياهم كتلة شوفهم طلعوا لو بعدهم
وشهودة هم كامت تبجي
طلعت الموبايل تتفرج فيديوات مالاتهة هي واخوهة
نوب كامت تسوي حركات تريدني اصورهة
اخذت الموبايل وبديت اصورهة فيديو
وهي عيارة تسوي حركات اني علمتهة
الهن وحافظتهن يومية تعيدهن بالتصوير
حسيت بفتحت باب الصالة واني اصور و بقيت
ايدي شايلة المبايل ..شفت رغد دخلت
اجتني للغرفة اني بهتت
شعجب جاية ولا مرة من زواجي الهسة جايتني
بس متغيرة شكلهة ذبلان وحركاتهة غريبة
حتى نظرة عيونهة بيهن نظرة مااعرفتهن
لو هيثم هنا بسرعة عرف لان هو ذكي يعرف يفسر كل حركة
نزلت ايدي البيهة موبايل
غزل_هلا ام باقر شعجب منج من غيرج
رغد_شنو بيت زوجي وادخلة قابل تمنعيني
_ لا مامنعج بس استغربت
_ سمعت بيج ضايجة كلت خل اشوفهة بينما هيثم يطلع السيارة
_ لاا مضايجة... وماادري يهمج امري
_ ليش لااا العشرة ماتهون بيناتنة عشرة موو غزل؟
_اخذت نفس ودنكت ..شرايدة
_ كتلج سمعت بيج ضايجة ..شنو غرتي لان حملت
_ لااا شعندي اغار
_ اي اكول شنو ماتوقعتي احبل لو عبالج
هيثم بس ينام يمج وماينام يمي ..بيج خير احبلي
وغثيني مو هاي اني حبلت بس حتة اغثج...
_ نهتت قوي شنو المطلوب رغد شرايدة
_ اريد اخلص منج
_ نعم ؟
_ حاولت اخلص منج بس ماكو جربت اثير غيرتج
جربت طرق جربت اخلي يشك بيج
حجيت كدامة اشكال عنج مافاد
كام يحبج اكثر
تدرين شاحس من يحبج احس اريد اشوفج تموتين كدامي
_ ليش هيج تكرهيني
_ اي اكرهج من اول يوم شفتج بيت اهلج كرهتج
ونوب اخذتي شي يخصني شي ملكي
_ شنو ملكج هيثم سلعة وملكج
مو انسان عندة احساس ومشاعر وارادة
_ كامت تحجي وترجف نوب هي شكلهة تعبان
اكلج اخذتي مني هو يحبج الج
وصعدت على الجرباية
_ شدسوين رغد انزلي لاتوكعين وانتي شكلج تعبان
_ اريد اخلص منج
_ شلون تخلصين مني وانتي على الجرباية
دنزلي واهدي واني اروح الاهلي
_ شنو عبالج اني مخبلة لو هيثم كلج علية مخبلة ودكليلي اهدي
_ مكلي شي وانتي مابيج شي بس تعبانة
انزلي
_ وج اريد اخلص منج ..ماحسيت الة بكل قوتهة
وشمرت نفسهة للكاع على بطنهة
مثل المخبلة اني من شفتهة
تخبلت هاي شجرالج تخبلتي اكو واحد هيج يسوي بروحة
كامت تتالم كلش وكلما تتالم تصيح هيثممممم
هيثمممم الحكلي موتتني
هيثممم كتلتني غزل
اجة باقر يركض شاف امه تبجي وكلهة دم وتصيح وكلتلة اركض صيح البابا
غزل كتلتني هو شاف امه كام يبجي وراح ركض لابوه
اني انخرعت من الموقف والحجي الحجتة بحياتي مشايفة هيج اخبال موقف مرعب هي تصيح وشهودة تخبلت بجي
أنت تقرأ
لاني احبُك شاركتها اياكَ (غزل )
Romanceاحبته حين لم يحق لها ذلك عشقته فحاربت الكل لاجله حتى نفسها فهل يكفي الحب لتجد معه السعادة ؟ تابعوها انها غزل
