The Prince Who Bit The Poisonous Apple (Prince Series #3)

Chapter 12

Chapter 12

Lason

Nang utusan ko si Wayto na kumuha ulit ng snacks, mabilis kong ininom ang alak na iniwan niya.

Agad kong itinago ang bote sa likuran ko nang makita kong pabalik na siya. I smiled at him sweetly with my wide arms waiting for him.

"Wayto, kalong." Lalong naningkit ang chinito niyang mga mata nang titigan niya ako bago ito nagsimulang maghanap ng bote ng alak sa pwesto niya kanina.

"Ang tigas ng ulo mo Olbes, ininom mo lahat 'yon? Paano kita iuuwi sa inyo? You're damn drunk."

"Oh, hindi ah?" hinablot ko ang snacks mula sa kanya at nagsimula akong kumain.

Sa totoo lang umiikot na ang aking paningin, masakit na rin ang ulo ko pero hindi ko maipaliwanag ang saya ko sa mga oras na ito na parang ayaw ko munang umalis dito.

Tumabi siya sa akin at nanatili lamang siya sa panunuod sa akin.

"Am I pretty?" I placed one of my hands below my chin and I gave him my smile.

"Yes," lalong lumawak ang ngiti ko sa aking mga labi nang hindi man lang ito kumurap sa pagsagot sa akin.

"Pogi mo po," mabilis akong nakapalapit sa kanya at humalik sa kanyang mga pisngi.

Tawa ako nang tawa sa harapan niya habang nanatili siyang nakatitig sa akin, bahagya niyang hinawakan ang pisngi niya na hinalikan ko.

"Mas malambing ka kapag lasing Olbes."

"Oh? Malambing naman ako lagi sa'yo Wayto. Madalas ka lang gago, kaya nag-aaway tayo."

"Ako gago na naman?" natatawang sabi nito. "Nag-iisip ako kung paano kita iuuwi sa mga Olbes, baka barilin ako sa inyo. I should call my bodyguards, para may kasama ako sa paghahatid sa'yo."

Napapalakpak ako nang marinig kong sabihin niya ang tungkol sa mga bodyguards niya.

"Yes, I almost forgot your seven dwarves!"

"W-What? Seven what?"

"Your seven dwarves! Sila ang tumulong sa'yo nang malason ka ng mansanas sa palengke. Very funny, it was like a real life snow white." Bigla kong naalala kung paano siya pinagtulungang buhatin ng mga bodyguard niya noon.

"Bakit hindi na sila nakabuntot sa'yo?"

"I had an agreement with my grandfather."

"Agreement like?"

"I'll try to be good, kapag wala siyang nabalitaan na problema na konektado ako tatanggalin niya ang kanyang pitong goons na lang nakasunod sa akin." Ilang beses akong tumango sa sinabi ni Wayto.

Kung sabagay, hindi na rin ako nakakarinig ng iba't-ibang issue na kasama si Wayto nitong nakaraan mga buwan.

Wala rin ako nagbabalitaan na may nagtangka sa buhay niya, dati ay halos buwan-buwan ay may gustong bumaril dito.

"So you're really a good boy for these past few months."

"Well, may iba na akong pinagkakaabalahan. And I think it is quite better."

"Pinagkakaabalahan?"

"It's you, of course babe." Ngumisi ako sa kanya at eksaherada kong hinawi ang buhok ko.

Humilig ako sa balikat niya at ilang beses kong tinapik ang dibdib niya.

"Of course, ikaw ba naman ay may jowable na girlfriend. Makakalimutan mo nang maging gago sa paligid." Narinig ko siyang bumuntong-hininga sa sinabi ko.