The Prince Who Bit The Poisonous Apple (Prince Series #3)

Chapter 30

Chapter 30

Fear

For the first in my life I left home early for school. Hindi dahil maaga akong nagising, kundi hindi ako nakatulog sa text ni Wayto. I replied at him and I even called him twice, pero hindi ito sumasagot.

Paano ako makakatulog pa? And what was that sorry about? That gago! Sinira niya ang beauty sleep ko.

Dahil malaki ang eyebags ko, pumasok akong may shades. Wala akong pakielam sa mga estudyante na napapatingin sa akin. Parang hindi na sila nasanay sa kagandahan ko?

Sa halip na magpunta agad sa classroom, pinili ko munang pumunta sa coffee shop para magkape. Hindi na ako nakapag-almusal dahil sa kalokohan nitong si Wayto!

Since hindi ko schoolmate si Tanya at August, dalawang babae lang ang kilala ko na masasabi kong kaibigan dito. Hindi ko alam kung kaibigan ba talaga ang turing nila sa akin o baka assuming lang ako dahil parang napipilitan lang silang sumama sa akin, sobrang layo ng ugali ko sa kanilang dalawa. But I find them harmless, kaysa naman sumama ako sa mga insecure na babae rito sa campus.

At isa pa, sigurado akong nandito na silang dalawa sa school, masipag at nag-aaral talaga sila. I messaged Euphie and Aurelia na kung pwede ay samahan nila ako, silang dalawa ang masasabi kong model student. Hindi ko yata nakita ang mga itong lumandi kahit may mga boyfriend na.

Though, I was not really expecting na pupunta sila. Pinagpatuloy ko ang pag-inom ng kape at habang nakatanaw ang mga mata ko sa may pinto ng coffee shop, biglang napataas ang kilay ko. Sabay pa na dumating si Aurelia at Euphie, kung sabagay nasa iisang building naman yata sila. Aurelia's taking nursing while Euphie's dentistry.

Sila ang kilala ko na kahit medyo maarte ako hindi nila ako bina-back stab, hindi gaya ng mga babaeng insecure na nagkalat, well... kung sabagay kahit iyong boyfriend ko alam ko namang bina-back stab din ako.

"This is rare..." naunang magsalita si Euphie.

Naupo silang dalawa ni Aurelia sa harapan ko, sobrang pino ng kilos nila, napakahinhin talaga ng dalawang ito.

"I'm sorry, Autumn, if this is all about the election. Hindi ko masasabi kung sino pa ang iboboto ko." Ngumiwi ako sa sinabi ni Aurelia.

"It's not about the election. Kakainis naman kayo, e. Palibhasa magaganda ang love life n'yo." Umirap ako kay Aurelia. Tipid siyang natawa sa reaksyon ko, gano'n din si Euphie.

"About White? That bully." Ngusong sabi ni Euphie. I remembered during our school foundation, nakita kong nagpa-picture si Wayto kasama si Euphie no'n. Sinabi sa akin ni Euphie na ginamit daw siya ni Wayto para magselos ako.

Pretty bad, hindi ako nagselos no'n. Gago siya.

"Ano ba ang problema?" tanong ni Aurelia.

"We're starting to inform our families about our relationship, nagsimula na kami sa mga Arellano."

"Hindi pa ba nila alam? Buong campus alam na kayo ni White, hindi ba?" tanong sa akin ni Aurelia.

"Talaga? Gano'n kami ka obvious?"

Pansin ko na kapwa nagkatinginan si Aurelia at Euphie bago sila sabay na ngumisi. Alam ko naman na marami nang nakakaalam na kami na ni Wayto, pero buong campus talaga?

"Anyway, may itatanong pala ako, kapag ba nag-sorry sa inyo ang mga boyfriend n'yo ano ang ibig sabihin?"

"May ginawa siyang mali." Mabilis na sagot ni Aurelia. Tumango lang si Euphie.

Hindi na ako nakapagsalita pa sa narinig ko. Alam ko rin naman kung anong ibig sabihin ng salitang sorry, ang hindi ko lang maintindihan o tamang sabihin na hindi ko kayang tanggapin ay kung bakit siya nagsabi sa akin ng ganito si Wayto lalo na sa sitwasyon namin ngayon.