"مابين العشق والقدر" بقلمي هند صقر (مكتملة)

الفصل العشرون

-روحتي

اجابته بحماس:
-اه تمام.... وياه كان يوم فظيع من أول ما خرجت وأنا مش مرتاحة كده المهم روحت ركبت الميكروباص وبعدين...... ومشيت الشارع لغاية الجامعة....

قاطعها قائلا بملل:
-خلاص تمام المهم انتي دلوقتي في البيت

اجابته باستمتاع :
-اه تمام... بس استني بس مكملتلكش ودخلت الكلية وأول محاضرة كانت مملة الدكتور قعد يشرح فيها.......... وبعدين.........

قاطعها بضجر :
-خلاص تمام بس كنت.....

ردت قائلة بسرعة ولم تترك المجال له ليتحدث :
-و.......وكله كوم والمحاضرة الثانية كوم.......... و.....واه المحاضرة الثالثة حصل فيها حاجات.....أنت روحت فين.....

اردف وهو يتثائب:
-تصبحي علي خير يا ايمان

قطبت جبينها لتقول باستغراب :
-ليه هي الساعة كام دلوقتي

لوي ثغره ليقول بتهكم :
-تقريبا 9

صاحت بدهشة:
-يالهوي كل ده... بس أنا لسه مكملتلكش علي اللي حصل...

هتفت ببراءة بعدما أحست بانقطاع الخط :
-سليم... سليم

قفزت وهي تتمايل بخصرها لتقول بنشوة :
-ياسليمممم ياسليم.... أما وريتك

ثم حكت حنجرتها لتقول بانهاك :
-يالهوي ده أنا بعاقب نفسي مش بعقبه أه يا أحبالي الصوتية اه ياني

...........................

مرت فترة الامتحانات بسلام بدون حدث يذكر لتأتي فترة الاجازة المحببة لدي الجميع وقد انتهت هي الاخر سريعا ليبدأ ترم دراسي جديد بأحداثه و....

-صباح الخير يا بابا

رفع رأسه من علي الجريدة التي يطالعها لينظر اليها بابتسامة من تبدل حالها :
-صباح الفل والياسمبن علي أحلي عيون لاحلي نوجة في حياتي... ايه شايفك لابسه أنتي راحة الجامعة ولا ايه

هزت رأسها لتقول بنفي :
-لاء هروح لحور بيقولوا نتيجة الترم الاول هتظهر علي النت النهاردة فهروح أشوفها عندها

ابتسم ليقول موافقا :
-بجد طب ربنا معاكي يلا روحي عشان تلحقي تقعدي وتيجي بدري

نظرت حولها لتقول بتساؤل :
-بس مش لما أقول لماما الاول

اجابها بنفي:
-لاء يا حبيبتي روحي أنتي وأنا هقولها

-قبلت جبينه قبل أن تتحرك مبتعدة لتقول :
-يلا سلام عليكم

رفع يده عند أبتعادها ليقول بتضرع:
-ربنا ينجحك ويفتحلك أبواب السعادة والفرحة ويهديلك حالك ويريح بالك ويحبب فيكي خلقه يا بنت قلبي

........................

-سليم أنا تعبت من تحكماتك دي

اجابها سليم باقتضاب :
وأنا قولتلك يا نجلاء مينفعش تروحي لبيت حد ولو وعلي النتيجة أنا هتصرف وهجبهالك يا ستي