"مابين العشق والقدر" بقلمي هند صقر (مكتملة)

الفصل الثالث والعشرون

-بت يا ايمان أفتحي الباب يا منيلة

خرجت ايمان من غرفتها وهي تنفخ بضيق :
-حاااضر ياماما

ثم غمغمت بضجر وهي تفتح الباب :
-أفيش غير نيلة ايمان الواحد كره أسمه أجدعان

-هانت كلها كام شهر وتدخل عش الزوجية وترتاحي يا مجنونتي

ابتلعت ريقها لتقول بارتبارك :
-سليم

ابتسم ليقول باستغراب:
-ايه مالك هو أنا مش معزوم عندكم علي الغدا ولا غلطت في العنوان

افسحت المجال.. تردف بنفي:
-لاء طبعا أتفضل

هز رأسه ليقول باعتراض:
-توء

قطبت جبينها لتقول باستغراب :
-توء ليه

ابتسم ليقول بمرح:
-عايز أفضل واقف

مطت شفتيها وهدرت به بسخرية:
-ليه يعنى هنا تراوة وجوه مثلث برموده

هز رأسه واردف بهيام :
-لا عشان أتثبت من أجمل عيون فى الكون

رمشت بأهدابها وهمست بتذبذب واضطراب :
-طب يعنى ...هو... أنت

رفع حاجبيه مع حركة رأسه وأردف بصوت خفيض زاد من أضطرابها أكثر فأكثر:
-أنا ايه ؟ ...حبيبك وقلبك وجوزك

رمشت بعينيها باضطراب وتخضبت وجنتيها بالحمرة القاتمة ولكنها سرعان ما أستفاقت لحالها وانتهزت فرصة أنشغاله بالنظر الي عينيها  وتسللت من أمامه بمهارة لتركض الي الداخل وهي تصيح بقوة :
-يامامااا يامامااااا

ابتلع ريقه ليردف بعدما جحزت عينيه بصدمة:
-يامجنونة المجانين

اتت والدتها من الداخل وهي تقول بتململ:
-ايوة يا قسمتي في ايه....

ثم اردفت بابتسامة عند رؤيتها لوجود سليم:
-اهلا يا سليم أتفصل يابني واقف علي الباب كده ليه...وفين ذينب منزلتش معاك ليه

نظر سليم نحو ايمان بنظرات أستطاعت فهم معنها قبل أن يقول بتوضيح:
-لاء ياطنط  أنا صليت في الجامع وجيت علي طول وماما هتعمل حاجة وهتنزل كمان شوية متقلقيش

هزت رأسها بتفهم ثم وكزت ايمان من خصرها وهي تقول بضجر :
-وانتي يامنيلة واقفة ذي خيال المقاته كده ليه.... مش تتدخلي جوزك وتقدميله حاجة لحد ما ابوكي يرجع ونقدم الغدا

ولكن لا حياة لمن تنادي فقد وقفت ايمان مغيبة تمام  بعدما شاهدت نظرات  سليم نحوها فقطبت والدتها جبينها من هيئتها لتحول نظرها نحو سليم لتهتف بتقرير :
-ربنا يصبرك يابني والله
.............................

فتح باب الشقة ليدلف الي الداخل بهدوء ليجد من يرتمي عليه بقوة فارتدى الي الخلف من قوة الدفع ليصيح بابتسامة مزهولة:
-يامجانين خضتوني

أبتعدت  حياة عنه وهي تهتف بتحذير ولوم  :
-أمجد... أوعي تعمل كده تاني... مش كفاية سبتنا السنين اللي فاتت دي كلها