"مابين العشق والقدر" بقلمي هند صقر (مكتملة)

الفصل الرابع والعشرون

-بت يا ايمان مالك سرحانة كده ليه يالهوي عليكي

اردفت ايمان بشرود :
-مش عارفة يا حور حاسة أني بحلم وطايرة لفوق كده

اردفت حور باستهجان:
-طب حاسبي ياختي لتقعي علي الزعزوعة ومنعرفش نعدلك

ضحكت ايمان بتهكم لتقول بملل :
-ههههه خفة يابت

هدرت حور باستنكار :
-أصلك عيشالي فيها دور المتيمة.... الله يرحم ما كانت جنازة...وأنا خايفة يا حور أانا مش عارفة ايه يا حور....

اردفت ايمان بتبرم :
-ما أنتي ما شفيش سليم زمان وسليم دلوقتي ده أنا هتجنن

هتفت حور باستغراب :
-هتتجنني.... ياماما أنتي مجنونة خلقة هتتجنني أكتر من كده ايه تاني.... .بس ايه حكاية سليم زمان وسليم دلوقتي ده ايه اللي أختلف

مطت شفتيها لتقول بشرود:
-سليم زمان كان تقيل كده وما بيعبرنيش وكنت بحس أنه مش طايقني

صاحت حور باهتمام:
-ودلوقتي

اردفت ايمان بتبرم :
-دلوقتي.... دلوقتي عايز بوليس الادب

قهقهت حور عاليا لتقول باستمتاع :
-ليه بيعمل ايه ها.... قولي يابت ده أنا صحبتك حتي

وكزتها ايمان في خصرها لتقول بغلظة :
-أهدي ياختي مفيش حاجة.... ده لو فكر بس ألم عليه أمة لا الله الا الله هو فاكرها سايبة ولا سايبة... قال اديه بوسة قال

هزت حور رأسها لتقول بتهكم :
-لاء عيب عليه بصراحة... اذاي يقولك حاجة ذي كده

لوت شفتيها لتقول بتقرير :
-اه شوفتي.... بس علي مين...

اردفت حور باستفسار :
-أنتو هتتجوزوا أمتي صحيح

هدرت ايمان بضجر :
-لما يخلص الشقة..... تصوري بدء فيها من تاني يوم كتب الكتاب.....هو صحيح لازم يبقي لينا أوضة مشتركة أصلي بحب يبقي ليا أوضة لوحدي ومبحبش أنام مع حد

نظرت اليها حور برفعة حاجب وهي تقول ببلاهة:
-نعم

مطت ايمان شفتيها لتقول بضجر :
-هو أنا قولت حاجة غلط

هزت حور رأسها لتقول بنفي :
-لاء أبدا..... بصي ربنا يصبره

صاحت ايمان بامتعاض :
-ليه يعني هو أنتي وأمي هتبقوا عليا ده يحمد ربنا أصلا أني هقعد معاه في نفس الشقة

لوت حور شفتيها لتقول باسبهلال :
-وأنا اللي كنت فكراكي ناصحة..... بقولك أيه يلا نروح عشان هحود علي نجلاء وأنا مروحة أشوفها مجتش ليه النهاردة

هزت ايمان رأسها لتقول بهدوء :
-ماشي يلا و ابقي سلميلي عليها.... مش هعرف اجي معاكي عشان يادوبك هروح ألحق أنام شوية قبل مايستلمني تليفونات

ثم تابعت بتفكير :
-ولا لأقولك أنا هقفل التلفون قبل ما أنام أحسن

دفعتها حور وهي تقول بضجر :
-طب يلا أتحركي قدامي يا أذكي أخواتك..... وربنا يكون في عونه